الحلقة ٦٢
#ليلى
#بوسى_مصطفى
_______________
جرى سليم بسرعه بالعربية لحد م وقف قدام المستشفى
نزل بسرعه اخد صفاء من ايدها ودخل بيها جوه اول م شافها الدكاتره اخدوها بسرعه قسم الطواريء
سليم طبعاً في الوقت دا نسي كل حاجه
دي حالة انسانيه ولازم يوقف جنبها "" دي من المروءه والشهامة""
______________
في شقة خيري
ليلى خرجت من اوضتها لاقيت عدي قاعد قدام التليفزيون وبيأزأز لب
ليلى / بتعمل ايه
فزع عدي وقام واقف على الكرسي
ليلى / هههههههههههههه ايه شوفت عفريت
عدي وهو ايده على صدره وبياخد نفسه بعد الخضه اللي اخدها
عدي / في حد يدخل ع حد كده
ليلى / هههههههههههههه ليه هو انا دخلت عليك اوضة نومك وانت نايم دا انت قاعد ومشغل التليفزيون اهوه
ومبهدل المكان حواليك دي لو ماما صحيت دلوقت ولاقيت المكان بالشكل دا مش بعيد تنيمك بره البيت
عدي / لما اخلص هنضف المكان
ليلى قعدت جنبه واخدت لب من الطبق اللي قدامه / بتتفرج على ايه بس
عدي / اتفرجي وانتي هتفهمي
ليلى / اجنبي... لا ياعم مبحبوش
عدي / دا فظيع شوفي بس هيحصل ايه للراجل دا
"" اتنين بيجروا في الغابة خايفين من حاجه بتطاردهم يستخبوا ورا شجرة يتشعلق اللي بيطاردهم في حبل متعلق في شجره قصادهم وبسرعه يقرب منهم من الخلف وفي ايده فأس
يقطع رقبتهم وتطير دماغهم والكاميرا مقربه اوي من الدماغ اللي واقعه في الأرض ""
تصرخ ليلى وهي ايدها ع وجهها
عدي بيضحك / هههههههههه ايه دا يالوله قلبك خفيف اوي
ليلى / يااخي اقلب ع البتاع دا
مش عارفه فين المتعه في المشاهد المقززه والمرعبه بالشكل ده
عدي يتخن صوته جامد ويبرق ل ليلى / هيطلعلك بالليل
ليلى / هههههههههههههه مبخافش
عدي / هههههههههه هنشوف
وبيقوم عدي
ليلى ومسكت التيشرت بتاعه / رايح فين
عدي / هههههههههه خايفه ولا ايه
ليلى / ها... لا ياحبيبي انا قلبي حديد
عدي / هههههههههه لا ماهو باين
هروح اعملي كوباية شاي... اعملك معايا
ليلى / ياريت لو ساندوتش كده ولا حاجه
عدي / هههههههههه انتي داخله على طمع... حاضر
ودخل عدي المطبخ وليلى بتقلب في التليفزيون
سامية خارجه من الاوضه وجات قعدت جنب ليلى
ليلى اتفاجئت بمامتها قاعده جنبها
ليلى / ماما!
حضرتك هنا من أمتي
سامية /"ايه اللي مصحيكي ياليلي
ليلى / مش جايلي نوم
سامية / ولا انا
عدي / ولا انا .... هههههههه اتنين شاي في الخمسينه وساندوتش جبنه بالقوطه...
ليلى / هههههههههههههه ياااه انت لسه فاكر
عدي / مكونتيش تاخدي الساندوتش إلا لما تتأكدي إن فيه قوطه
ليلى / هههههههههههههه فعلاً
عدي / مش جايلك نوم ليه ياماما
سامية / مينامش إلا ابو قلب خالي ياحبيبي
عدي / على كده بقى بابا قلبه خالي ههههههههههه
سامية / قلبه يبقى خالي احسن من حاجه تانيه ههههههههه
ليلى / مفيش زي بابا ابدا
عدي / بلا حب بلا وجع قلب
اخدنا منه ايه يعني
ليلى / هههههههههههههه ع رأيك
محسسني إنك حبيت بجد
سكت عدي
سامية / شوفي ياليلي تليفونك
هيصحي العيال واحنا م صدقنا انهم ناموا
ليلى تجري تاخد التليفون من جوه
ليلى / وعليكم السلام
داليا / اخبارك ايه ياليلي
ليلى / الحمد لله... ايه ياداليا مالك
داليا / هو انتي فين
ليلى / في البيت
داليا / انتي متعرفيش إن صافي وسليم عملوا حادثة بالعربيه
ليلى / ايه... بتقولي ايه ياداليا
داليا / انا فاكره إنك تعرفي... قولت اتصل اطمن
انا كنت منتظره البرنامج اللي بتقدمه صافي وبعدين لاقيت مكتوب تحت اعتذار بعدم تقديم حلقة اليوم
لإن صافي عملت حادثة واتكتب انها كانت مع جوزها
ليلى / طب اقفلي دلوقت ياداليا
وقفلت ليلى
سامية / في حاجه ياليلي
ليلى / داليا بتقولي إن سليم عمل حادثة بالعربيه
سامية وخبطت ع صدرها / ياحبيبي... وعامل ايه ياليلي
ليلى / معرفش ياماما
سامية / طب كلميه يابنتي واطمني عليه
ليلى / خايفه
سامية / طب هاتي التليفون اما اكلمه انا
عدي / ثواني انا بتصل
عدي / الو... ايوه ياسليم انت كويس
سليم / الحمد لله... هو في حاجه ياعدي
ليلى والولاد بخير
عدي / بخير... بس عرفنا إنك عملت حادثة بالعربيه انت متأكد إنك كويس
سليم / الحمد لله... انا كويس
عدي فاتح السبيكر عشان يسمع ليلى ويطمنها
ليلى / الحمد لله
سليم سمع صوتها / هي ليلى جنبك
عدي / تكلمها
سليم اتردد ولسه هيقوله هاتها اكلمها كان الدكتور خارج من غرفة صافي
سليم / شويه هبقي اكلمك ياعدي.. سلام
ساميه / قالك ايه ياابني
عدي / بيقول إنه كويس
ليلى / وهي
عدي / هي مين
ليلى / مراته
عدي / هي كانت معاه؟؟؟
لا مجابش سيرة عنها
ليلى / تصبحو على خير
عدي / مش هتاكلي
ليلى / لا مليش نفس
ودخلت ليلى اوضتها
____________
أنت تقرأ
🥀 ليلى ❤️🥀
Chick-Litليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
