الحلقة ٤٣
#ليلى
#بوسى_مصطفى
_____________
رانيا / خلاص ياناصر حصل خير
مدير المطعم اللي جه بسرعه
احنا بنعتذر لحضرتك يافندم
وزعق في الويتر
ناصر / خلاص مفيش حاجه
مدير المطعم ينادي ع بنت من اللي شغالين في المطعم تاخد رانيا تخلع الجيب بتاعتها وتنضفها راحت رانيا معاها وقعد مدير المطعم مع ناصر عشان يهديه ومتحصلش مشكلة تضر بسمعة المطعم
في الوقت دا كانت رجاء اخدت بالها من إن ناصر ورانيا موجودين في المطعم طلبت من فتحي يقوموا بسرعه
فتحي كان بيجري وراها وهو مش فاهم حاجه لكنه اخد باله من ناصر وازاي ينساه بعد م اتقابلوا في الليلة إياها
لكن رجاء ايه علاقتها ب ناصر
ليه قامت بسرعه وهي خايفه كده
واستنتج طبعاً إن البنت اللي معاه رانيا لإنه شافها من ضهرها ملحقش يتحقق منها بسبب ارتباك رجاء وإنها قامت بسرعه
في العربية
فتحي / في ايه يا رجاء مالك
رجاء / مفيش يافتحي سوق بسرعه يلا عايزة اطمن على روقه
فتحي / انتي تعرفي الراجل ده
رجاء / راجل مين
فتحي بمكر / لا ولا حاجه
ساق بسرعه وبعد عن المكان
خرجت رانيا بعد م اتغسلت الجيب واتكويت كمان
ناصر / انتي كويسه
رانيا / الحمد لله
بس مكانش ليه لزوم إنك تزعق في الراجل بالشكل دا
اكيد ميقصدش يعني
ناصر / خلاص حصل خير
تشربي ايه بقى
رانيا / لا خلاص اشرب ايه بقى
يلا خلينا نرجع البيت
ناصر /" نرجع ايه بس هو احنا لحقنا
تعالي نلف بالعربية شويه وافرجك على كام مكان هنا هيعجبك اوي
رانيا / خايفه حاجه تحصل تاني
ناصر / هههههههههه لا متقلقيش موقف وعدي
__________
طبعاً فتحي طول الليل وهو عمال يفكر في رد فعل رجاء في المطعم وشعر إن في حاجه اكيد تعرف الراجل ده
رجاء صاحبة نبيله ياترى دا له علاقة بالراجل اللي شافه فتحي
دا اللي كان فتحي بيفكر فيه
وافتكر الموقف اللي حصل لما راح عند رانيا
ايوه هي رجاء نفس الست اللي شوفتها هناك في الشقة
يااااه وانا عمال اقول الشكل دا مش غريب عليه
بس ياترى ايه علاقتها بالراجل
اخوها ولا طليقها
لازم اعرفه اسمه بالكامل وهو الراجل اللي انا شوفته النهارده ولا لأ
والولد اللي معاها ده ياترى ايه حكايته هو كمان
انا مش داخل في دماغي الكلام اللي قالته على إن الولد باباه ومامته غرقوا في المياة
ياترى ايه حكايتك يا رجاء اكيد وراكي مصيبه كبيره وانا لازم اعرف كل حاجه
__________
في الصباح... في شقة خيري
عدي بيتكلم في التليفون مع سليم
عدي / لا عندي امتحان ولازم انزل حالا
سليم / طب ادخل ل ليلى قولها إني عايز اكلمها خليها تقوم من النوم بقى
عدي / اسمع أنت عارف إن اختي نومها تقيل لو حصل ايه مش هتقوم غير في ميعادها بردو
سليم / بقولك عندي تصوير ومش هعرف اكلمها خالص النهارده
ادخلها بس قبل م انزل
عدي / وانا عندي امتحان ومش فاضي ليك ولا ليها... سلام
سليم / يااخي انت طالع رخم لمين مش فاهم
عدي / هههههههههه ل اختي
سليم / اهي دي حاجه متتصدقش عشان ليلى أجمل وارق
بنوته في الدنيا كلها
عدي / طبعاً دول كلمتين بتثبتني بيهم عشان ادخل اصحيها
سليم / اقفل ياعدي وانزل يلا شوف انت رايح فين
عدي / هههههههههه اهي ليلى صحيت اهيه
ليلى / مين يا عدي
عدي / دا الأستاذ سليم عايز يكلمك
ليلى ببتسامة / طيب اقفل وانا هكلمه
ودخلت ليلى جوه
عدي / مفيش صباح الخير ولا اي حاجه كده
