الحلقة ٨
#ليلي
#بوسي_مصطفى
______________
ليلى بتتصل ب شريف اللي كان قريب منها
قاعد في كافيه مع واحد صاحبه مردش كملت طريقها عشان تعدي الناحيه التانية المكان اللي ماشيه فيه ضلمه مفيش غير ضوء الموبايل بس اللي موجود
لمحت خيال حد ووقفت مكانها الخيال اختفي بصت وراها مالقيتش حد كملت طريقها مش مستريحه وحاسه بصوت حد بيتنفس وراها بدأت تقلق وحاسه ان قلبها هيوفق وبتقول لنفسها مش كنت سمعت كلام عاطف وخليته يجي معايا رغم خوفها الا انها كملت وهي بتبص وراها
دخلت في شارع تاني
شافت عربيه خضار راكنه في الطريق مش عارفه تكمل ولا تستخبي تحتها لانها اتأكدت إن في حد بيراقبها وبيختفي اول م يلمحها وهي بتتلفت ليه
اتلفتت ملقتش حد نزلت تحت عربية الخضار تستخبي لحد م يعدي الشخص اللي بيراقبها
نزلت ولسه بتسحب الشنطه اللي كانت ماسكه في مسمار من تحت ومكانتش شايفاه ايدها اتفتحت ونزلت دم
حاولت تكتم أنفاسها بعد م شافت الخيال معدي من جنبها لحد م بعد شويه
تليفونها يرن وضوء الموبايل يظهر التفت واتأكد إن ليلى تحت العربيه
ليلى بتقفل الفون وايدها بتترعش من الخوف وبتقول لنفسها / ودا وقته ياشريف م انا اتصلت بيك كتير م ردتش
قرب رجب من العربيه و...
________________________
ليلى بتقفل الفون وبتخبيه جوه الشنطه عشان رجب ميلمحهاش
وقف رجب عند عربية الخضار وعمال يلف حواليها
ليلى خلاص قلبها هيوقف
وايدها بتوجعها وبدأت تحس بالدم اللي بينزل من ايدها كتمت أنفاسها وهي ع وشك الانهيار
ولسه رجب بينحني عشان يشدها من تحت
فجأة واحد جاي جرى من بعيد ينادي
وله يا كوتا
التفت رجب ناحية الصوت ( طبعاً دا مش اسمه) لكن كمان خاف من اللي جاي ليقفشه فوقف مكانه لحد م قرب الشخص دا
رجب / ربيع... ياعم خضتني عايز ايه
ربيع / بتعمل ايه هنا
رجب / ولا حاجه كنت ماشي عادي
ربيع / تعالى عايزك في كلمتين
رجب واقف بيتلفت حواليه
ربيع / ايه مالك
رجب / مفيش... بس لازم الكلمتين دول دلوقت
ربيع / تعالى بس
واخدوا ع جنب وبيتكلموا مع بعض
طبعاً الدنيا ضلمه محدش شايف التاني
خرجت ليلى بهدوء من تحت العربيه وهي بتتسحب واحده واحده لحد م اخدت الطريق جرى
بيتلفت رجب خلفه ملقهاش
رجب / سمعت حاجه
ربيع / تعالى بقى قدامي عشان الباشا هيطربقها فوق دماغك
رجب / ليه ياعم في ايه
هو انا عملت حاجه
ربيع / بقى تمشي ورا البنت وخليها تاخد بالها منك ياغبي عايز تودينا في داهيه
رجب / ايه دا انت عرفت منين
ربيع / الباشا بعتني وراك لما لاقاك ماشي وراها وبدأت تاخد بالها منك انت ناسي إن الشارع دا قصاد الكافتيريا
سبيها تروح لحالها بقى
رجب / لا مش ممكن لازم اعرف عنوانها
ربيع / متخافش في واحد هيفضل قاطرها لحد البيت بس دا ناصح بقى مش زيك
رجب / هتغلط ولا ايه
ربيع / تعالى ياحبيبي شوف الباشا عايز منك ايه
رحب / مش انت دخلت في الحكاية يبقى مفيهاش خير
ربيع / انا الحق عليه اني جيتلك كانت اخدت بالها منك راحت للشرطه وادتهم بيانات عنك بملامحك دي عشان كنت تروح في داهيه انت مفروض تشكرني اني انقذتك قبل م تروح في داهيه وتشوفك... يلا بينا عشان الباشا مستعجل
رجب / وايه كوتا دا كمان
ربيع / ياابني تمويه اومال كنت عايزني انادي عليك ب اسمك ولا ايه؟!
________
أنت تقرأ
🥀 ليلى ❤️🥀
Chick-Litليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
