🥀 ليلى ❤️🥀

الحلقة ٣٢

الحلقة ٣٢
#ليلى
#بوسى_مصطفى
____________

سمير / بقولك ايه يامدام خلينا نأجل الموضوع دا شويه
رجاء / ليه بقى
سمير / بصراحه جه في دماغي خطه تانيه خالص وهتكون بعيده عن البيت
رجاء / امتى يعني
سمير / هو الموضوع محتاج تكتيك الاستعجال دا هيبوظ كل حاجه
عايزة الواد يبقى معاكي ولا كلنا نروح في داهيه
رجاء / قولي الخطه الاول وبعد كده اقولك رأيي
سمير / حاضر
احنا الأول هنستدرج ناصر وبعد كده......

______________

بعد تلات شهور في منزل خيري
شريف / اجمدي امال يا ليلى مالك كده خايفه ليه هههههههههه
ليلى / غادة خدي جوزك جنبك عشان مش طايقه نفسي وممكن اتهور
شريف / ههههههههه قلبك الأبيض يا لوله انا بهزر معاكي
غادة / ربنا يقومك بالسلامة... ياحبيبتي
ليلى / متشكره اوي ياغادة
شريف / هو انتي متأكدة أنهم اتنين بس هههههههههه
ليلى / غادة قولي لجوزك الظريف اللطيف دا يبطل من الألش بتاعه دا انا مش ناقصه
سامية جايه بالفاكهه
سامية / بطل بقى ترخم على اختك سيبها في حالها ياابني
وياخد شريف طبق الفاكهه والسكينه ويبدأ يقطع
سامية / كلمي الدكتوره يابنتي واحجزي عندها الليلة انتي مش كده خلصتي التاسع
ليلى / لسه يومين ياماما
سامية / رايحه فين
ليلى / هتمشي شويه تعبت من القعدة دي
شريف / ليلى امسكي
كان بيحدف خوخه
ليلى تمسكها ب ايدها / يااخي بطل بقى كنت هقع
غادة وشريف / ههههههههه
شريف / م تمسكي نفسك امال ياام عتريس
سامية تخبطه ع ايده / م تبطل بقى انت مش شايف اختك تعبانه ازاي
شريف / بفوكها ياماما عشان تفرفش كده
امسكي ياغادة
غادة تلحق الخوخه ب ايدها
سامية / ويعني لما تدي كل واحد في ايده هيجرا ايه
شريف / مالك بس ياماما فرفشي كده ياام شريف امال فين البشمهندس
سامية / الكبير ولا الصغير
شريف / هههههههههههههههه الكبير ياسوسو
سامية / باباك عند واحد صاحبه اتصل بيه هو أول م يعرف انكم هنا هيجي ع طول
شريف / خليه براحته  قوليلي مالك بقى ياست الكل
سامية / خايفه ع اختك اوي
غادة / بإذن ﷲ
تقوم بالسلامة ياطنط
سامية / عقبالك ياغادة
نظرت غادة ل شريف بحزن / متشكره ياطنط
شريف بيغير الموضوع / وعدي فين ياماما مش خلص امتحانات ولا انا بيتهيألي
سامية / خرج مع صحابه ياحبيبي ماهو طول السنه من البيت للجامعه ومبيروحش اي مكان خليه يشم هوا بره شويه
شريف / سمعت إنه رايح الساحل
البلد دي احسن من غيرها ههههههههههههه
سامية / كان متفق مع صحابه يروحوا بعد الامتحانات بس رجع في كلامة بقى وقال لما اطمن ع ليلى الأول
شريف / ربنا يقومها بالسلامة
ايه يا ليلى بتعملي ايه عندك
كانت ليلى واقفه في البلكونه
ليلي / بتنادي ياشريف
شريف / لا بطمن بس لتكوني عملتيها ولا حاجه
ليلى / يااخي انت كمان
تليفون ليلى يرن
ليلى / الو مين معايا
دعاء / ازيك يااستاذة
ليلى / مين حضرتك
دعاء / مش عارفه صوتي يااستاذة ليلى
ليلى / دعاء!
دعاء / ازي حضرتك عامله ايه
ليلى / الحمد لله...بخير انتي عامله ايه ياحبيبتي
دعاء بحزن / انا كويسه. .. الحمد لله
ليلى / بس صوتك بيقول إنك تعبانه
دعاء / اصل الحمل تاعبني شويه
ليلى / انتي حامل ياحبيبتي
دعاء / اه نصيبي كده بقى
ليلى / ايه يا دعاء مالك
دعاء / انا تعبانه اوي يااستاذة وعايزة اتكلم مع حضرتك
ليلى /" اتفضلي ياحبيبتي انا سمعاكي
دعاء / انا كل يوم بتمني الموت يااستاذة
ليلى / ليه بس يا دعاء مالك
دعاء / اصل انا
الباب يتفتح يدخل ربيع تقفل دعاء التليفون
