الحلقة ٤٦
#ليلى
#بوسى_مصطفى
_____________
عند محطة القطار
واقفه ليلى منتظره دعاء اللي تخرج وهي عماله تتلفت حواليها
ليلى لمحت دعاء شاورت ليها قربت منها دعاء وأخذتها ليلى في حضنها
ليلى / تعالى اركبي
ركبوا التاكس
ليلى / قلقتيني عليكي يا دعاء
الحمد لله... انك بخير
دعاء / الحمد لله
انتي عامله ايه يااستاذة
ليلى / انا كويسه... الحمد لله
طمنيني عليكي
دعاء / هقولك كل حاجه
بس انا محتاجه اوضة بس انام فيها
ليلى / دي محلوله بس نوصل البيت الأول
دعاء / بيت!
بيت مين يااستاذة؟
انا مش عايزة ارجع عند عبودة تاني
ليلى / لا مش هترجعي لعبودة اطمني
_________
في الجامعه
رهف واقفه مع عدي
رهف / هتروح
عدي / انتي عايزة ايه
رهف / خليك شويه
هتروح تعمل ايه دلوقت
عدي / هروح انام هههههههه
رهف / معقوله تنام من دلوقت
نادر جاي ناحيتهم
نادر / ازيك يارهف
رهف من غير نفس / اهلا
نادر / مين الأخ
رهف / ملكش فيه
عدي بيمد ايده عشان يسلم ع نادر
عدي / انا عدي زميلكم هنا هندسه
نادر / طب ولما انت في هندسه جاي عند تجاره ليه
عدي / نعم!
انا هنا في الجامعه يعني اروح اي مكان عادي جداً
رهف / نادر روح شوف صحابك بينادوا عليك
نادر / في ايه يابشمهندس انت زعلت ولا ايه
دا انا بس كنت بناغشك ياهندسه
قولي اخبار الدراسه ايه معاك
عدي / كويس... الحمد لله
نادر يمد ايده ويسلم ع عدي
نادر / متزعلش بقى اصل رهف اخت عزيزة علينا وكنت بطمن بس
رهف / فيك الخير اوي
نادر / طيب... سلام انا ياهندسه
عدي / مع السلامة
رهف / عدي بقولك ايه م تيجي نشرب حاجه انا ريقي نشف
عدي / هو انا ممكن أسألك سؤال
رهف / لا م تسألش
عدي / ايه ده
رهف / هههههههههه عشان عارفه انت عايز تسألني عن ايه
اطمن مش في دماغي اصلا
عدي بمكر / هو مين
رهف / اللي بالي بالك
عدي يبتسم وميردش
رهف / هتيجي معايا ولا هتفضل واقف كده
عدي / يلا بينا
________________
في اليونان
رانيا / قول بقى إنك جاي هنا تعمل بيزنس
مش زي م قولتلي إنك جاي تخرجني وتخليني افوك عن نفسي شويه
عشان كده السفريه اتأجلت اكتر من مرة
ناصر / وفيها ايه ياحبيبتي لما نسافر نغير جو وفي نفس الوقت اعمل شغل
دا يزعلك في ايه مش فاهم
رانيا / انا طول الوقت لوحدي وانت ولا انت هنا خالص
ناصر / م انا معاكي اهوه يا رانيا وحتى لو بره
انتي معاكي العربيه والسواق موجود ياحبيبتي تقدري تروحي اي مكان يعجبك
رانيا / اي مكان ايه
هو احنا في مصر يا ناصر
ناصر / خلاص يارانيا هخرجك حاضر البسي ويلا بينا
رانيا / متزعلش مني انا اعصابي تعبانه
ودا غصب عني انت عارف
ناصر وهو بيقربها ليه وبيحضنها / عارف ياحبيبتي وحاسس بيكي
عشان اللي وجعك وتاعبك هو كمان واجعني وتاعبني برضو
رانيا وهي بتبكي/ ابني ياناصر
ناصر / هرجعهولك يارانيا
رانيا / امتى بقى... انا تعبت
ناصر مردش كل اللي عمله إنه حضنها جامد اوي وهو بيطبطب عليها
____-__
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