سليم / اقفل ياغتت بقى
عدي / طب متتصلش بيه تاني
سليم / هههههههههههههه اقفل يله
ليلى بتتصل... سليم يكنسل
ويتصل بيها
سليم / صباح الخير
ليلى ببتسامة / وعليكم السلام صباح النور
سليم / هههههههههههههه لازم تحرجينا يعني
عامله ايه ياحبيبتي
ليلى / الحمد لله... تمام
قافل تليفونك ليه
سليم / قفلته بالليل عشان اعرف انام
ليلى / نوم العافيه ياحبيبي
سليم / صاحيه تعملي ايه
ليلى / هعمل ايه يعني
زي كل يوم هقوم البس وانزل الشغل بس هغير للولاد واعملهم الرضعه واصحى ماما عشان تاخد بالها منهم عقبال م حنين تيجي
عدي / ليلى انا نازل..عاوزه مني حاجه
ليلى / استنى ياعدي ألبس عشان توصلني
عدي / معلش يالوله انا يدوب انزل عشان عندي امتحان وانتي قدامك كتير عقبال م تخلصي لبس
ليلى / خلاص ياحبيبي مع السلامة
عدي / ادعيلي ياليلي سلام
سليم / حبيبك مين
مفيش حبيب غيري انا
ليلى / هههههههههههههه طبعاً ياحبيبي عشان حبي ل اخواتي وماما وبابا حاجه تانيه غير حبنا لبعض
سليم / وحشتيني اوي
ليلى / ياسلام... امال مبتتصلش كتير يعني
سليم / هعمل ايه بقى كل شوية بننزل عشان نصور في أماكن كتير
البرنامج دا هيعمل ضجه كبيرة قوليلي ليه بقى
ليلى / ليه ياحبيبي
سليم / عشان انا اللي بقدمه هههههههههههههه
ليلى / هههههههههههههه برغم انك بتهرج بس هو فعلاً هيسمع اوي
وخصوصاً الناس اللي بتحب السفر ومهتمه اوي إنها تعرف معلومات كتير عن المدن وعواصم العالم وقدم بقى حاجات متنوعه كده في الحلقات
سليم / النهارده بقى رايحين نصور في أشهر مطاعم فرنسا ونتعرف ع أشهر الأكلات بتاعتهم
ليلى / اوعي تشرب شوربة ضفادع ياسليم
سليم / هههههههههههههه دا انا نازل مخصوص عشان كده
ليلى / عارف لو عملتها مش هعرفك تاني
سليم / هههههههههههههه متقلقيش هدوق بس
ليلى / انا مبهزرش لو ايدك بس لمستها مش هعرفك بجد
سليم / هههههههههههههه حبيبتي يالوله امال لما نصور بقى في كوريا والصين واليابان هتعملي ايه
ليلى / لو أكلت من اكلهم هتبقى انت اللي جانيت على نفسك
قولي اخبار فرنسا ايه
سليم / كويسه ههههههههههه
ليلى / حلوه ياسليم
سليم / جميله اوي ياحبيبتي
ليلى / احلى مني يعني
سليم / هههههههههههههه ليلى انتي عارفه اللي في قلبي
ليلى / واللي في عينك؟؟؟
سليم / عيني مش شايفه غيرك ياحبيبتي وانتي عارفه كده
ليلى / طب مش هتقفل
سليم / صدقيني مش عايز اقفل معاكي
ليلى / بس طبعاً لازم تقفل عشان الشغل؟؟
سليم / هههههههههههههه كلك نظر يالوله
ليلى / سلام ياحبيبي
سليم / مع السلامة ياحياتي
بالليل هكلمك
ليلى / اوكيه سلام
وقفلت ليلى
سامية / الولاد بيعيطوا يابنتي
ليلى / حاضر ياماما انا كنت رايحه أعملهم الرضعه بتاعتهم
سامية ببتسامة / وايه اللي عطلك
ليلى / سليم بيسلم عليكي ياماما
سامية / سليم اه هههههههه
طب يلا شوفي ولادك بقى قبل م تنزلي
ليلى / حاضر ياماما
وخرجت ليلى تغير لاولادها وتعملهم الرضعه
سامية واقفه عند باب المطبخ وشايله مريم
سامية / هو عدي نزل يا ليلى
ليلى / اه ياماما نزل من ربع ساعة كده
سامية / حبيبي مفطرش قبل م ينزل الفطار زي ماهو بره
ليلى / هو نزل ع طول عشان يلحق الامتحان م حضرتك عارفه ياماما يوم الامتحان دا الواحد مبيكونش ليه نفس خالص للأكل
سامية / معرفتيش اللي حصل لمامت غادة
ليلى / طنط حوريه؟!
