الحلقة ٢٥
#ليلى
#بوسى_مصطفى
يحاول فتحي يدافع عن نفسه وتوقع السكينه في الأرض وهي غرقانه دم
الباب بيتفتح وطبعاً اللي بره ناصر ومعاه رجاء اللي فهمته انه واحشها وبتوصله لحد باب الشقة
فتحي / انتي عملالي كمين ولا ايه في ليلتك اللي مش هتعدي دي
استخبي فين دلوقت
ناصر بيدخل جوه بعد م سمع صوت رانيا ودوشه جوه
فتحي ملقاش مفر غير إنه يهرب من الباب
بيجري اتقابل هو وناصر وجه لوجه
_______________
ناصر لسه هيمسكه كانت رجاء بتصرخ عشان تلفت انتباه ناصر ليها في الوقت دا كان فتحي خرج جرى ونزل تحت لسه ناصر هيلحقه صرخت رجاء مرة تانيه
رجاء / ألحق ياناصر رانيا سايحه في دمها جوه
كان ناصر هيدخل يقتلها لكنه لما شاف الدم اللي ع ايدها والسكينه اللي في الأرض عرف إنها كانت بتدافع عن نفسها
شالها بسرعه وبيغسل ايدها من الدم
هاتي شاش وقطن بسرعة يا رجاء
دخلت رجاء الاوضة وهي ماشيه بهدوء اتأخرت جوه
ناصر قاعد جنب رانيا ع الكنبه وكاتم الجرح ب ايده
ناصر / اخلصي يا رجاء بقى بتعملي ايه كل دا جوه
رجاء لنفسها / مستعجل على ايه متسيبها تموت وتريحنا
خرجت رجاء بالقطن والشاش بيكتم ناصر الجرح بالقطن ولف الشاش ع ايدها
ناصر / هتحتاج خياطه
رجاء / ولا خياطه ولا حاجه هتبقى كويسه متقلقش
رانيا / انا كويسه يا ناصر متخافش عليه
رجاء / امال الواد اللي خرج جرى هنا دا كان جاي هنا يعمل ايه
رانيا / م سألتهوش ليه
رجاء / واسأله ليه هو مش كان عندك
ناصر يزعق في رجاء / حاسبي على كلامك يا رجاء واول واخر مرة تكلمي رانيا بالاسلوب ده
رجاء / انا الحق عليه اللي دخلت انقذها كنت سيبتها غرقانه في دمها
وبعدين دا بدل م تضربها قلمين وتعرف منها مين الواد دا وجاي هنا يعمل ايه
قام ناصر وهو متعصب وصفع رجاء على وجهها
شهقت رانيا مندهشه من رد فعل ناصر
ناصر / رانيا دي اشرف ست عرفتها ولو كان اللي في بالك صح مكناش هنلاقيها في المطبخ متعوره وايدها كلها دم
كانت بتحافظ ع شرفي يارجاء
عارفه يعني ايه بتحافظ ع شرفي
انزلي يلا مش عايز اشوفك قدامي
رانيا بعد م كان قلبها بيهتز من الخوف بقى بيتنطط من الفرحه وعينها تلألأت بالدموع
اخدها ناصر في حضنه وهو بيطبطب عليها
ناصر / ادخلي البسي عشان نروح المستشفى وبالمرة نعمل محضر
رانيا / محضر ليه
ناصر / لازم اعرف مين الواد دا ومين اللي زقه عليه
رانيا / انت شاكك في حد
ناصر / لما اتأكد هقولك بس قومي البسي يلا
____________
تحت عند رجاء بتتكلم في التليفون مع نبيله
رجاء / بقولك هرب متقلقيش هتلاقيه جايلك بعد شويه
نبيله / يعني راحلها
رجاء / امال كنتي فاكره ايه ياحبيبتي دول بيريلوا على اي حاجه
نبيله / طيب وعمل ايه في البت اللي عندك
رجاء / ضربني بالقلم بس معلش هردهاله وبكره يندم
نبيله / ضربك بجد ولا بتهزري
رجاء / بعد م كبرته وعملتله اسم باعني بس بكره يشوف مني اللي عمره م شافه
نبيله / بصراحه معاكي حق خدي تارك منه
رجاء / متخافيش عليه انا هعرف اخد حقي منه كويس اوي
خدي انتي حقك من المحروس بتاعك... سلام
____________
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
