🥀 ليلى ❤️🥀

الحلقة الخامسة

#ليلى
______________
الحلقة ٥

في شقة سمير.
ثناء جايه بالشاي.
ثناء / ايه ياراجل مالك شايل طاجن ستك كده ليه؟!
سمير بضيق / مفيش.
ثناء / ايه المصلحة مش قضيت ولا ايه؟
سمير / فلوس القبض ادتها لـ ابويا.
ثناء / هي دايماً كده مفيش مصلحة بتيجي من وراها
هو انت قولتلها عايز الفلوس ليه؟
سمير / قولتلها عشان الحمل تاعبك شويه ومحتاجه تكشفي.
ثناء / اه قولتلي بقى.
سمير / ايه مالك؟
ثناء / اصل اختك طول عمرها حقوده وتلاقيها معاها بس لما عرفت بموضوع حملي الغل والحقد اللي جواها خلاها تقولك كده.
سمير / بلاش تظلميها يا ثناء دي كانت لسه راجعه من الشغل و تعبانه انا عارف إن بابا اخد منها الفلوس عشان الديون اللي عليه.
ثناء / ابوك دايماً مديون
يعني بيقبض معاش وبيشتغل واختك بتشتغل وطول النهار بره مبتاكلش لقمه في البيت مفيش غير اخوك بس ودا حتى لا بياخد دروس ولا بيصرف جنيه
ايه فلوسهم بتروح فين يااخويه مش يساعدوك ولا كله رايح ع جهاز السنيوره اللي منعرفش هتتجوز امتى كل اللي في سنها متجوزين وعندهم عيال ودي قاعدة كده في قرابيزنا معرفش ليه؟
سمير / كل شيء نصيب وبعدين انتي حاطه رانيا في دماغك ليه سبيها في حالها وخلينا في حالنا بقى.
ثناء / قال الهانم مش عاجبها اخويه وهي كلها ع بعضها شبر ونص وعملالي فيها ملكة جمال اللي يشوفها وهي صاحيه من النوم ميصطبحش ويتخمد تاني.
سمير / انتي عايزة ايه ياست انتي في ليلتك دي مالك بـ رانيا انا مش فاهم تتجوز ولا متتجوزش هو انتي كنتي بتاكلي ها؟!
ثناء / مالي اه
عايزة فلوس ياحبيبي عشان اروح اكشف والحمل مضيق خلقي ومش طايقه حد قدامي.
سمير / هدبرلك المبلغ بس تنقطينا بسكاتك خالص وملكيش دعوة بـ رانيا بقى.
ثناء / طيب اما نشوف.
________________

في شقة خيري.
ليلى قاعدة ع المكتب وبتفرد ايدها وظهرها وهي. تعبانه / اااه ايدي وجعتني.
الباب يخبط.
سامية / ليلى انتي لسه صاحيه يابنتي؟
ليلى / هنام اهو ياماما.
تفتح سامية الباب / ايه اللي مصحيكي لحد دلوقت؟
ليلى / كنت بذاكر ياماما.
سامية / طيب يابنتي كفاية مذاكرة وريحي جسمك شويه.
ليلى / حاضر انا اصلا خلاص فصلت وعايزة اناااام.
سامية / ايه السلسله الحلوه دي؟
ليلى ببتسامة وهي ماسكه حرف S / دا سليم اللي جايبها وانا حطتها في سلسله قديمه من عندي.
سامية / يااختي يعيش ويجيب
يابختك ياعم.
ليلى / هههههههههههههههه
سامية / تصبحي على خير يابنتي.
ليلى / وحضرتك من اهل الخير.
خرجت سامية وقفلت الباب
ليلى بتغطي نفسها عشان تنام التليفون يرن.
ليلى ببتسامة / الو.
سليم / لسه منمتيش؟
ليلى / كنت لسه بنام حالا.
سليم / كويس اني لحقتك قبل م تنامي.
ليلى / سليم.
سليم / نعم.
ليلى / هو انت ممكن تحب حد غيري؟
سليم / هههههههههه لو ليكي توأم هحبها اكيد.
ليلى / هههههههههه توأم مين ياعم احنا كده كويسين.
سليم / اسيبك تنامي بقى نتقابل بكره في الجامعه.
ليلى / تصبح على خير.
سليم / وانتي من اهل الخير.
ليلى لسه هتقفل.
سليم / ابقى اتغطى كويس.
ليلى / حاضر.
سليم / اتأكدي إن باب البلكونه مقفول كويس.
ليلى / لا انا قفلته كويس متقلقش.
سليم / البسي هدوم تقيله الجو برد اوي الليلة.
ليلى / لا متقلقش انا دفيانه.
سليم / نفسي اقولك كلام كتير اوي بس مش هينفع يتقال دلوقت.
ليلى بخجل / سلام بقى.
سليم / هتوحشيني سلام.
تقفل ليلى وهي بتفكر في كلام سليم / انت ايه يااخي جننتي بكلامك ده
هههههههههههههههههه ايه ياليلي مالك للدرجادي كلامه أثر فيكي.
خيري / ليلى انتي لسه صاحيه يابنتي؟
ليلى / لا يابابا هنام اهوه.
خيري / اومال نور الاوضه دا شغال ليه؟
ليلى / حاضر هقوم اقفله.
خيري / لا خليكي نايمه انا هقفله.
وفتح خيري الباب/ تصبحي على خير يابنتي
ليلى / وحضرتك من اهل الخير يا بابا
وقفل النور وخرج
اتنهدت ليلى وغطت نفسها ونامت.
________________