🥀 ليلى ❤️🥀

الحلقة ٢٩

الحلقة ٢٩
#ليلى
#بوسى_مصطفى
______________

خرجت ثناء جرى من غرفة رانيا راحت عند غرفة ناصر ملقتش رجاء ولا الولد
جريت وركبت الاسانسير وانظرت رجاء تحت في الاستقبال
رجاء / ثناء
ثناء / ايه يامدام رجاء كنتي واخده الولد تشمميه هوا ولا ايه
رجاء / ها لأ بس حد مستنيني تحت ومعرفتش ارجع ل رانيا
خديه اصلي مستعجله
اخدت ثناء الولد ولسه هتمشي
رجاء تنادي عليها / ثناء
ثناء / عايزانى اقول حاجه ل رانيا
رجاء / لأ انتي مش هتقولي حاجه ل رانيا
ثناء / وايه اللي خلاكي متأكده كده
رجاء / هاتي رقم تليفونك
ثناء / اشمعنه
رجاء / عايزاكي في مصلحه كده هيطلعلك منها قرشين كويسين انتي وجوزك
ثناء / مصلحة ايه دي
رجاء / هقولك في وقتها هاتي الرقم بتاعك
ثناء / سجلي عندك
______

في غرفة رانيا
امينه / اهدي بس يارانيا زمانها جايه
رانيا / انا قولتلها تجيب فاروق وتيجي مش عارفه ايه اللي آخرها
امينه / اهي جات اهيه
ثناء / خدي الولد رضعيه
رانيا / اتأخرتي ليه
امينه / ايوه ايه اللي اخرك دا كله وبعدين انا روحت هناك ملقتكيش كنتي فين

_____________

في شقة عبودة...
دعاء / انت بتقول ايه ياعبودة
انا اتجوز الراجل دا؟؟؟
انت مش كنت بتقولي اني لو وافقت انت اللي هتمنعني ايه اللي حصل
عبودة / فكرت في الموضوع ولاقيته عريس مناسب ليكي
دعاء / انت بتضحك عليه ولا على نفسك جواز ايه انا عندي خمستاشر سنه
والدة عبودة / وفيها ايه يعني ما انا اتجوزت في نفس سنك كده لا قولت صغيرة ولا كبيرة ولا كنا نستجرأ نقول الكلام ده
دعاء / بس انا مش عايزة اتجوز ياماما
مش عايزة اتجوز ياعبودة
عبودة / انا عارف مصلحتك يا دعاء وبقولك وافقي
دعاء / أوافق ع ايه انت جرالك ايه بالظبط
عبودة / عقد الجواز مش هيتسجل في المحكمه عشان سنك صغير لما توصلي تمنتاشر سنه هنكتب الكتاب
دعاء / انا مش عايزة اتجوز لا دلوقت ولا بعدين ايه عايزين تبعوني زي ما بعتوا احلام
صفعها عبودة ع وجهها( هو عارف إن كده كده ربيع هيتجوزها سواء اتقتل او لأ)
دعاء / مش هتجوز لو حتى قتلتني قولي ياعبودة الراجل صاحب الشغل دا
دفع ليك كام عشان تبيعني
مسكها عبودة من شعرها وعمال يضرب فيها امها أدخلت بينهم واخدتها جوه وخرجت من الغرفه
والدة عبودة / ايه اللي انت عملته في اختك دا
عبودة / ماما سبيني اربيها دي بتعلي صوتها عليه
والدة عبودة / تقوم تضربها بالشكل دا
اسمع انت لو عايز الجوازه دي تتم لازم تسايسها ادخل كده كل عقلها بكلمتين وصالحها عشان توافق كده هتعند ومش بعيد تهرب من البيت
عبودة / عشان كنت قطمت رقبتها
والدة عبودة / ادخل بس هديها بكلمتين يمكن تعقل بقى وتوافق دي جوازه محدش يفرط فيها ابدا واختك دي هتضيعها من ايدينا ادخل صالحها يلا
عبودة / حاضر
_________