مالها ياماما
سامية / جوزها اتجوز عليها
ليلى / ياخبر.. امتى دا وليه؟؟
سامية / محدش يعرف بس الكلام دا من قريب م انتي عارفه
إن مامت غادة قاعدة عند اخوكي بقالها حوالي شهر اهوه
ليلى / وحضرتك زعلانه عشان طنط حوريه قاعده هناك ولا زعلانه عليها
سامية / ايه السؤال اللي ملوش معنى دا ياليلي
ليلى / انا آسفة ياماما مقصدش
سامية / انا طبعا زعلانه عليها ازاي راجل بعد عشرة عمر بينه وبين مراته يطردها من البيت ويروح يتجوز
ليلى / حضرتك بقى خايفه إن بابا يعملها ولا ايه ههههههههههههه
لا اطمني بابا مش ممكن يعمل كده
سامية / ليه ياحبيبتي ماهو واحد اهوه باع عشرة خمسه وعشرين سنه وطرد مراته عشان يخلاه الجو ويعيش مع العروسة الجديدة
ليلى / مش الجواز حلال ياماما بس الطريقة اللي اتجوز بيها دي في ظلم كبير اوي لطنط حوريه
كان جاب للعروسة شقة تانيه واحترم مشاعر زوجته الأولى
سامية / مش هتنزلي
ليلى / في ايه ياماما لسه زعلانه مني
انا مقصدش ابدا اللي حضرتك فهمتيه
سامية / خلاص يا ليلى انزلي
ليلى / افهم بس في ايه
حضرتك صاحيه مش في المود خالص
سامية / باباكي
ليلى / في ايه ياماما
سامية / عايز يجيب اخته تعيش معانا هنا
ليلى / مش فاهمه هنا ازاي
وليه
سامية / بيقول انها جوزت ولادها وعايشه لوحدها بعد وفاة جوزها وصعبانه عليه
قال يجيبها تعيش معانا هنا تتونس بينا وانا بصراحه مش قادرة انسى اللي كانت بتعمله فيه زمان
وكمان معنى انها تقعد هنا تحصل مشاكل بيني وبينه لاني عارفه اسلوبها كويس
وانا يابنتي اخدت اني اعيش براحتي في بيتي
لكن مع وجود عمتك هحس اني ضيفه في بيتي
ليلى / طب م تقعد مع أي حد من ولادها
سامية / تخيلي محدش منهم قالها تعالي ياأمي اقعدي معانا
وعشان باباكي بقى حنين واخوها الوحيد فعايزها تيجي تعيش معانا هنا
ليلى / مش عارفه ياماما اقول لحضرتك ايه بس اتكلمي مع بابا يمكن توصلوا لحل يرضى جميع الأطراف
سامية / ماهو اتصل بيها فعلاً وقالها تيجي يوم الجمعه ع اساس إنه عازمها يعني ع الغدا بس الحقيقه بقى إن بابا هيفاتحها في الموضوع دا لما تيجي
ليلى / يمكن متوافقش
سامية / لا ياحبيبتي هتوافق اوي دي مني عمرها من زمان
م انتي عارفه انها اتجوزت في بيت جدك وكانت عايزة باباكي يتجوز هناك كمان
بس عشان شغله بقى سكنا هنا
ليلى تبص في الساعة / ياخبر اتأخرت... سلام ياماما نكمل كلامنا بعدين معلش بقى عشان متأخره
سامية / ماشي بس ع مهلك
ودخلت ليلى تلبس بسرعة كانت حنين جات وقاعده مع الولاد بره
طلبت منها تاخد بالها من الولاد ونزلت ع طول
______________
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
