🥀 ليلى ❤️🥀

الحلقة ٣٤

الحلقة ٣٤
#ليلى
#بوسى_مصطفى
___________________________

سبوع بيبيهات ليلى
شريف / هات بقى اخدت الشيكولاته كلها
عدي / اوعي بقى ليلى مستأمناني عليهم
شريف / مسكوا القط مفتاح الباب ولا معرفش بيقولولها ايه
الحقي دي ياغادة
مسكت غادة واحدة شيكولاته من السبوع
عدي /"هههههههههههه طالما ل غادة انا موافق
شريف / تعالى هنا ياحبيبتي قاعدة بعيد ليه
امال فين صاحبة الليلة دي ياجماعه
ليلى خارجه من الغرفه وشايله ولادها
شريف / اوبااااا ايه القمر اللي طل علينا دا
ليلى بتضحك قامت غادة تاخد بيبي منها
ليلى / بطل بقى عشان انا تعبانه
شريف / من ايه بس
انا عيني مش وحشه ع فكرة
ليلى / هههههههههههههه لأ ياحبيبي دا من العيال دي مبتنامش خالص ياشريف
عدي / ههههههههه اجمدي يا لوله انتي لسه شوفتي حاجه ياحبيبتي
ليلى / انت بالذات متتكلمش بقى كنت عايز تسافر الساحل وم تحضرش السبوع
عدي / مش اطمنا عليكي خلاص
ليلى / بقى كده يا عدي
عدي / خلاص م انا قعدت اهوه متزعليش هههههههههههه
سليم داخل من باب الشقة / احم احم
شريف / ههههههههه تعالى ياعم مفيش حد غريب
سليم / سلام عليكم
يرددوا / وعليكم السلام
سليم / ازيكو ياجماعه اخباركو ايه
شريف / الحمد لله... بخير بس مش عارف ماما اتأخرت جوه ليه
يلا ياام شريف
سليم / ازيك يالوله
ليلى ببتسامة / الحمد لله... ياحبيبي
سليم / مستعجل ع ايه بس ياشريف هو احنا لسه قعدنا
شريف / انا هنا من بدري ياحبيبي انت اللي جاي متأخر كنت فين
سليم / هكون فين يعني في الشغل
ويخبط عدي ع رجله / ازيك يابشمهندس
عدي / ويعني مينفعش تعرف اخباري من غير ما تمد ايدك دي
سليم / هههههههههههههه مزاجي كده
واخد آدم في حضنه / امال ماما فين
فريال خارجه من المطبخ هي وسامية
فريال / احنا هنا ياابني
شريف / يانهار انتو مالكو كده
عاملين زي الآيس كريم لما يسيح
هههههههههههههههههه
سامية / المطبخ اللي جوه دا نار انا عارفه يابنتي بتوقفي فيه ازاي
ليلى / قوليله ياماما
سليم ببتسامة / حاضر يالوله هركب تكييف
هو بابا وعمي لسه مجوش
عدي / انا هولع الشمع بقى بس محدش يطفيه ماشي
سليم / ياابني خلاص اتكتبوا هتولع ايه بس
تخرج جارتكم في البيت القديم كانت بتصلي جوه
أم حاتم / لا يا عدي ولع الشمع ياابني
سليم / ازيك ياطنط
أم حاتم / الحمد لله... ازيك ياسليم
تعالي ياليلي عشان تخطي يابنتي
ليلى / اخطى فين ياطنط
أم حاتم / تعالى خطي سبع خطوات هنا
سامية / هاتي يابنتي بنتك وروحي
أم حاتم / لا تيجي بالولاد هنا
يلا يا ليلى
ليلى / حاضر
شريف / هتعدي ازاي باللي انتي لابساه ده اخلعي مفيش حد غريب
ليلى / ليه بقى ههههههههه
سليم / تخلع ايه ياحبيبي فاكرها سايبه ولا ايه
خطي يا ليلى زي م قالت طنط
ليلى بتخطي وكلهم عاملين دايرة حواليها وبيضحكوا
أم حاتم / هاتي ياغادة الهون من جوه
فريال / هون ايه بس ياام حاتم الكلام دا كان زمان
أم حاتم / هو في احلى من ايام زمان هاتي يابنتي
وبدأت ام حاتم تدق الهون
غادة / قوليلهم يسمعوا كلام طنط غادة مرات خالو
أم حاتم / اسمعوا كلام مرات خالو
شريف / وخالو كمان ياطنط
أم حاتم / واسمعوا كلام خالو كمان ياعيال هههههههه
عدي / انا اللي هدق الهون بقى
أم حاتم / اتفضل يابشمهندس
عدي بيدق الهون / اسمع كلام خالو عدي ومتسمعش كلام خالو شريف ههههههههههه
ليلى وسليم بيضحكوا
سامية / قوللهم يسمعوا كلام تيته سامية وميسمعوش كلام تيته فريال
فريال / نعم يااختي
دول هيسمعوا كلامي انا
سليم وهو ناظر ل ليلى ببتسامة/ قولهم يسمعوا كلام مامي وبابي
