🥀 ليلى ❤️🥀

الحلقة ١٩

الحلقة ١٩
#ليلى
#بوسى_مصطفى
_______________

رانيا بتتكلم مع حنان في التليفون
حنان / ههههههههههههههه
رانيا / معرفش انا عملت كده ازاي
حنان / انتي اه منك انتي ههههههههههه دا كله يطلع منك
رانيا / صدقيني انا لا ترتبت ولا نيلت حاجه هي جات معايا كده لوحدها
قولت لو شديت معاهم هينفذوا اللي في دماغهم ويحبسوني هنا لحد م اولد وياخدوا اللي في بطني والوليه دي زي م يكون قلبها حس اخدتني من ايدي ع الدكتوره واول م عرفت منها اني حامل راحت اتصلت بيه وجه من السفر مش مصدق نفسه
حنان / لا طلعتي ناصحه يابت
هههههههههههههههههه تربيتي
رانيا / ادعيلي بقى تكمل على خير والوليه دي تبعد عني
حنان / جننيه يابت متعرفيش تجننيه تخليه ميقدرش يبعد عنك لحظه يمكن تغور وتبعد عنك
رانيا / خايفه ب اللي بعمله دا تحطني في دماغها اكتر وتعمل فيه حاجه
حنان / لا متخافيش زودي انتي بس الحب والحنيه جننيه
الرجاله دي عامله زي العيال الصغيرة تاكلي عقله بكلمة ويعملك كل اللي انتي عايزاه
بس لازم تأمني نفسك كويس
انتي معاكي ضره ياحبيبتي
رانيا / م دا اللي ناويه اعمله
حنان / خدي بالك من نفسك
رانيا / طيب سلام اصل ناصر جه
حنان / مع السلامة
ناصر بيقعد بعد م حدف المفاتيح ع الطربيزة اللي قدامه
رانيا خرجت من البلكونه
رانيا ببتسامة / انت جيت ياحبيبي
ناصر / كنتي بتكلمي مين
رانيا / دي واحده صاحبتي كانت بتطمن عليه
ايه مالك
ناصر / مفيش
رانيا / لا شكلك تعبان هروح اعملك حاجه تشربها
ودخلت رانيا المطبخ....اخد ناصر التليفون بتاعها اللي كان ع الطربيزة قدامه
قلب  فيه وفتح السجل واخد اخر رقم اتصلت بيه رانيا وهو رقم حنان وسيفه عنده
رانيا اخدت بالها من دا وكانت متعمده انها تسيب التليفون عشان يديها الأمان ويثق فيها عشان تكمل باقي الخطه اللي في دماغها
ناصر / انا هدخل اريح جوه شويه ابقى هاتي كوبايتين عصير  وتعالي جوه ندردش شويه
رانيا ببتسامة / حاضر
____________

