🥀 ليلى ❤️🥀

الحلقة ٤٢

الحلقة ٤٢
#بوسى_مصطفى
#ليلى
______________

قدام العمارة تنزل ليلى من التاكسي
كان عدي نازل جرى عشان ياخد الولاد منها
عدي / اطلعي ياليلي وسيبي الشنطه هنا انا هطلع ب الولاد وانزل اخد الشنطه
ليلى / لا انا هاخد الولاد وانت اطلع بالشنطه
قدام شقة مروان وليلى طالعه ع فوق
كانت فريال بتحاسب الشاب بتاع الدليفري
ليلى / سلام عليكم ياطنط
فريال / وعليكم السلام
تعالي ياليلي
كان عدي طالع بالشنطه
ليلى / خلاص ياعدي اطلع انت وانا هقعد مع طنط شويه
فريال اخدت الولاد ودخلت جوه
فريال / ادخلي ياليلي
ليلى دخلت وقعدت
فريال / هو سليم سافر
ليلى / لسه راكب الطياره من عشر من دقايق بس
فريال / هتقعدي هنا بقى لحد م يرجع
ليلى / تعبت المرة اللي فاتت شحططه مابين الشغل والولاد قولت اقعد مع ماما بقى اهو نونس بعض
فريال / وتونسيني انا كمان
ليلى / طبعاً ياطنط
هو عمي في المستشفى
فريال / اه لسه نازل من شويه
هدخل اعملك حاجه تشربينها ولا ناكل مع بعض
ليلى / متتعبيش نفسك ياطنط انا مش هشرب حاجه ولسه فاطره انا وسليم قبل م ينزل على طول
فريال وهي بتقعد الولاد / ليه بقى
حد قالك اني بخيله وبعدين فطار ايه احنا بقينا بعد الضهر

ليلى / هههههههههههههه لا طبعاً بس صحينا متأخر ومروحتش الجورنال النهاردة
فريال / كويس انك مروحتيش النهاردة عشان تقعدي مع بعض براحتكو ههههههه
شكلك عايزة تطلعي لمامتك
ليلى / لأ انا قاعدة معاكي هنا
هو ريان مبيجيش هنا ياطنط
فريال / ريان عايش في دنيا لوحده
بيجي بس مش كتير
هعملك قهوة ولا تشربي سحلب
ليلى / هشرب زي حضرتك ياطنط
فريال / هههههههههه انتي بتحيرني ليه
هعملك اي حاجه بقى
__________

في شقة خيري
سامية / هي اختك مطلعتش معاك ليه ياعدي
عدي / ليلى تحت عند طنط فريال
سامية / اه... طيب
عدي / ماما انا خارج بالليل
سامية / م تخرج ياابني هو انا منعاك بس قولي رايح فين
عدي / رايح عيد ميلاد
سامية / مش عندك امتحان بكره برضو ولا بيتهيألي
عدي / عندي بس دي نص ساعة
ياماما
سامية / خلاص ياعدي لما بابا يصحي قوله عشان لو احتاج العربية بتاعتك ولا حاجه انت عارف عربية بابا عطلانه
عدي / طيب
سامية / ايه مالك زعلت
عدي / لا عادي بس ياريت بابا مينزلش
سامية / غريبه يعني انت عمرك م اهتميت ب أعياد الميلاد والمناسبات دي
قولي جيبت ايه لصاحبك
عدي / صاحبي
سامية / ايوه صاحبك اللي هتحضر عيد ميلاده
عدي / اه... لسه ياماما مشتريتش هدية
وانا رايح على هناك بقى هبقي اعدي على محل بتاع هدايا واشوف حاجه كده مناسبه
_________

في شقة شريف
غادة / م بلاش من المشوار دا ياماما انا مش مطمنه
حوريه / اطمني باباكي في الشغل دلوقت م انت عارفه مبيجيش قبل المغرب
انا هروح اخد الدهب بتاعي واجي ع طول
هاتي بقى المفتاح اللي معاكي
غادة / اتفضلي ياماما
خلي بالك من نفسك... ولا اقولك هكلم شريف استأذنه اني اجي معاكي
حوريه / لا يابنتي خليكي مستريحه انا مسافة السكه
إن شاء ﷲ... مش هتاخر
وخرجت حوريه.. قعدت غادة قلقانه
______________