الحلقة ٦١
#ليلى
#بوسى_مصطفى
_______________
شريف قفل التليفون مع غادة وبيكمل طريقه عربيه جايه تقطع عليه الطريق
بيحاول يتجنبها وبياخد طريق تاني
لاقي العربية بتطارده
شريف / لا انت شكلك شارب حاجه بقى
بس انت اللي جيبته لنفسك
وبدل م العربية كانت بتطارد شريف
بقى شريف هو اللي بيطاردها وبسرعه اخد رقم العربية
وبيحاول يلحقها
لكن للأسف العربية التانية دخلت وسط الزحمه
وبعدها اخدت طريق تاني خالص
ملحقش يوصلها لكن معاه ارقامها
ركن في جنب ونزل يطمن على العربية
وبعدها ساق بسرعه ووصل للقسم قدم بلاغ برقم العربية
اللي كشفوا عنها لاقوها مسروقه
في الوقت دا كانت غادة بتتصل ب شريف اللي كان بيكنسل لانه في مكتب الضابط
بعدها خرج اتصل بيها وطمنها
ركب عربيته ورجع البيت وهو بيفكر
مين اللي كان عايز يأذيه ياترى صدفه
ولا حد قاصد يعمل كده
بس هيكون مين؟؟
معقوله يكون حد من العصابه اللي ليلى كانت بتحاول تكشفهم
هي كمان حصلت لكده
دخل الشقة اطمن على غادة وبعدها دخل ينام في الاوضه التانيه وهو لسه بيفكر في اللي حصل الليلة النوم غلبه
________
في شقة ريان
لين قاعدة منتظره ريان اللي اتأخر الساعة بقيت اتنين صباحا ولسه مرجعش
فجأة الباب يتفتح
لين قاعده ومستعده تتخانق
ريان بعد وضع المفاتيح والموبايل ع السفره نظر ل لين اللي فوجيء إنها لسه صاحيه
ريان / سلام عليكم
لين / وعليكم السلام... ايه مالك افتكرتني نمت
ريان / لا ياحبيبتي براحتك
بس انا متصلتش عشان اقولك اني هتاخر افتكرتك نايمه
لين / وهفضل نايمه كده ع طول يادكتور
ريان / مش فاهم تقصدي ايه يالين
لين / ريان هو انت عايش معايا في قلب الشقة دي ولا انا عايشه لوحدي والوضع دا هيفضل لحد امتى
ريان / انتي عارفه ظروفي كويس والكلام دا قولتهولك واحنا لسه ع البر
عشان كده قولتلك تسلي وقتك وتعملي مشروع مناسب ليكي
انا معنديش مانع خالص إنك تشتغلي
لين / المشكلة مش في الشغل وانت عارف كده كويس
ريان / امال ايه المشكلة
لين / المشكلة فيك انت
كلامك القليل معايا.. تفاصيل كتير في حياتك رافض تكلمني فيها
ريان / تفاصيل ايه دي
لين / اخوك اتجوز الليلة مش كدة
ريان / عرفتي منين
لين / اهو سؤالك دا يوجع اكتر من الصدمه اللي اخدتها لما عرفت إن اخوك خطب واتجوز
من غير حتى م تقولي
ايه مفكرني زعلانه عشان متعزمتش مثلاً؟؟؟
ريان / معرفش إن الموضوع مهم بالنسبالك
لين / لا بجد
يعني هو الموضوع ميخصنيش
يعني انا اخويه يروح يخطب ويتجوز من غير م اقولك
انت عايز تجنني
ريان / مبحبش الصوت العالي
لين / انت اللي اضطرتني لكده
وطالما بقى شايف اني مليش لازمه في حياتك ولا انا واحده منكو عشان تقولي حاجه زي دي
يبقى خلاص ياابن الناس انت حر
وانا كمان حره
مسك ريان ايدها وهي قايمه داخله جوه
ريان / يعني ايه انتي حره دي
لين / يعني كل واحد يعمل اللي يريحه
لما مبقاش ليه تلاتين لازمه في حياتك يا ريان يبقى ملهاش لازمه الحياة اللي بالشكل ده
ريان / خايف افهمك صح
لين / تصبح على خير
وتركته ودخلت تنام
______________
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
