الحلقة ٣٨
#ليلى
#بوسى_مصطفى
______________
في قسم الشرطة.... في مكتب الضابط
سمير / انا موافق اتنازل عن محضر التعدي عليه بس تمضي هي وجوزها بعدم التعرض ليه
رانيا / كمان يامفتري مش كفاية اتفقتوا على خطف ابني
سمير / شايف ياباشا يعني مكفهاش إنها كانت عايزة تموتني لا كمان عايزة تلبسني مصيبه
بصي يا رانيا يااختي انا مقدر الحالة اللي انتي فيها فعشان كده مش هاخد ع كلامك
رانيا/ انا دلوقت بس اتأكدت إنك اتفقت مع رجاء على خطف ابني
سمير / تاني يارانيا انتي ايه يابنتي مبتحرميش
رانيا / مش هسكت يا سمير إلا لما اوديك في داهيه وتلاقي اخوك اللي بره دا كمان معاكو في اللعبه دي
الضابط / كفايه بقى خلاص
وانتي يامدام رانيا هتمضي هنا بتعهد بعدم التعرض ل اخوكي
وهو يتنازل عن المحضر والمشاكل اللي بينكم دي حلوها مع بعض
رانيا / دول خاطفين ابني مشاكل ايه اللي هنحلها مع بعض ياحضرة الظابط
الضابط / معاكي دليل
رانيا / للأسف لأ
الضابط / يبقى خلاص طول م معكيش دليل متقدريش تتهميه ب أي حاجه
امضي بقى وهو يتنازل عن المحضر عشان نخلص من الليلة دي بقي
مضيت رانيا على تعهد بعدم التعرض لسمير
وسمير اتنازل عن محضر التعدي عليه
وخرجوا من المكتب كان ناصر قاعد بره ومدحت واقف بعيد شوية
جرى مدحت على سمير يطمن منه عن اللي حصل جوه
ورانيا واقفه مع ناصر ومعاهم المحامي
رانيا / خلاص يا ناصر بينا نروح
ناصر / مش قبل م اقول ل اخواتك حاجه
سمير / خير ياباشا هتطردنا من هنا كمان
ناصر / لا ياسمير بس انا اقدر اطردكم من مكان تاني وانتو عارفين
والخير اللي انا عيشتكوا فيه هخليه ميبقاش موجود وانتو عارفين اني اقدر اعمل كده
والأيد اللي اتمدتلكوا وانتو عضتوها دي هتديكوا كام قلم كده على قفاكم هيخليكوا تقروا وتعترفوا على مكان رجاء
يلا بينا
مسكت رانيا ب ايد ناصر وخرجوا من القسم
مدحت لسمير وهو متنرفز/ واهو دا اللي اخدناه من معرفتنا ب الست رجاء
سمير يهمس لمدحت / اسكت يامغفل متودناش في داهيه
بينا من هنا بقى
_________________
في الصباح... في شقة سليم
ليلى ل سليم اللي كان نايم :
سليم ياحبيبي انا نازله
سليم / لسه بدري ياليلي سبيني انام شويه
ليلى / لا ياحبيبي انا بقولك انا اللي نازله غيرت للولاد ورضعتهم ونايمين دلوقت انت بس تاخد بالك منهم لحد م ارجع مش هتاخر
سليم لسه نايم
ليلى / سليم فوق بقى واسمعني
سليم / سامعك ياحبيبتي عايزة تقولي ايه
ليلى / هو انا لسه هقول
سليم الولاد عندك لما يصحو ابقى اعملهم الرضعه
سليم / وانتي رايحه فين
ليلى / يووووه قوم ياسليم اغسل وشك عشان تفوق
يمسك ايدها وهي قايمه / انتي رايحه فين
ليلى / ياحبيبي رايحه الجورنال وبقولك انا غيرت للولاد ورضعتهم ونيمتهم... خد بالك منهم بقى
سلام
سليم / سلام ايه
طب انا معنديش شغل م تأجزي النهارده وخلينا نقعد مع بعض
ونطلب اكل... ناكل ونتبسط وتفوكك من الشغل دا
ليلى / م انا مش هتاخر وفعلاً انا كنت هعمل كده هطلب اكل لاني بصراحه تعبانه ورايحه الجورنال بالعافيه
سليم / طب م تقعدي هنا جنب جوزك حبيبك طالما تعبانه
ليلى / معلش ياسليم في ورق مهم لازم اسلمه
سليم بتنهيده واستدار الناحية التانيه
ليلى / م بلاش شغل العيال ده م انت عارف من بالليل اني رايحه الصبح الجورنال
سليم / انزلي ياليلي
ليلى / وانت زعلان كده لا مقدرش
سليم / يهمك زعلي اوي
ليلى / طبعاً ياحبيبي
سليم استدار ناحيتها وقرب حضنها جامد
ليلى / متزعلش بقي انا مش هتاخر
سليم / اوكيه عشان انا كمان رايح لبابا
ليلى / امتى
سليم / بعد ساعتين ولا حاجه ياريت بقى متتأخريش
ليلى / انت كنت بتقول من شويه اقعدي معايا ايه اللي غير رأيك بسرعه كده
سليم / مش من حقي اخرج انا كمان
ليلى / عند يعني
سليم / هههههههههههههه لا بس انا جايب هدايا لماما وبابا وعايز اروحلهم
هما عارفين اني وصلت امبارح مينفعش بقى اتأخر عليهم
ليلى / اوكيه ياحبيبي زي م تحب
سليم / لو اتأخرتي هاخد الولاد معايا
ليلى / اوكيه سلام
____________
أنت تقرأ
🥀 ليلى ❤️🥀
Genç Kız Edebiyatıليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
