🥀 ليلى ❤️🥀

الحلقة ٢٨

الحلقة ٢٨
#ليلى
________________

داليا ل ليلى / ليلى انتي كويسه
ليلى وهي بتتألم / دماغي بس بتوجعني وايدي الظاهر اتجزعت
مصطفى / طب وسعي كده يا داليا اما ننزلها نشوف مستشفى قريبه من هنا
السواق / متقلقيش يااستاذة بسيطه
إن شاء ﷲ
داليا / مش تحاسب ياعم علي
على / انا آسف يااستاذة بس ملحقتش امسك فرامل
ياسين ( زميلهم) / تعالى معايا  يامصطفى طالما ليلى كويسه في عربيه واقعه في نص الطريق هي دي اللي خبطنا فيه
نزل السواق ومصطفى وياسين
داليا ل ليلى / انتي متأكدة إنك كويسه
ليلى / متقلقيش عليه انا كويسه
بس خايفه ع البيبي
داليا / لا بقى مبدهاش تعالي ننزل نشوف مستشفى قريبه من هنا
ليلى / تعالى نشوف الناس اللي واقعه تحت
داليا / انتي في ايه ولا في ايه
في عربية ناصر كان بيحاول يفتح باب العربية ويخرج قبل م يجوا الشباب والسواق عشان يخرجوا
نزلت داليا ومعاها ليلى اللي كانت مسنداها
خرجوا ناصر وهو غرقان في دمه وبيشاور على العربية
ياسين / في حد جوه يا مصطفى
بينورا ب كشافات الموبايلات
وجدوا رانيا بدأ الشباب في سحب رانيا واخراجها من العربيه
وداليا بتتصل ب الإسعاف
اللي جات بسرعه

______

في القناة واثناء تقديم سليم البرنامج
كان في دوشة بره اخد فاصل
جه الشباب من الاعداد
واحد منهم ل سليم / في حادثة كبيره اوي على طريق مصر اسكندرية الصحراوي اربع عربيات خبطوا في بعض
سليم / بتقول فين
شاب تاني / طريق مصر إسكندرية الصحراوي
سليم بخوف وقلق / ليلى!
شاب تاني / فعلاً في عربية منهم فيها مجموعه من الصحفيين كانوا بيغطوا خبر غرق مركب رشيد
سليم ومسك التليفون بيتصل ب ليلى مفيش رد
بيقلب في الفون يدور ع اي رقم من أرقام اصحابها
المخرج / استاذ سليم نكمل الحلقة وبعد كده تقدر تروح
سليم / مش هكمل الحلقة يا أستاذ
المخرج / أستاذ سليم... أستاذ سليم رايح فين
كان سليم بيجري يخرج من المبنى اللي كان بيصور فيه الحلقة من برنامجه الجديد اخد العربية وطار بسرعه
وبيتصل ب اي حد من زمايل ليلى
محدش منهم طمنه
بيتصل ب صافي
صافي / ايوه ياسليم...
سليم / صافي معاكي رقم اي حد من المجموعه اللي كانت مع ليلى
صافي / اه طبعاً ثواني هبعتلك ارقامهم انا لسه عارفه الخبر دلوقت وملحقتش اكلم حد منهم عشان اطمن
بعتلك رقم مصطفى وياسين وداليا كلم اي حد منهم وانا هتصل كمان واطمنك سلام
في المستشفى
ناصر في غرفة الرعاية ورانيا في غرفة العمليات بتولد
وليلى قاعد ع كرسي قريب من غرفة العمليات رابطه دماغها ب شاش وايدها كمان وداليا قاعده جنبها في شوية كدمات في جسمها لكن أفضل من ليلى
مصطفى وياسين جايبين اكل وعصاير ليهم
داليا / كلي يا ليلى
ليلى / مش قادرة يا داليا
داليا / ياحبيبتي.. الحمد لله
انك بخير والبيبي كمان كويس
ليلى / انا خايفه اوي ع الست اللي جوه
داليا /
تقوم بالسلامة... بس حالة جوزها بيقولوا حرجه.
ليلى / والعربيه اللي كانت ورانا حصلهم حاجه
داليا / شوية كسور بس..  بسيطه
مصطفى / ايوه انا مصطفى ازاي حضرتك
أستاذة ليلى... لأ كويسه..
وقام مصطفى / أستاذة ليلى الأستاذ سليم عايز يطمن عليكي
اخدت ليلى التليفون
سليم / ليلى قوليلي عامله ايه
ليلى / انا كويسه ياسليم متقلقش
سليم / انتي في مستشفى ايه
ليلى / ياحبيبي متتعبش نفسك انا بخير...
شويه كده وهنخرج من المستشفى مستنيين العربيه بس تتصلح
سليم / لا عربية ايه انا هاجي اخدك قوليلي بس العنوان
ليلى / حاضر
كانت الممرضه خارجه من غرفة العمليات ومعاها البيبي
الممرضه / مفيش حد من قرايب المدام ياخد البيبي
قامت داليا وليلى
ليلى / هاتيه انا اشيله
داليا / هاتيه نشوفه
الممرضه / انتو قرايب المدام اللي جوه
ليلى / لأ بس هي مفيش حد معاها غير جوزها وهو في غرفة العمليات
الممرضه / طيب بعد اذنكم
ليلى / طب اشوف البيبي
الممرضه / اتفضلي يامدام... عقبالك
ليلى وهي فرحانه تبوس البيبي من خده
داليا / زي القمر
تاخد الممرضه البيبي وتدخل مرة تانيه
بعد شوية يخرجوا رانيا من غرفة العمليات وجنبها ابنها
شويه كمان ويخرجوا ناصر من غرفة العمليات لغرفة الرعاية
وباقي اللي كانوا موجودين في الحادثة في غرف تانية بين كسور وجروح وكدمات في الجسم
لكن أصعب حاله كانت ناصر ورانيا اللي كانت عندها كسور في أماكن كتير من جسمها لكن فايقه الحمد لله.
________________