الحلقة ٦٦
#ليلى
#بوسى_مصطفى
الاخييييييرة
_________________
بعد مرور تلات شهور
#سليم بيجهز نفسه للسفر وليلى هتاخد اجازة من الجورنال عشان تسافر معاه هي والولاد
اما شريف فحياته مستقرة
ليلى بقى عندها تسع شهور
رفضت حوريه تعيش مع غادة
ومازالت عايشه مع اخوها
#رانيا
عايشة مع زوجها وحياتها مستقره بتنزل الشركة يومياً وتتابع الشغل مع ناصر
فاروق عمره سنتين ونص
وحمزة عمره ست شهور
ولاد سمير وثناء زي م قولنا عايشين في شقة رانيا اللي كتبها ناصر بأسمها ومخصصه راتب شهري ليهم بعد م خسر سمير ومدحت كل فلوسهم
وكذلك مدحت عايش هو وولاده ومراته في شقة عم جمعه ورانيا كمان خصصت راتب شهري ليه ولولاده
بعد م أصبح عاجز ميقدرش يشتغل
حسن اخد ثانوي تجاري واتعين رسمي في شركة ناصر
#ريان_ولين
معاهم مروان عمره شهرين دلوقت
وحياتهم مستقره
قدرت لين تفهم طبع ريان
واتأكدت إنه بيحبها لكن ذكرياته دي حاجه غصب عنه
وبتحاول تتعامل في الناحية دي بشكل طبيعي
أما عمر ف اتجوز هاله بنت خاله
والمشروع اللي بينه وبين لين مازال مستمر إلا ان لين تركت الشغل واتفرغت لتربية ابنها
#اما الجيران سامية وفريال وخيري ومروان
فرجعوا تاني زي الاول ونسيوا كل اللي حصل
#اما دعاء ف اتطلقت من ربيع
#وطبعا عرفنا إن نعيم ونبيله وفتحي وربيع وممدوح وعطية ونادر وصلاح اتقبض عليهم
وكلهم داخل السجن دلوقت
في المساء... قدام منزل محي
ترن دلال الجرس
تنزل منه تفتح الباب الرئيسي بتاع البيت
دلال / الست حوريه موجوده
منه / عمتي!
اه فوق... حضرتك مين
دلال / قوللها دلال
صابرين / مين يامنه
منه / دي واحده ست ياماما بتقول إن اسمها دلال
حوريه كانت قاعده في الصالة سمعت منه بتقول حوريه قامت ووقفت ع السلم تنظر تحت تلاقي دلال فعلاً اللي واقفه تحت
دلال رفعت راسها لفوق / انا ياست حوريه كنت عايزة اتكلم معاكي
حوريه / جايه ليه يا دلال
دلال / طب قوليلي اتفضلي وانا هقولك عايزاكي في ايه
صابرين / اتفضلي تعالي
يااختي سبيها تطلع تقولك الكلمتين اللي عايزاكي فيهم
مش يمكن
قاطعتها حوريه / اطلعي يادلال
منه / اتفضلي
تطلع دلال فوق
في الصالون
حوريه / اقعدي
دلال / اخبارك ايه ياام غادة
حوريه / مش عارفه ليه مش مرتحالك
دلال / ليه بس ياام غادة دا انا حتى جايه نصفي اللي بينا والنفوس تهدا وترتاح
حوريه / عمرها مهترتاح يادلال وانتي عارفه ليه
دلال / طب انا جايه اقولك خدي الشقة واديني نصيبي انا وابني
قولتي ايه
حوريه / مش فاهمه
دلال / هبيعلك الجزء اللي يخصني انا وابني في الشقة
"" طبعاً حوريه مندهشه ازاي دلال هتتنازل عن الشقة بالسهولة دي
لكن دلال من بعد وفاة والد غادة وهي مش مستريحه في الشقة وبعد م والدتها سابتها في الشقة لوحدها بقيت بيتهيألها حاجات بتحصل في الشقة وبتشوف خيالات لدرجة إنها مبقتش تعرف تنام من الخوف""
""الظلم وحش""
حوريه / انتي واعيه للي بتقوليه
دلال / ايوه طبعاً انا ممكن اتنازلك عنها دلوقت حالا بس فلوسك تبقى جاهزة
جه محي وقعد معاهم
محي / وافقي ياحوريه
حوريه تهمس لمحي / والفلوس يامحي
هتتدبر متقلقيش
دلال / ها ياام غادة قولتي ايه
حوريه / موافقه
قالتها وهي متعرفش هتدبر الفلوس منين
وخرجت دلال وادتها مهله شهر تكون دبرت المبلغ وإلا هتبيعها لحد تاني
وفي مرة وحوريه عند غادة قالتلها ع موضوع دلال
غادة مكدبتش خبر وكلمت شريف اللي قالها انا هعطي الفلوس لمامتك
غادة مكانتش مصدقه في الأول
لكن راح شريف مع حوريه وهي بتكتب عقد الشقة
وفعلاً دفع شريف الفلوس وصممت حوريه إن نص الشقة تتكتب ب اسم شريف لإن دا حقه
لكن شريف كتب الجزء اللي دفعه في الشقة بإسم غادة
__________
أنت تقرأ
🥀 ليلى ❤️🥀
Romanzi rosa / ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
