🥀 ليلى ❤️🥀

الحلقة ١٨

الحلقة ١٨
#ليلى
#بوسى_مصطفى
__________________

في الاوتيل
في غرفة ليلى وبتتكلم في التليفون
سليم / طب انزلي عشان تاكلي
ليلى / قولتلك مش نازله
سليم / هتنامى من غير عشا
ليلى مردتش
سليم / انا مش عارف اخوكي مكبر الموضوع ليه
هو كان ايه اللي حصل يعني
ليلى انتي مبترديش عليه ليه
ليلى / اقفل يا سليم وسيبني انام
سليم / متناميش وانتي زعلانه
عشان خاطري
ليلى / تصبح على خير ياسليم
وقفلت ليلى التليفون
سليم قرب من الطربيزة اللي قاعد عليها عدي وبياكل
سليم / حضرتك عكننت علينا وقاعد تاكل ولا في دماغك
عدي / لو سمحت اتفضل على طربيزتك
سليم / اطلع صالح ليلى وخليها تنزل عشان تاكل
عدي / ملكش فيه احنا اخوات مع بعض نتصالح نتخانق ملكش دعوة وأخرج منها بقى
سليم / ياض يامتخلف ياله ايه اللي حصل لكل دا
دي مراتي يابجم
عدي / بقولك ايه بلاش غلط عشان انا كمان لساني طويل بس للأسف متربي ومش هرد عليك
سليم / طب اطلع خليها تنزل ولا اطلع انا
عدي / عارف لو هوبت هناك هوديك في داهيه
سليم / داهيه ليه ياحبيبي
شايف ده
عدي / ليه دا
سليم / دي قسيمة الجواز ياحبيبي جيبتها معايا للظروف
عدي / سليم روح كمل اكلك وبلاش اللي انت بتعمله ده
انا مش هقول لبابا عشان مش عايزة يزعل ليلى
سليم / لا قلبك حنين اوي
عدي / سليم خلي بالك من ليلى وحافظ عليها
سليم / ليلى في عنيه وكلكم عارفين انا بحبها قد ايه
عدي / خلاص بلاش تعملها مشاكل لا معايا ولا مع بابا
سليم / ياابني اختك دي روحي عارف يعني ايه
اطلع بقى هاتها عشان متنامش من غير عشا
عدي ببتسامة / اوكيه بس متقربش من الطبق بتاعي
سليم / هههههههههههههه طب اخلص يلا
________

في شقة رانيا
رجاء داخله وفي ايدها حاجات كتير تاخدهم منها فيكي وتحطهم على السفره وتقعد رجاء  وتخلع الشوز بتاعها
رجاء / آآآه يارجلي خلاص مش قادرة
فيكي اعمليلي فنجان قهوة
فيكي / حاضر... ماما
رانيا خارجه من الحمام وايدها ع بؤها وماسكه بطنها
رجاء / ايه مالك اكلتي ايه
نظرت ليها رانيا ومردتش
رجاء / اتخرستي ولا ايه
رانيا فتحت باب البلكونه وقعدت
رجاء قربت منها / ناصر مسافر ومش جاي الليلة
رانيا / وانا مالي
رجاء / ههههههههه حلوه انا مالي دي
وقعدت قصاد رانيا
رجاء / هو لسه محصلش
رانيا / هو ايه
رجاء / الحمل
رانيا ابتلعت ريقها ووضعت ايدها ع بطنها بخوف / حاجه متخصكيش
رجاء / لا تخصني ياحبيبتي
إن كنتي مبتخلفيش يطلقك ونجيب غيرك احنا مش هنبعزق الفلوس كده ع الفاضي
رانيا / موضوع ميخصكيش عشان تكلميني فيه
رجاء مسكت ايدها / يخصني يارانيا عشان دا هيبقى ابني انا
رانيا / تبقى اتجننتي
رجاء مسكتها من شعرها
رانيا / آآآه سيبي شعري
رجاء / ادخلي ألبسي عشان نروح للدكتوره
رانيا / ليه
رجاء / ملكيش فيه اتنيلي ادخلي ألبسي يلا
_____________

في شقة دكتور مروان
فريال تخبط ع باب غرفة ريان
فريال / ريان ياحبيببي انت لسه منمتش
ريان / هنام اهو ياماما
فريال / طب ممكن ادخل
قام ريان وقعد على السرير / اتفضلي ياماما
دخلت فريال ببتسامة وقربت وقعدت ع طرف السرير
فريال / ايه اللي مصحيك لحد دلوقت
ريان /  الوقت اخدني في القرايه وبعدها عيني زغللت قفلت الكتاب وقولت انام بقي
فريال / متزعلش من بابا ياحبيبي هو خايف عليك
ريان / من ايه
فريال / من فكرة الارتباط دلوقت وخصوصاً لو كانت أروى
ريان / ومالها أروى ياماما
فريال / ملهاش ياابني بس انت عارف ان الموضوع دا في مجازفه كبيرة وانت اصلا لا لحقت تحبها ولا تتعلق بيها وكمان في حاجات مش عارفه ينفع اقولهالك ولا لأ
بس انا مش مستريحه للموضوع دا ياابني
ريان  سكت مردش
فريال / ليه أروى بالذات ياريان
ريان / حضرتك منتظره اني اقولك لانها اخت رغده مش كده
فريال / هو دا اللي قلقني وقالق باباك
احنا عايزين سعادتكم ياابني واخاف تشوف فيها صورة رغده ومتتفقوش مع بعض
انا مش عايزة تدخل علاقة مقلقه بالشكل دا
ريان / خلاص يبقى مش هتجوز خالص
فريال / وماله مش احسن متتجوز وتظلم نفسك وتظلم اللي هترتبط بيها
تصبح على خير
وخرجت فريال من الاوضه وسابت ريان في حيره مش عارف يفكر ولا ياخد قرار