في المركب
سليم  وبيعدل  السلسة في رقبة ليلى / لا السلسه بتاعتي هي اللي تبقى فوق
ليلى / هههه بطل شغل العيال دا
سليم / طب مش بتاعتي احلى
ليلى / الاتنين احلى من بعض
عشان واحده بتاعت اخويه حبيبي
والتانيه بتاعت سليم
سليم يغمزلما / سليم حاف كده
ليلى / سليم حبيبي وروحي وحياتي
سليم / آآآآآه ياقلبي
ليلى / بس وطي صوتك
سليم / هههههههههههههههه
خلاص قربت اتجننت عايز اتجوز ياناس
ليلى / بطل بقى
سليم / مش نفسك يتقفل علينا باب واحد واخدك في حضني كده من غير م اخاف إن حد يشوفنا
ليلى بخجل / كل شيء باوانه
سليم / طب م تيجي ننزل المياة تاني
ليلى / انا مصدقت هدومي نشفت شويه تقوم عايز تنزلي المياة تاني
سليم / متقلقيش انا عامل حسابي.
ليلى / ازاي اقنعت عدي بالفكرة المجنونه دي
سليم / طول الليل وانا بحاول اقنعه لحد م أخيراً واقف بس بشروط طبعاً
ليلى / هههههههههههههه شروط ايه دي
سليم / قالي هي دقيقه واحده تقدملها الهدية وتطلع ع طول
ليلى / ههههههههه اخويا حبيبي
سليم / يا سلام!
وانا ايه بقى
ليلى / هههههههههههههه م انت عارف ياسليم
جه عدي وقعد وسطهم
سليم / ايه ياابني الغلاسه دي طب استني حتى اشيل ايدي
مش تقعد كده
عدي بقلق وخوف / ليلى النتيجه ظهرت
سليم / هههههههههههههه متخافش ياوحش مش هتمتحن دور تاني
ليلى / يااخي اسكت بقى مش كفايه اللي هو فيه
متخافش ياحبيبي هتجيب المجموع اللي نفسك فيه
سليم / هي بالنفس
ليلى / لا... بتوفيق ربنا
هو ذاكر كويس وتعب اوي السنه دي
وربنا مبيضيعش تعب حد ابدا
عدي / بصي هاتي ايدك
سليم / اوعي ياابني سيب ايدها
ياخد عدي ايد ليلى ويحطها ناحية القلب عنده
ليلى / ياحبيبي متخافش ياعدي
قلبه بيدق اوي ياسليم
سليم / هات ياابني رقم الجلوس واجيبهالك
عدي / لأ بلاش
سليم / ياابني متخافش
اخدت ليلى عدي في حضنها وبكيت
سليم / ايه اللي انتو عاملينه في نفسكو دا
متخافش هات رقم الجلوس بس وانا هجيبهالك يلا
عدي / لا مش عايز
صافي / تعالوا بقى السمك حلو اوي
ليلى / انت شويت السمك اللي اصطادته
سليم / هههههههههههههه
اخوكي مصطادش ولا سمكه ياحبيبتي السمك دا انا اللي جايبه بينا يلا عشان ناكل
عدي / روحوا كلوا انتو انا مليش نفس
اخد سليم ليلى من ايدها وقعدوا
سليم بيفصص السمك ل ليلى
سليم / ليلى كلي السمك اللي قدامك
ليلى عينها ناحية عدي اللي كان قاعد قلقان بسبب النتيجه
ليلى قامت
سليم / رايحه فين
ليلى / مش قادرة اكل ياسليم
وراحت قعدت جنب عدي
صافي بتفصص السمك وبتقدمه ل سليم
سليم / متشكر
صافي / هتكسف ايدي
سليم / بجد متشكر السمك قدامي كتير
صافي / خلاص على راحتك
سليم واخد السمك من قدامها عشان متزعلش
ابتسمت صافي ليه
تليفون ليلى بيرن
عدي / مين يا ليلى
ليلى / دا شريف
عدي / لو سأل عليه قوليله مش موجود
ليلى / تعالى ياابني هنا رايح فين
عدي / رايح اكل
ليلى / وعليكم السلام
ازيك ياشريف
شريف / الحمد لله... ازيكو انتو عاملين ايه
ليلى / الحمد لله... كويسين
شريف / امال فين عدي
ليلى / عدي بياكل في حاجه ياشريف
شريف / انتي متعرفيش إن نتيجة الثانوية العامة ظهرت
ليلى / اه عرفت
شريف / فين عدي بقى عشان اباركله الواد قافل تليفونه ومش عارف اكلمه
ليلى / طمني الأول عمل ايه
شريف / هباركله ليه يعني
اكيد نجح
ليلى / المهم مجموعه كام
شريف / م تجبيه اكلمه واقوله
ليلى / شريف بلاش تعب الأعصاب دا قول بقى اخوك اصلا مش قادر يتكلم من وقت م عرف
شريف / هههههههههه جاب تمانيه وتسعين ونص
ليلى بتعيط / بتتكلم بجد ياشريف
شريف وهو بيعيط كمان / انا مكونتش مصدق نفسي
ليلى / الحمد لله
سليم قام وقرب من ليلى
سليم / في ايه يا ليلى مالك
عدي واقف بعيد وقلقان
ليلى بصوت بيرتعش من الفرحه / عدي نجح وجاب تمانيه وتسعين ونص