🥀 ليلى ❤️🥀

الحلقة ٥٠

الحلقة ٥٠
#ليلى
#بوسى_مصطفى
_______________

ليلى لسه واقفه عماله تتصل ب سليم مفيش رد بتتصل ب صافي
مفيش رد كمان قلقت
أخيراً جه تاكسي وكان فاضي ركبت بسرعه وهي في ايدها التليفون ولسه بتتصل ب سليم
______________

في شقة خيري
سامية / عدي ياحبيبي قوم بقى ايه اللي منيمك بالشكل دا
عدي / مصدع ياماما مش قادر اقوم
سامية / ياحبيبي وليه تتعب نفسك في المذاكرة بالشكل دا
ماهو جسمك ليه حق عليك
عشان كمان تقدر تنزل الجامعه وتذاكر ياابني
عدي / حاضر ياماما
سامية / قوم بقى صلى الصبح
طبعاً مصلتش الفجر
عدي / مسمعتش الآذان
سامية / كنت نايم ولا ايه
عدي / مش فاكر نمت امتى
سامية / طب قوم اتوضا وصلي وتعالى عشان تفطر
عدي / هي الساعة كام ياماما
سامية / عشرة ياابني
عدي / هو بابا قام من النوم
سامية / ايوه ياحبيبي وبيفطر كمان قوم بقى وبطل الكسل اللي انت فيه ده
وخرجت سامية وقعدت ع السفرة
خيري / عدي صحي ياسامية
سامية / قالي هيقوم
خيري / لسه هيقوم
عدي... انت ياابني قوم عشان تلحق الصلاة
عدي / صباح الخير يابابا
خيري / صباح النور
عدي / ماما عايز مج قهوة
سامية / مج بحاله طب افطر الأول
يلا ادخل خد دوش عشان عايزة اشطب المطبخ قبل م اعمل الغدا
عدي / هي ليلى فين ياماما
خيري / انت مش عايش معانا في البيت بقى
اختك رجعت بيتها من بالليل
عدي / مستنتنيش ليه ياماما
سامية / اسكت بقى عشان انا زعلانه منك وكمان ليلى زعلانه
فضلت مستنياك وانت اتأخرت فاخدت تاكسي ياحبيبتي وروحت
عدي / انا آسف هكلمها اعتذرلها
سامية / طب ادخل الحمام بقى عايزة اغسل الأطباق
عدي / حاضر ياماما بس مج القهوة بقى من ايدك الحلوين دول ياست الكل
وباس ايد مامته
خيري قاعد ع السفرة وعينه من سامية وعدي
خيري / خلص ياعدي عشان عايزك
عدي / حاضر يابابا
______________

في اليونان
فتحي قاعد بيشرب القهوة وفي ايده ورق خاص ب رجاء بعد م فتح الخزنه بتاعتها
فتحي / بقى كده يا رجاء متفتكريش فتحي الغلبان بحاجه
بس انا معايا الواد اللي هيقش الكل
بس انا ايه اللي خلاني اكلم رانيا
ايه وحشتني وكنت عايز اسمع صوتها؟!
بس انا طلعت غبي اوي اكيد جوزها عرف دلوقت اني في اليونان
وهيجي طبعاً يدور ع ابنه
طب اهرب ولا اتفاوض معاه وينوبني من الحب جانب
بس انا كده ابقى بلعب بالنار
نبيله كمان هتعرف اني كنت متجوز رجاء
لأ مش هتعرف ومين اللي هيقولها
معقوله يافتحي تبقى دي اخرتها اسلم رانيا ابنها ب ايدي
طب ياريت هي اللي تيجي عشان اشوفها
ايه يله ياعبيط انت هو دا وقته حب وهيام ياحبيبي
فوق لنفسك وإلا هتروح في داهيه
نبيله تتصل
فتحي / صباح الخير يا بلبله
نبيله / فتحي
ناصر كان عندي امبارح وسألني ع مكانك
فتحي / ايه!
ناصر مين
نبيله بارتباك / ناصر طليق رجاء يافتحي
انا معرفش بيسأل عليك ليه
فتحي / بقى مش عارفه بيسأل عني ليه
اكيد عشان ابنه