🥀 ليلى ❤️🥀

الحلقة ٢٧

الحلقة ٢٧
#ليلى
#بوسى_مصطفى
______________

في شقة عبودة
عبودة داخل من باب الشقة  يتفاجأ ب ربيع قاعد في الصالون ودعاء بتقدمله حاجه ساقعه ووالدته قاعده ع الكرسي اللي قصاده
عبودة استفز من المشهد وزعق في دعاء عشان تدخل جوه
ربيع / في ايه ياعبودة مكونتش عايزني اجي هنا ولا ايه
والدة عبودة / البيه كتر خيره جاي يطمن عليك ياابني... انت كنت فين قلقتنا عليك
عبودة / انا كويس ياماما
ربيع / مقولتش للست الوالدة انت كنت فين
عبودة / كنت بتمشي شويه
والدة عبودة / طيب انا هدخل اجهز عشا اوعي تخرج يابيه قبل م ناكل عيش وملح مع بعض
ربيع / متشكر ياحاجه كتر خيرك
والدة عبودة / م تقول حاجه للبيه ياابني
ربيع / الظاهر ابنك بخيل ياحاجه
والدة عبودة / لا بس تلاقيه مكسوف شويه بعد اذنكو
دخلت والدة عبودة المطبخ
عبودة / في حاجه ياباشا
ربيع / طب م تقعد واقف ليه
عبودة / لا بس اتفاجأت من زيارة حضرتك مفروض كنت انا اللي هقابلك في المكان بتاعنا ياباشا مش هتجيلي هنا
ربيع / ايه زعلان عشان جيتلك البيت
عبودة بهمس/ اصل يعني هنا مش هنعرف نتكلم
ربيع وهو عينه بتدور في الشقة / حلوه شقتك ياعبودة
عبودة / تشكر ياباشا على قدنا كده
ربيع / مقولتليش إنك عندك اخت كبيرة انا افتكرتها لسه صغيرة
عبودة / لا ماهي صغيرة ياباشا دي توأمي
ربيع / اممم طب م تقعد
عبودة / مش هنتكلم في الشغل
ربيع / هنا مينفعش م انت عارف
بعد شوية ع السفرة
والدة عبودة / اتفضل يابيه... بسم ﷲ
ربيع لعبودة / هي الأموره مش هتيجي تتعشا ولا ايه
والدة عبودة تنادي / دعاء
دعاء / نعم ياماما
والدة عبودة / انتي يابنتي مش هتيجي تاكلي
عبودة بصوت عالي عشان يسمع دعاء / أصلها مبتتعشاش بتحب تنام خفيف...
والدة عبودة / تنام ايه ياابني دي كانت لسه بتقولي انا جعانه ياماما
ربيع نظر لعبودة بمكر
عبودة / اتفضل ياباشا لقمه كده على قدنا
ربيع / تسلم ايد الحاجه ودعاء
والدة عبودة / دعاء دي ايدي اليمين في شغل البيت بتعمل كل حاجه ونفسها في الاكل ايه مقولكش
ربيع / ماهو واضح اهوه تسلم ايدها
بعد شوية
عبودة / رايح فين ياباشا
ربيع / داخل اغسل ايدي هو الحمام مش من هنا برضو
عبودة / ثواني ياباشا
ودخل عبودة جوه بسرعه كانت دعاء في المطبخ بتعمل شاي
عبودة وزعق فيها / بتعملي ايه هنا
دعاء / ماما قالتلي اولع ع الشاي
عبودة / طب انجري ادخلي اوضتك ومتخرجيش منها إلا لما اقولك
دعاء / انت مالك في ايه
عبودة / اخلصي بقى وادخلي جوه
كان بيزقها لما قرب ربيع منهم عشان يدخل الحمام اللي جنب المطبخ ع طول
خرجت دعاء بسرعه وهي رايحه اوضتها اتقابلت ب ربيع اللي نظر ليها ب إعجاب جريت دعاء على جوه بسرعة وقفلت الباب
عبودة وفي ايده الفوطه / اتفضل ياباشا
غسل ربيع ايده واخد الفوطه من عبودة وهو عينه ناحية غرفة دعاء
عبودة / اتفضل ياباشا هنا هروح اجيب الشاي
ربيع قعد في الصالون ووالدة عبودة بتشيل الاكل من على السفرة وتنادي على دعاء
والدة عبودة / يادعاء انتي يابنتي غطسانه فين
عبودة / انا هساعدك ياماما واخد عبودة الأطباق ودخل المطبخ وبعدها قعد مع ربيع اللي بعدها بعشر دقايق خرج
عبودة يقفل الباب بتنهيده قوية
والدة عبودة / تعالى يابنتي عشان تاكلي
مالك ياابني واقف كده ليه
دعاء من ورا الستاره اللي بتفصل الأوض عن الريسبشن / اجي ياعبودة.
عبودة / تعالى يا دعاء
والدة عبودة / هو في ايه مالكو
عبودة / ماما لو الراجل دا جه تاني متفتحوش الباب
والدة عبودة / ليه ياابني دا حتى راجل طيب شوف جايب ايه معاه شكله كريم اوي
عبودة / كريم ولا بخيل عشان خاطري محدش يفتح ليه الباب وإن جه هنا وانا موجود
دعاء متخرجش خالص وانتي كمان ياماما ياريت متخرجيش
والدة عبودة / هو دا اللي ناقص بقى هتتحكم فيه ياعبودة
عبودة / مقصدش بس مينفعش ادخل البيت والاقي راجل غريب قاعد مع امي واختي
والدة عبودة / هو قالي إنه صاحب الشغل اللي شغال فيه عشان كده دخلته خوفت يزعل ولا حاجه يقوم يرفدك من الشغل احنا م صدقنا
عبودة / محدش يدخله انا قولت اهوه
والدة عبودة بضيق / هاتي يابنتي الاكل خليكي تاكلي عشان تنامي
_____________