بعد كام يوم.. في الجورنال
ليلى / مبروك ياداليا
داليا / متشكره اوي يا ليلى عقبال بقى م نبارك كده وانتي قايمه بالسلامة بعد م يشرفوا البيبهات
ليلى / هههههههههههههه
صافي داخله المكتب / ايه ياجماعه متضحكونا معاكو
ليلى / هههههههههههههه مصطفى طلب ايد داليا امبارح من باباها وهو وافق قوللها مبروك بقى
صافي / ههههههههه دا بجد الكلام دا
مش كان يستنى شويه لما اكلم بابا هههههههههههه عشان يجي يشرب القهوة عندنا
داليا / ايه بتقولي ايه ياصافي مش فاهمه
ليلى تغمز ل صافي / لا ياحبيبتي ولا حاجه دي صافي بس بتحب تهزر
صافي / ههههههههه اهزر ايه بس يا ليلى م انتي كنتي شايفه اهو قدامك كان بيحاول يلمحلي إنه عايز يجي يتقدم وانا اللي كنت باخد الموضوع بهزار وبضحك هههههههههه ابن الايه أخيراً عملها بقى عشان يحل عني
داليا خرجت من المكتب وهي مضايقه
ليلى / ايه الكلام اللي انتي قولتيه دا ياصافي حد
يقول كده برضو فيها ايه يعني لما كان بيلمحلك بإنه عايز يتقدملك وانتي كنتي بتصديه كل مرة وفجأة أعجب ب داليا واتقدملها ليه تكسري فرحتها بالشكل ده
صافي / وانا كدبت يعني
بقولك تعالي هنا قوليلي
ليلى / نعم
صافي / لون شعري دا حلو
ليلى / انتي صبغتيه امتى
صافي / ههههههههه يوم م كنا عندك انا وداليا بعد م خرجنا من عندك روحت البيت وعملت اللون ده
ليلى / حلو بس اللي مش حلو بقى القصه اللي مخرجاها دي ايه بتهويها ولا حاجه
صافي / تعرفي إنك دبش ومبتعرفيش تقولي كلمة حلوه
ليلى / بقى انا اللي دبش برضو شوفي انتي قولتي ايه ل داليا دلوقت
صافي / اهلا اهو مصطفى جه اهو
مصطفى وهو داخل ومتنرفز / انتي مش هتبطلي شغل العيال بتاعك ده
صافي / شغل ايه انت مجنون
مصطفى / ايوه مجنون عشان اتعاملت مع واحده زيك
ليلى / اهدي بس يااستاذ مصطفى في ايه
مصطفى / الكلام كان قدامك يااستاذة ليلى داليا قالتلي كده
صافي / داليا اه
ومالها بقى الست داليا زعلت من كلمتين قولتهم ليه مش هو دا اللي حصل
مصطفى / الحمد لله... إن محصلش اكتر من كده كان مجرد كلام وبس ومااخدتش الخطوه دي
ليه بقى رايحه تقوللها اني كنت متقدملك
ليلى / خلاص يااستاذ مصطفى حصل خير
وألف مبروك متضيعوش فرحتكم بقى
مصطفى / متشكر
وخرج مصطفى من المكتب
صافي / الأستاذ زعلان عشان خاطر حبيبة القلب
ليلى / ليه حق بصراحه
صافي / بس بقى وسبيني اخلص شغلي
رجعت ليلى ع مكتبها... التليفون يرن
ليلى / وعليكم السلام
الحمد لله... ياحبيبي وانت اخبارك ايه
سليم / الحمد لله
بقولك النهاردة مبيفكركيش بأي حاجه
ليلى / ثواني كده
سليم / بتعملي ايه
ليلى / مسجله كل المناسبات عندي ع الفون
سليم / طب م دخلتيش ع الايميل بتاعي
ليلى / حبيبي كل عام وانت بخير
سليم / بعد ايه بقى
دا انا جالي تهنئة من ناس اعرفها وناس معرفهاش قولت مراتي حبيبتي هتفتكر الاقيكي ناسيه
ليلى / انا آسفه ياحبيبي
معلش اعذرني انت عارف بقى الظروف
سليم / انا ممكن انسى اللي حصل دا لو عملتيلي بارتي حلو كده في البيت الليلة
ليلى / الليلة!
سليم / ايوه الليلة هو انا مش عيد ميلادي النهاردة برضو
ليلى / حاضر بس لو رجعت من الجورنال بدري
سليم وهو مضايق / يعني ايه
ليلى / حاضر ياسليم
سليم / سلام ياليلي
وقفل التليفون... ليلى بتفكر في مكالمة عاطف ليها وإنها مفروض تروح الميعاد اللي اتفقوا عليه
صافي / ايه مالك
ليلى / خليكي في حالك مش قولتي إنك عايزة تخلصي شغلك
صافي / بعد اذنك
ليلى / رايحه فين
صافي / خارجه ليه عايزة حاجه
ليلى / لا سلامتك
(كانت ليلى هتاخد رأيها في البارتي اللي هتعمله ل سليم وكانت عايزة شوية افكار كده لتزيين البيت استأذنت هي كمان ونزلت)
واخدت داليا معاها
بعد شويه... في محل الهدايا
ليلى / بصي انا عايزاكي تحطي خبرتك وعصارة دماغك وتختاري احلى وافخم حاجه موجوده هنا وكمان بالمرة تقوليلي
اعمل اكل ايه الليلة
داليا / مينفعش تعملي اكل خالص الليلة هاتي اكل من بره
ظبطي الشقة بس واجهزي كده بهديه حلوه يلا هتغرمي الليلة جامد اوي ههههههه
ليلى / مفيش حاجه تغلا على حبيبي
داليا ببتسامة / ياعيني ياعيني عقبالنا بقى
ليلى / متزعليش من صافي
داليا / لا مش زعلانه انا عارفه دماغ صافي ومش اول مرة يعني انا خلاص اتعودت منها على كده
ليلى / هي بس بتدلق بالكلام ومبتعرفش تختار كلامها
هو الأستاذ مصطفى فعلاً كان كلمها بس مجرد كلام يعني ومحصلش نصيب المهم بقى هو حب مين في الآخر
ربنا يتمم بخير... ياحبيبتي
داليا / متشكره اوي يا ليلى
يلا بقى عشان نلحق مفيش وقت
ليلى / يلا بينا
__________