عدي يدق الهون / واسمعوا كلام مامي ومتسمعوش كلام بابي
ليلى / هههههههههههههه
سليم / بقى كده اوكيه يا عدي حسابي معاك بعدين
ويقرب سليم يفتح الباب لإن جرس الباب كان بيرن
سليم / اتفضل يابابا اتفضل ياعمي
سامية / تعالى ياغادة معايا المطبخ
غادة / حاضر ياطنط
فريال / هاجي اساعدكو
ودخلوا المطبخ
ليلى تسلم على باباها وحماها ويقعدوا كلهم بعد شويه ع السفرة
سليم بيقطع الديك الرومي
شريف / ياابني السكينه بتتمسك كده اوعي وريني
سليم / اتفضل
شريف / هتتعلموا امتى بس
سليم / هههههههههههههه سيبنالك العلام يااخويه
امال فين ريان يا ماما
مروان / اخوك في العيادة
سليم / اوكيه حسابي معاه بعدين دا انا م أكد عليه الصبح إنه يجي
فريال / معلش ياحبيبي تلاقي في ظروف منعته
شريف بيقطع الديك الرومي وبيوزع في الأطباق واخد طبق وقعد جنب غادة يأكلها
غادة بهمس / شريف مش قدام الناس كده
شريف / كلي ياحبيبتي ميهمكيش
سليم قرب من ليلى / م تجيبي صباع من ورق العنب ده
ليلى تقرب الطبق من سليم
سليم / لا انا عايز في بؤي
ليلى تغمزله / سليم مينفعش
سليم / شايفه اخوكي
ليلى تاخد من الطبق ولسه بتقرب ايدها من بؤ سليم عشان تأكله
عدي يقرب ويخطفها من ايدها ببؤه
عدي / تسلم ايدك يا لوله
ليلى ناظره ل سليم وبتضحك
سليم / ياسلام على غتاتك يااخي
عدي / ههههههههه ايه ياعم اختي وبتاكلني
شريف يقوم يغسل ايده وتقوم بعده غادة
شوية ويقوم مروان وخيري
سامية تقوم تعمل الشاي وتغسل الفاكهة وتحطها على الطربيزة في الصالون
عدي وليلى وسليم قاعدين ع السفرة
فريال قامت تشوف ساميه
فريال / مش عارفه ام حاتم مستعجله ع ايه مش كانت قعدت أكلت معانا
سامية / م انتي عارفه بتتحرج يافريال
على السفرة
سليم / ايه يابشمهندس لسه مخلصتش
عدي / لأ... اصل الاكل حلو اوي
سليم / م تاخد طبقك وتبعد شويه انت لازق فينا كده ليه
عدي / هو انا قاعد ع رجلك
ليلى / هههههههههههههه
سليم / شوفتي اخوكي
ليلى / انا قايمه اغسل ايدي
سليم / ارتحت
عدي / هههههههههههههههه هو انا عايش معاكو ولا محبكتش الرومانسيه غير وانا موجود
سليم / انت طالع رزل لمين نفسي افهم
عدي / هههههههههه تاكل محشي
وبيقرب عدي ايده ناحية بؤ سليم
سليم بيبعد ايده / مش عايز ابعد ايدك دي بقي
عدي / الحمد لله... أما اقوم اغسل ايدي بقى
سليم بيشيل الأطباق وداخل بيهم المطبخ تقابله مامته وتاخد الأطباق منه
وترجع تنضف السفرة هي وسامية
ويقعدوا في الصالون يشربوا الشاي وياكلوا فاكهه ويدردشوا شويه
وبعد شويه
وهما مروحين
سامية / خلاص بقى ياليلي انا عملت اللي عليه يابنتي خدي بالك انتي من نفسك ومن ولادك
سليم / وانا ياطنط
سامية ببتسامة / وخلي بالك من جوزك
ليلى / خلاص ياماما مروحه
سامية / هههههههههه ايه يابنتي هو انا مسافره
وبعدين مش انتي اخدتي اجازة تلات شهور خلاص هتبقي اتعودتي بقى تصبحو على خير
سليم وليلى / وحضرتك من اهل الخير
تخرج سامية ويقفل سليم الباب وبتنهيدة يقعد على الكرسي
سليم / م تيجي هنا جنبي يا لوله
ليلى تقعد جنب سليم يحاوطها بدراعاته
سليم / ايه ياحبيبتي مالك
ليلى / الجد بدأ ياسليم
سليم / هههههههههههههه هشوف واحده تساعدك ماهو مش هتقدري لوحدك ياحبيبتي
ليلى / اوكيه بس ادرسها الأول
سليم / هههههههههههههه يعني ايه تدرسيها دي
ليلى / لا دي أسرار كده مينفعش اقولك عليها
سليم وهو بيقوم وبياخد ب ايدها / اوكيه تعالي نلحق ننام قبل الولاد م يصحوا
ليلى / هنام فين
سليم / في حضني ياحبيبتي انتي بقالك اسبوع نايمه بعيد عني
ليلى ببتسامة / اوكيه يلا
ياخدها من ايدها ويدخلوا جوه
_________________