🥀 ليلى ❤️🥀

الحلقة ٥١

الحلقة ٥١
#ليلى
#بوسى_مصطفى
_______________

الشاب صاحب ربيع بيسأل عن دعاء في المنطقة كلها بحجة إنها هربت من بيت  اهلها وبيدور ا عليها ومعاه صورتها ربيع بعتهاليه ع الواتساب
واحد من االي ساكنين في المنطقة قاله إنه بيشوفها في مكتبة عم صابر وميعرفش إن كانت ساكنه هنا
ولا ساكنه في منطقة تانيه

دعاء لعم صابر / محتاج مني حاجه تانيه ياعم صابر
عم صابر / لا يابنتي اطلعي بقى اخرتك الليلة
دعاء / أخرتني ايه بس
هو انا يعني ورايا حاجه غير الشغل... تصبح على خير
دعاء لسه خارجه من المكتبة تلتفت للي بيسأل عنها
عم صابر / ايوه ياابني عايزها في ايه
________

عم صابر / بقولك عايزها في ايه
الشاب / هي يعني شغاله عندك هنا في المكتبه
عم صابر / طب ادخل بس نتكلم
كان عم صابر عايز يستدرجه ويعرف هو مين وعايز ايه من دعاء
لحظة م دعاء التفتت كان الشاب دا واخد باله من البنت اللي لسه خارجه من المكتبه وطبعاً كانت دعاء
_مشيت دعاء بهدوء واستغلت انشغال الشاب بالكلام مع عم صابر لكنه هو كان واخد باله منها
دعاء كملت طريقها عشان تخرج من الشارع وفي نفس الوقت بتمشي بشكل طبيعي عشان تلفتش نظر حد ليها
الشاب لعم صابر / طيب معلش انا همشي بقى
عم صابر / ادخل بس اشرب حاجه ياابني
الشاب كان خارج من المكتبه بسرعه
عم صابر خرج لاقي الشاب دا بيجري وكانت دعاء خرجت من الشارع بعدها شعرت بخطوات قريبه منها بدأت تجري ودا يجري وراها
أنفاسها قربت تتقطع خايفه وقلبها هيوقف
_____________

في شقة خيري
جرس الباب يرن تقوم سامية تفتح الباب تلاقي عبدالرحمن صاحب عدي
عبدالرحمن / سلام عليكم
سامية / وعليكم السلام
عبدالرحمن / انا عبدالرحمن صاحب عدي
سامية / اه اهلا وسهلاً ياابني
اتفضل
عبدالرحمن / معلش بس ياطنط ممكن تقولي لعدي اني عايزة
انا هنزل استناه تحت
سامية / تحت فين بس ياابني ادخل
عدي... انت ياابني
عدي خارج من الاوضة / نعم ياماما
وبعدها يلمح عبدالرحمن
يقرب ببتسامة يسلم ع عبدالرحمن
عدي / تعالى ادخل
عبدالرحمن / لا عايز اتكلم معاك شويه هتيجي معايا
عدي / طب ادخل نتكلم جوه
عبدالرحمن / معلش مش هينفع
عدي يشده ويدخله جوه / تعالى بقى مكسوف من ايه
معندناش بنات
سامية بتضحك / هدخل اعملكوا حاجه تشربوها
عدي / تسلم ايدك ياست الكل
عدي / تعالى جوه
واخد عدي عبدالرحمن ودخلوا الغرفة
عدي / اقعد بقى وقولي ايه سبب الزيارة السعيدة دي
عبدالرحمن / قلقت عليك
عدي / انا كويس ياعبد الرحمن
عبدالرحمن / عدي انا منمتش امبارح
عدي / ليه انت تعبان
عبدالرحمن / اه تعبان
عدي / مالك يله انت هتعيط ولا ايه
عبدالرحمن / عدي عشان خاطري ابعد عن الطريق دا
انت ملكش في السكه دي
عدي عشان خاطر مامتك اللي واقفه في المطبخ دي
ابعد ياعدي
عدي / ياابني ابعد عن ايه
انا كنت بهزر معاك
سجاير ايه اللي هشربها بس!
م انت عارفني كويس ياعبدالرحمن انا مليش في الحاجات دي
عبدالرحمن / بجد ياعدي
يعني انت مشربتش القرف دا!
طب قولتلي الكلام دا ليه
عدي / ههههههههه بشتغلك يله
والظاهر اني طلعت ممثل شاطر عشان كده دخلت عليك الحكاية دي
هههههههههههههههههه
"طبعا عدي كان بيكذب لانه خاف عبدالرحمن يقول لمامته او باباه وندم امبارح بعد م قاله"
عبد الرحمن / يااخي وقعت قلبي
متهزرش الهزار البايخ دا تاني
عشان بجد بقى مش هعرفك وقتها
عدي / هههههههههه حقك عليه