🥀 ليلى ❤️🥀

الحلقة السابعة

الحلقة ٧
#ليلي
#بوسي_مصطفي
___________

في شقة خيري
شريف بيلبس جوه يخبط درفة الدولاب بدون قصد
سامية / في حاجه ياشريف
شريف / بلبس ياماما
تخبط ساميه وتدخل
سامية / بتلبس رايح فين انت مش لسه جاي من بره وبعدين مروحتش جيبت ليلى من الجورنال ليه باباك هيعمل مشكلة دلوقت
شريف / ماهي اتصلت بيه عشان اروحلها
سامية / وايه اللي آخرها لحد دلوقت
شريف / أصلها في المستشفى كلمتني من هناك وقالتلي تعالي
سامية تخبط ع صدرها / يلهوي بنتي في المستشفى بتعمل ايه
خيري يجي بسرعه ع صوت سامية اللي كانت منهاره وبتعيط
خيري / في ايه ياساميه
مالها مامتك ياشريف
سامية / أجرى ياخيري مع ابنك شوف ليلى بتعمل ايه في المستشفى رجلي مش شايلاني
خيري / مستشفى!
مستشفى ليه؟.. مالها اختك ياابني انطق
شريف / معرفش يابابا بس هي بتقول انا كويسه
خيري / اومال هناك بتعمل ايه
شريف / م انا رايح اجيبها اهوه عشان افهم في ايه
خيري / استنى اما البس
كان خيري وشريف بيجروا ع السلم
سليم لسه بيفتح الباب
سامية من فوق / ابقى اتصل طمني ياشريف انا مش هستني لما تيجوا ياابني
شريف / حاضر ياماما
سليم / هو في ايه ياشريف
شريف وباباه بيحدفله مفاتيح العربيه وهو واقف فوق عشان شريف اسرع منه
شريف / دي ليلى مكلمانا من المستشفى عايزة حد يروح يجيبها من هناك
سليم بخضه / مستشفى!
مستشفى ليه؟!
شريف / ييييه هو انا كل اما اقول لحد يسألني السؤال دا
ياعم معرفش انا رايح اشوف في ايه
سليم / طيب انا هسبقكو على هناك
شريف / مش تعرف مستشفى ايه الأول
عنوان المستشفى.........
وكان سليم اخد السلم جرى قبل شريف وشغل العربيه وداس بنزين بسرعه
في المستشفى
الدكتور مروان قاعد جنب ليلى
(كان عنده نبطشيه في المستشفى واتفاجيء إن ليلى جايه مع الولد اللي توفى للكشف عليه واستخراج تصريح بالدفن)
مروان وفي ايده علبة عصير / اشربي ياليلي عشان أعصابك تهدا يابنتي
ليلى وهي بتبكي / مش قادرة ياعمو... مش قادرة
كان خيري وشريف وسليم جايين من بعيد يجروا وواول م قربوا منها
اترمت ليلى في حضن باباها وهي بتبكي
خيري / مالك ياليلي فيكي ايه يابنتي
سليم / ليلى طمنينا انتي كويسه
بابا مالها ليلى
شريف / حد عملك حاجه قولي في ايه قلبنا هيوقف
مروان / اهدوا ياجماعه واقعدوا
سليم / نهدا ايه بس يابابا مش لما نفهم في ايه
ليلى وهي بتصرخ وتبكي / قتلوا يابابا وقطعوا واخدوا منه كل حاجه
استكتروا عليه يعيش زي البنى آدمين مع انه مكانش عايش زيهم انا بكرههم وبكره كل حد اذاهم ذنبهم ايه يحصلهم كده عشان غلابه مفيش حد يدافع عنهم
خيري / اهدي يابنتي وفهمينا من دول
مروان / دا طفل من أطفال الشوارع اتخطف من كام يوم واتاخدت أعضاءه الكبد والكلي والقلب والقرنيه وبعد ماخلصوا العملية رموا في مقلب الزباله
خيري / لا حول ولا قوة إلا بالله
يارب رحمتك بينا يارب
سليم وشريف بيبكوا
مروان / التحقيق شغال هياخدوا أقوال ليلى وبعد كده روحها البيت يابشمهندس
اقعدي يابنتي استريحي
سليم بعد م قعدوا / وانتي كنتي فين وقتها
ليلى / كنت هناك بالصدفه
شريف / وانتي تروحي أماكن زي دي ليه
خيري / ودا وقته انت كمان
اهدي ياحبيبتي
خلع سليم الجاكت ووضعه ع كتف ليلى
خيري / روح هات ل اختك حاجه سخنه تشربها
ليلى / مش عايزة يابابا
خيري / الجو برد وانتي جسمك كله بيرتعش روح ياشريف
سليم / خليك ياشريف انا نازل تحت
________________