🥀 ليلى ❤️🥀

الحلقة ١٦

الحلقة ١٦
#ليلي
#بوسي_مصطفي
____________

سليم وهو حاضن ليلى وهدومهم غرقانه دم
سليم / ليلى سبيني اموت في حضنك
ليلى وهي بتعيط / انت مجنون ياله هو دا وقته انت كمان
قوم معايا يلا
سليم / مش قادر
قرب مجموعة شباب من اللي كانوا معديين من قدام الجورنال
واحد من الشباب / لو سمحتي ياانسه سبيه عشان نقدر نساعده
ليلى / متشكره اوي
في الوقت دا كان رئيس التحرير وكل اللي شغالين في الجورنال نازلين جرى بعد م حد من الزمله فوق شاف اللي حصل وقال للباقي
اتصلوا بالاسعاف اللي جات بسرعه واخدوا سليم المستشفى

في المستشفى
أخدوا سليم غرفه العمليات عشان يستخرجوا الرصاصه
وصافي وليلى وباقي الزمله واقفين بره
صافي / متقلقيش يا ليلى هيبقى
كويس
ليلى منهاره وبتعيط
صافي / ياحبيبتي اهدي بقى متعمليش في نفسك كده
ليلى / ادعيله يا صافي يخرج بالسلامة وميتوجعش قلبي عليه
صافي / بإذن ﷲ
هيخرج بالسلامة اطمني متقلقيش كويس ان الرصاصة بعيد عن القلب اهدي ياحبيبتي

في شقة دكتور مروان
فريال / رايح فين دلوقت قولي
مروان / رايح المستشفى يا فريال ارتحتي
فريال / ليه انت معندكش نبطشيه النهاردة مخبي عليه ايه يامروان اتكلم
ريان واقف بره ومنتظر باباه
مروان / مفيش يافريال وسبيني اخرج بقى
فريال / وريان رايح معاك المستشفى ليه
قولي ياابني في ايه
سليم تعبان مش كده انا قلبي حاسس
تحت قدام باب الشقة
فريال / استنوني هلبس واجي معاكو
ريان / سليم كويس ياماما متقلقيش
فريال / كلامكو دا بيخليني اقلق اكتر
اخوك في ايه متخبيش عليه
مروان / يلا ياابني
ريان / هنطمنك ياماما اول م نوصل متقلقيش
سامية من فوق / في ايه يافريال
فريال / معرفش ياسامية محدش عايز يقولي حاجه
بس انا قلبي حاسس إن في حاجه
سامية / ليلى وسليم لسه مجوش لحد دلوقت وانا قلبي مش مطمن
فريال / انا داخله البس ونازله
سامية / هتروحي فين
فريال / مش عارفه كلمي ليلى تاني شوفيهم فين ياسامية
سامية / طيب حاضر
_______

في الصباح. .. في شقة رانيا
قامت من النوم سمعت صوت دوشه بره خرجت لاقيت ناصر ورجاء قاعدين على السفرة بيفطروا
ناصر ببتسامة / صباح الخير ياعروسة
وقرب ناصر منها اخد ب ايدها عشان يقعدها ع السفرة
رانيا ونظرت ل رجاء / هدخل اخد شاور وجايه
ناصر ببتسامة / اوكيه اتفضلي
دخلت رانيا جوه ورجع ناصر قعد ع السفرة
رجاء / شوف قليلة الذوق شافتني مقالتليش حتى صباح الخير
ناصر / م انتي كمان مقولتيش حتى ألف مبروك
رجاء / الف مبروك على ايه
ناصر / هههههههههه ع الجواز يا رجاء انتي نسيتي ولا ايه
رجاء / لا منستش بس شكلك مبسوط اوي من الجوازه دي
ناصر / مش انتي اللي كنتي بتتحايلي عليه عشان اتجوز
رجاء/ ايوه عشان تجيبلك حتة عيل بس الظاهر البت دي هتلحس دماغك
ناصر / هههههههههه هتبتدي من دلوقت ولا ايه
رجاء / هتسافر فين
ناصر / هنقضي اسبوع في الغردقة
رجاء / حجزت في أوتيل ولا لسه
ناصر / هحجز النهاردة
رجاء/ خلاص اعمل حسابي في غرفة جنبكم
ناصر / نعم!
رجاء/ ايه مش عاجبك ولا ايه
ناصر / عجبني ياستي خلاص هحجزلك غرفة جنبنا حاضر
خرجت رانيا من الغرفة قام ناصر بسرعه مسك ايدها وقعدها ع السفرة
رانيا / صباح الخير يا مدام رجاء
رجاء/ ألف مبروك عقبال يا ناصر لما تجيبلنا النونو اللي نفسنا فيه
ناصر ونظر ل رانيا ببتسامة / يا رب