🥀 ليلى ❤️🥀

الحلقة ٤٠

الحلقة ٤٠
#ليلى
#بوسى_مصطفى
_____________________

بعد كام يوم...
في شقة خيري
سامية صاحيه من بدري روقت الشقة وعملت الفطار ومستنيه خيري وعدي يقوموا من النوم
قاعدة على السفرة بتقور بتنجان وكوسه عشان شريف وليلى جايين النهارده عندها
سامية / عدي... انت ياابني قوم
الساعة بقيت عشرة ونص قوم عشان تصحى بابا وتفطروا قبل صلاة الجمعه
عدي لسه نايم
خيري خارج من الاوضه / في ايه ياسامية بتزعقي ليه
سامية / صباح الخير الأول
خيري / صباح النور انتي بتعملي ايه
سامية / اهو زي م انت شايف
خيري / طب مش نفطر الاول قبل كل دا
سامية / الاكل قدامك على السفره ياخيري خد دوش كده وتعالي صحي عدي الواد عمال اصحى فيه مش عايز يقوم من النوم
خيري / يدوب اخد دوش عشان افطر براحتي
يخبط خيري على باب اوضة عدي وهو في طريقة للحمام
خيري / عدي قوم ياابني عشان تلحق... الصلاة
عدي سمع الخبط ع الباب
عدي بيرفع الغطا / حاضر قايم اهوه
جرس الباب يرن تقوم سامية تفتح الباب /
شريف ببتسامة ويقرب يبوس ايد مامته / سلام عليكم
سامية / وعليكم السلام... ياحبيبي
غادة / صباح الخير ياطنط
سامية / صباح النور يا بنتي
ادخلوا
شريف / هو مفيش حد هنا ولا ايه
سامية / لا موجودين
عدي نايم وباباك جوه
شريف / وخم النوم دا لسه نايم ليه
ساميه / هههههههههههههههه
كان سهران ياحبيبي بيذاكر
غادة دخلت غسلت ايدها في المطبخ وقعدت ع السفرة تقطع عيدان ورق العنب
سامية / بتعملي ايه ياغادة
غادة / بساعدك ياطنط
ساميه / طب افطري الأول تعالي ياشريف افطر ياابني
شريف / احنا فطرنا ياماما
لو غادة حابه تزود تقرب تاكل مفيش مشكلة ههههههههه
غادة / الحمد لله... شبعانه
سامية / شوفت اديك كسفتها قربي كلي يابنتي انتي حامل ومحتاجه تتغذي كويس عشان الجنين
غادة / بجد ياطنط مش قادرة
انا معدتي خلاص على آخرها
هخلص ورق العنب دا واسلقه واعمل شاي اصلنا مشربناش بعد الفطار
سامية / هههههههههه متشربيش شاي كتير كفايه كوباية واحده في اليوم
معلش ورق العنب دا هيتعبك شويه اصل خزنته في الفريزر زي ماهو
كانت واحده جايبهوملي ومفضتش اعملهم فركنتهم في الفريزر زي ماهما كده خدي السكينه قطعي بيها عشان العود تلاقي قاسي دلوقت
اخدت غادة السكينه وبدأت تعمل خلصت ودخلت المطبخ تسلق ورق العنب
سامية / اضربي الطماطم اللي عندك ياغادة
غادة / حاضر ياطنط
سامية / هاتي بصلتين من عندك اقطعهم عشان اعمل خلطة المحشي
غادة / حاضر
جات غادة بالبصل بعد م غسلته
سامية / هاتي كوباية رز من جوه هتلاقي العلبه اللي بعير بيها في قلب الرز وعصجي اللحمه اللي عندك
غادة / حاضر ياطنط
سامية / معلش يابنتي رجليه تعباني ومش قادرة أقف عليها
هاتيلي كل حاجه هنا اعملها
غادة / ولا يهمك ياطنط الف سلامة على حضرتك
اعمل البشاميل واسلق المكرونه مش هتعملي مكرونه بالبشاميل برضو
سامية / يبقى كتر خيرك يابنتي
اظبطي الملح بقى عشان عمك بيدقق اوي في حكاية الملح دي
جوه في اوضة عدي
شريف قاعد جنب عدي وعمال يرخم عليه عشان يصحى
مرة يقرصه من ودانه ومرة يطقطق صوابعه
شريف / ياابني قوم بقى
عدي / يااخي متحل عني بقى
عايز مني ايه
شريف / عايزك تقوم
عدي / انت مالك بيه اصلا
سبيني بقى ياشريف تعبان ومصدع يااخي
شريف / ياابني قوم بقى بطل كسل الساعة حداشر الا ربع
غادة / الشاي ياشريف
عدي / روح اشرب الشاي وسبيني انام هقوم لوحدي
شريف / طب قوم رد على التليفون انا رايح اشرب الشاي... سلام
ياخد عدي التليفون ينظر للشاشه رقم بدون اسم
يفتح التليفون / السلام عليكم
رهف / وعليكم السلام.. ازيك يابشمهندس
عدي / الحمد لله... مين حضرتك
رهف / ايه دا انت نسيت صوتي ولا ايه انا رهف
عدي / رهف اه... بس رهف مين
رهف / انا رهف اللي ساعدتني واتصلت بصاحبك صلحلي العربية اللي كنت واقفه بيها ع الطريق
افتكرت ولا لسه برضو ناسي
واضح انك لسه مفوقتش
عدي / لا افتكرتك.. ازيك ياانسه رهف اخبارك ايه
رهف / الحمد لله
بابا عايز يكلمك يشكرك على مساعدتك ليه
عدي / على ايه بس دا واجب علينا يعني
أعطت رهف التليفون لواحد من رجالة ربيع هو اللي كلم عدي بصفته بابا رهف
شكره ع مساعدته ل رهف ومثل الدور مظبوط
اخدت رهف التليفون وكملت المكالمة مع عدي وبعدها قفلت
وعدي قفل التليفون مع رهف قرب من المرايا ينظر لنفسه ببتسامة وإعجاب
خرج من الاوضه وفي ايده الفوطه والهدوم بتاعته
سامية / أخيراً قومت
عدي / صباح الخير عليكم
غادة / صباح النور
سامية / صباح الفل اخلص يايلا عشان تلحق تفطر قبل م تنزل
عدي / حاضر ياماما بس محدش بقى يشغل حنفية المطبخ
خيري خارج من الحمام
عدي / المياة سخنه يابابا ولا خلصتها
خيري / ألحق قبل م تخلص
عدي / م انا عارف انها خلصت كل مرة تعمل الحركة دي
سامية / مبتصحاش بدري ليه
استنى بقى لما المياة تسخن
عدي / احنا نجيب سخان كبير عشان يكفينا كلنا
كويس إن ليلى اتجوزت كانت مخلصه ع مياة البيت كلها
سامية / هههههههههه عندها وسواس نضافه كانت مجنناني
شريف / زمان سليم هو اللي اتجنن دلوقت
عدي / كلمه اطمن عليه وبالمرة شوفها اتأخرت ليه ولا اروح اجيبها انا وخلاص
سامية / زمانها جايه ادخل انت بقى وخلصني
___________