🥀 ليلى ❤️🥀

الحلقة ٦٣

الحلقة ٦٣
#ليلى
#بوسى_مصطفى
____________

في المستشفى... في غرفة صافي
سليم / ليلى مش جايه.. ريحي نفسك
صافي / لا هتيجي... انا عارفه ليلى كويس اوي.. هتيجي عشان هي جدعه وبنت أصول
حتى لو كانت اللي ريحالها دي اخدت منها جوزها وكسرت قلبها
ليلى طيبه وبتحبك ياسليم
بس هي محتاجه دماغها دي تتعدل شويه ودي مهمتك بقى
انا اسفة اني وجعتكو وبعدتكم عن بعض
بس صدقني الكام ليلة اللي فاتوا من وقت م دخلت المستشفى دي
حسيت كأني بقيت واحده تانيه خالص
استحقرت نفسي وقرفت منها اوي
انا فعلا كنت بكابر واعاند ومسمعش غير صوت عقلي بس
عايزة اتشهر عايزة الناس كلها تعرفني
مش مهم اقدم ايه للناس افيدهم بيه
لا دا انا ممكن ادوس على أوجاعهم عشان اعمل منها حلقة واووو... الناس كلها تشوفها
عشان كده وقعت في مشكلة كبيرة
هحكيها بعدين في وجود ليلى
سليم / صافي انا مسافر فرنسا احتمال الأسبوع الجاي بس لسه اما امضي العقد الأول
صافي / هتسافر تشتغل هناك
سليم / جالي فرصة تقديم برنامج في قناة هناك
هي قناة عربية وفكرة البرنامج عجبتني فحبيت اني أقدمه واعرف العالم كلها حضارتنا وتاريخنا كعرب اللي ناس كتير متعرفوش
وكل فكرتهم عن العرب إن هما ناس عايشين في صحرا هنعرفهم احنا مين وتاريخنا ايه
مش عايز أوجع دماغك بتفاصيل مش مهمه بالنسبالك دلوقت
بس صدقيني رغم كل اللي حصل إلا أني في اللحظة نسيت كل حاجه حصلت
كأنها لم تكن.. كل اللي مضايقني بس إن ليلى والولاد بعاد عني
صافي / انا متشكره اوي ياسليم عشان انت طلعت راجل بجد
إنك متكلمتش مع بابا في اي حاجه
سليم / صافي انا كنت عايز انهي الموضوع دا قبل م اسافر
صافي / اوكيه ياسليم براحتك
سليم / يعني ننفصل بهدوء بدون مشاكل
صافي / احنا متجوزناش عشان ننفصل ياسليم
سليم / لأ احنا قدام الناس كلها متجوزين.. عشان ميحصلكيش مشاكل بعدين
صافي بتبكي / مش ممكن انت بجد جدع اوي
انا مش عارفه ازاي عملت فيك كده
بجد كرم أخلاقك ده خلاني مش طايقه نفسي وكل اما افتكر اللي عملته اقول لنفسي انا فعلاً استاهل اللي جرالي
ادعيلي ياسليم ولو اني مستحقش ده
سليم / انا همشي وزي م اتفقنا هننهي اللي بينا بالمعروف بدون مشاكل
صافي هزت دماغها وهي مخنوقه بالبكاء
______________

في شركة ممدوح
سمير / يعني من الاخر كده ياهندسه هنستلم الموقع امتى
ممدوح / قولت لحضرتك من بكره تروح الموقع وتعاينوا كل حاجه بنفسكم
مدحت / بس شوية التشطيبات دي كلفتنا كتير اوي
مش شايف إن الأرقام دي مبالغ فيها شويه
ممدوح / ع فكرة أنا حاولت على قد م اقدر اقوم المبنى ب الميزانية اللي انتو محددينها
مع إن انا والمهندسين والمحاسبين بتوعي احنا اللي مفروض نحدد الميزانية دي
بس انا كرمتكم بصراحه في المشروع دا
يعني اللي حضرتك بتقول مبالغ فيه دا
غيري ممكن يعمل ميزانية اكبر من كده بكتير ومش هيخرجلكم الشغل اللي انا عامله ده
سمير / خلاص يا هندسة واحنا مبنشكش في ذمتك
كل حاجه طالما متسجله بالورقة والقلم يبقى كل في السليم
ممدوح / بكره حضراتكم تروحوا الموقع وتشوفوا كل حاجه ع الطبيعه
مدحت / نروح بكره منروحش ليه
بس انت متأكد ان الدورين الزيادة دول مش هياثروا على المبنى
ممدوح / يااستاذ مدحت حضرتك مروحتش الموقع هناك قبل كده وشوفت المباني هناك ارتفاعها قد ايه
وع فكرة أنا عملكوا شغل محصلش يعني الدورين الزيادة دول اعتبرهم خارج الميزانية خالص
عشان بس حضرتك بتقول إن المبنى متكلف جامد
وهتشوف بكره بنفسك ع الطبيعه وهتعرف كلامي دا كويس
سمير / تمام ياهندسه
نستأذن احنا بقى
وبكره هتستلم اخر دفعه ليك عندنا
ممدوح / اهو دا الكلام.. شوف يااستاذ سمير انت كلامك دوغري وميه ميه وانا بيعجبني الراجل اللي كلمته واحده ومتأكد اني حقي هيوصلني
وكلمتك دي بمية عقد عندي
مدحت نظر ل سمير / مش يلا بينا بقى ياسمير
سمير / يلا بينا.. َسلام ياهندسه
ممدوح / مع السلامة
خارج المكتب
مدحت / اخر دفعه ايه اللي هتعطيهاله وبعدين دا مبيشبعش فلوس ياابني
كل شويه هات هات
لما نبيع الشقق الأول وناخد مقدم من السكان نبقى ساعتها نعطيه اخر دفعه
سمير / هتصرف ملكش دعوة انت
مدحت / ايه ناوي تعمل ايه
سمير / هنبيع المصنع
مدحت / نعم!
سمير / اسمع صاحب بالين كداب واحنا مش هينفع نشتغل هنا وهنا
وبما إن المصنع مقفول وبقاله فترة وخسرنا في فلوسنا كلها
يبقى نبيعه منها نسدد باقي الفلوس اللي علينا من تشطيبات العمارة
وكمان يبقى معانا قرشين ندفعهم عربون لممدوح يرفعلنا مبنى زي اللي اتعمل ده
مدحت / انت بتهزر وهو هيوافق يشتغل في مبنى ضخم زي دا بشوية ملاليم ياسمير م تعقل كلامك الأول
سمير / ياغبي اسمعني
ماهو احنا لما نسدد فلوس المبنى كلها بالسرعه دي
هنطمعه وهنبقي بنرميله طعم عشان نصطاده في المشروع الجديد
وباقي فلوسه مش هياخدها غير لما يخلص المبنى ويشتغل هناخد من هنا ونسدد
مدحت / لا برافو عليك... دماغك شغاله
سمير / ههههههههه امال انت فاكر ايه ياابني... يلا بينا
________________