🥀 ليلى ❤️🥀

الحلقة ٢٦

الحلقة ٢٦
#ليلى
#بوسى_مصطفى
____________

قدام شقة عبودة
عاطف واقف وبيخبط ع الباب
والدة عبودة / شوفي مين يادعاء
دعاء / حاضر ياماما
دعاء بتفتح الباب / عاطف
والدة دعاء / مين يابنتي
عاطف / سلام عليكم
والدة دعاء / وعليكم السلام
عاطف / عبودة هنا ياحاجه
والدة دعاء / وانت مين ياابني
عاطف / انا عاطف صاحبه
والدة دعاء / لا عبودة مسافر
عاطف / يرجع بالسلامة
دعاء / عبودة في السويس بقاله يومين وراجع بكره اقوله حاجه لما يرجع
عاطف / قوليله عاطف مستنيك في المكان اللي انت عارفه
دعاء / مكان ايه ده
عاطف / هو عارفه متقلقيش قوليله كده بس
ممكن رقم تليفونك
دعاء / ليه
عاطف / عشان اطمن ع عبودة متخافيش انا همسحه اول اما اما اخد رقم عبودة أصله مش معايا
دعاء / طيب سجل عندك
اخد عاطف رقم دعاء وسجله عنده ع التليفون
عاطف / تمام ... سلام عليكم
والدة دعاء / وعليكم السلام... كان بيقولك ايه الواد ده
دعاء / بيقول إنه مستني عبوده في المكان اللي بيتقابلوا فيه
والدة دعاء / اخوكي مش هسيبه من العيال اللي كان بيعرفهم دول
دعاء / عاطف دا ابن حلال ياماما
والدة عبودة / اه يااختي م تلاقيه معرفتك انتي
______________

بعد كام يوم
رانيا وناصر لسه راجعين من العزبه
ناصر ل رانيا / اطلعي يارانيا شقتك وانا هحصلك
رانيا / حاضر
وطلعت رانيا فوق وناصر وقف قدام شقة رجاء بيرن الجرس
تفتح البنت اللي شغاله عندها
رجاء / مين يافوزيه
ناصر يدخل ويقفل الباب / انا يارجاء
رجاء تاخد الفنجان وتشرب القهوة
ناصر يقعد جنبها
رجاء / حمدا لله... على سلامتك
جيت امتى
ناصر / لسه جاي حالا
رجاء / ايه صحتك مجاتش على هوا العزبه ولا ايه
ناصر / صحتي بخير... الحمد لله
رجاء / تبقى السنيوره معجبتهاش العزبه
ناصر / انا نزلت عشان اشوف شغلي هنا... قوليلي انتي اخبارك ايه
رجاء / مش انت كويس انا كمان كويسه
ناصر / ناويه ع ايه يا رجاء
رجاء / في ايه بالظبط
ناصر / هكتبلك عمارة بورسعيد ب اسمك ونص الشركة بتاعتك هسجلهم ب اسمك
والفلوس اللي معاكي بتاعت الشغل خليهم ليكي مش عايزهم
رجاء / كل دا ليه ياناصر عشان خاطر رانيا
ناصر / لا دا حقك يا رجاء انتي ناسيه ولا ايه
رجاء / وحقي فيك فين ياناصر
ناصر / ما انتي لسه مراتي هو انا طلقتك
رجاء / حقي متقسمنيش فيه واحده تانيه
ناصر / مش هطلق رانيا ريحي نفسك
رجاء / هتطلقها عارف ليه عشان لا هيسيبلك ولا هيسيبها تتهني بيك يبقى اقصر الشر وطلقها قبل م يحصل حاجه تخليك تندم ع اليوم اللي اتجوزتها فيه
ناصر / انتي اللي بعتي الواد دا لحد هنا مش كده
رجاء / واد مين
ناصر / اسلوب اللف والدوران دا انا مبحبوش وانتي عارفه كده كويس
رجاء / هو انت مش قادر تحكمها جاي ع الغلبانه اللي محافظه ع اسمك وتتهمها تهمه زي دي
ناصر / مين قالك ان رانيا مش محافظه ع اسمي
رجاء / انت شايف ايه
ناصر / انا شايف اني لحد دلوقت قادر اتحكم في اعصابي وعمال اتكلم معاكي بهدوء وعايز ارجعلك حقك كله وانتي بتحاول تستفزيني ليه معرفش
انا متجوزتش من وراكي كل حاجه تمت بعلمك وانتي اللي كل مرة كنتي بتتحايلي عليه عشان اتجوز ايه اللي حصل بقى
رجاء / دا لما كنت معايا لكن من وقت م اتجوزت البنت دي وهي شقلبت حالك وخليتك واحد تاني
اسمع يا ناصر اخر كلام عندي عشان مش عايزة افتح الموضوع دا تاني انت هتطلق رانيا عشان انا مستحيل اسيبكوا تتهنوا ببعض والقلم اللي اخدته منك هيترد بس هيبقى في حاجه غاليه عليك اوي
ناصر مسك ايدها بكل قوته / عارفه لو مسيتي شعره من رانيا ولا اللي في بطنها هعمل فيكي ايه
بلاش اقولك انتي هتتفاجيء لوحدك سلام
وتركها وفتح الباب وخرج وهو بيخبطه بكل قوته
__________________