ليلى / الو... دعاء... دعاء انتي روحتي فين
سامية / ايه ياليلي واقفه هنا لوحدك ليه يابنتي
ليلى /  كنت بشم شوية هوا
سامية / طب تعالي كلي معانا انا عامله ورق عنب وبط انا عارفه انك بتحبيه
ليلى / مبقاش ليه نفس ل أي حاجه ياماما
سامية / ليه ياحبيبتي
ليلى بتعيط
سامية / متخافيش يا ليلى
بإذن ﷲ... تقومي بالسلامة
باباكي جه اهوه اطلعي سلمي عليه
ليلى بتمسح دموعها / حاضر
سامية / ايه يا بنتي مالك
ليلى / في خبط في ضهري ياماما بيروح ويجي كده دا ايه بقى
سامية / يبقى خلاص هانت يا ليلى
ليلى / يا رب
واخدت سامية ب ايدها وخرجوا من البلكونه
خيري / ليلى... ازيك يابنتي
ليلى وهي بتحضن باباها / الحمد لله... يابابا
شريف / حاسب يابابا اصل دي حملها تقيل اوي
تخبطه ليلى / بطل بقى يااخي
خيري / اقعدي يابنتي استريحي... امال فين جوزك
ليلى / في الشغل يابابا
خيري / ايه ياسامية معملتيش حاجه للولاد ولا ايه
سامية / الغدا جاهز اهوه عماله اتحايل عليهم محدش عايز ياكل
غادة / اكلنا فاكهه وشربنا عصاير ياعمي وخلاص المعدة قفلت
خيري / ازيك ياغادة يابنتي عامله ايه
غادة / الحمد لله.. ياعمي
شريف / هتعمل ايه يعني يابابا مش مبطله اكل ليل ونهار فلوسي رايحه على كرشها
تخبطه غادة / لا مؤاخذة ياعمي
ليلى / هههههههههههههه هو بصراحه يستحق دا مسبش حد من ساعة م قعد وهو نازل تريقه على الكل
شريف / حسابي معاكي بعدين لما نروح بس
غادة / هتعمل ايه يعني
ليلى / متخافيش ياغادة خليه بس يلمسك شوفي انا هعمل فيه ايه
شريف / يابنتي خديلك جنب واقعدي بقى انتي مش قدي
خيري يقوم ويدخل جوه
سامية / يلا يا ولاد الأكل جاهز
بعد شويه
عدي يفتح باب الشقة / اندال بتاكلوا من غيري
شريف / تعالى يااخويه اقعد قولنا كنت فين
عدي / ازيك يالوله ياقلبي عامله
ايه
ليلى / الحمد لله... ياروحي انت اخبارك ايه يا دودو
شريف / ياابني مش بكلمك
عدي / ياعم أركن على جنب كده خلينا نرحب بالقمر اللي جايلنا بعد طول انتظار
ليلى / هههههههههههههه ليه كنت مسافرة
خيري / اقعد يا عدي اتغدا
عدي / حاضر... امال فين ماما
ليلى / ماما في المطبخ
عدي / ازيك ياغادة
غادة / الحمد لله
سامية / انا جيت اهوه مين كان بيسأل عني
عدي / وحشاني اوي تعالي اقعدي جنبي بقى
خيري نظر لعدي ورجع يكمل أكله
سامية / هههههههههه مالك ياابني في ايه
عدي / اصل نجحت ياجماعه مفيش مبروك
شريف / مبروك يابشمهندس عقبالك البكالوريوس
خيري / مبروك ياعدي
ليلى / مبروك ياحبيبي عقبال التخرج
سامية / مبروك يانور عيني عقبال م نباركلك كده وانت في ايدك عروستك
عدي / ههههههههه
غادة / مبروك ياعدي
عدي / هو كله مبروك مفيش حاجه حلوه كده بالمناسبة دي
ليلى / هههههههههههههه يومين كده وهتشيل حاجه حلوه في ايدك
عدي / هههههههههههههههه يلا شدي حيلك
سامية / ربنا يقومك بالسلامة يابنتي
خيري / قولي... بإذن ﷲ
يابنتي
ليلى / بإذن ﷲ
يابابا
وقامت ليلى وهي تعبانه
سامية / ايه يابنتي رايحه فين
ليلى / مش مستريحه ياماما
دخلت ليلى البلكونه
خيري وعينه رايحه ناحيتها / قومي شوفي بنتك ياسامية
سامية / مش عايزة اقلقها خليها بس عشان متخافش من اهتمامنا بيها
خيري / قومي اطمني يابنتك
سامية / انا عارفه اللي عندها ياخيري الوجع دا عشان البيبي بياخد وضعه عشان زهقوا وعايزين ينزلوا
عدي / بجد ياماما
سامية / ايوه ياحبيبي هما زمانهم دلوقت بيخبطوا عايزين اللي يفتحلهم
خيري / انتي بتهزري ياسامية قومي شوفي ليلى
سامية / حاضر بس انا مبهزرش
_______________