الحلقة ٢٤
#ليلى
#بوسى_مصطفى
_____________
ليلى / انت بتقول ايه ياعاطف
عاطف / انا قولتلك عشان خايف عليه لو عندك حل ولا طريقه تبعديه عن السكه دي عشان خاطري يااستاذة الوله عبودة دا غلبان اوي هو مفكرش في الحكاية دي غير بس عشان خايف ع اخته وعايز يرجع ل امه ويعيشوا م بعض
ليلى / وهما كده هيعيشوا مع بعض ياعاطف
عاطف / م انا قولته بس مسمعش الكلام
ليلى / خلاص ياعاطف روح انت دلوقت.
عاطف / عندك شغل
ليلى / ايوه
شعر عاطف إن ليلى بتكلمه بلهجه فيها حده شويه
عاطف / ماشي سلام
طلعت ليلى فوق
ليلى / بتعمل ايه يااستاذ مصطفى
مصطفى / بخلص شغل الأستاذة صافي
_____________
في الكافيه
صافي / شربت قهوة كتير مش عايزة
صلاح / خلاص اطلبك كابتشينو
صافي / صلاح قولي انت طلبتني ليه
طب تعالي نتكلم في العربية
صلاح / صافي انا بحبك اوي
صافي / اه وبعدين
صلاح / احنا لازم نتجوز
صافي وبتحاول تداري الفرحه اللي ترسمت على وجهها / هتقول لباباك
صلاح / لأ
صافي / امال
صلاح / هنتجوز في السر
صافي / يبقى بتحلم
صلاح / مفيش حل قدامي غير دا
صافي / يبقى خلاص شوف طريقك بقى
وفتحت صافي باب العربية عشان تنزل يقفل صلاح الباب
صافي وهي متنرفزه / بتقفل الباب ليه
صلاح / عشان لسه مخلصتش كلامي
صافي / مبقاش في كلام عشان يتقال
صلاح / لا فيه
صافي / اسمع يا صلاح انا مش هتجوز غير انسان يكون بيحبني وبيخاف عليه
صلاح / طب م انا بحبك وبخاف عليكي
صافي / بأمارة ايه
لو بتحبني صحيح مكونتش قولتلي الكلام ده
صلاح / بحبك ياصافي بس الظروف دلوقت متسمحش إني اكلم بابي
صافي / لما تسمح بقى ابقى كلمه
صلاح / طب اتفضلي الهدية المتواضعه دي متى
((كان خاتم سوليتير))
صافي واتصنعت عدم الانبهار والاهتمام بالهدية / حلوه بس مش هقدر اقبلها
صلاح / ليه بس
صافي / انا مبقبلش هدايا من حد وانت عارف
صلاح / خلاص اعتبريه حاتم خطوبتنا
صافي / ههههههههه حلوه خاتم خطوبتنا دي
بقولك ايه ياصلاح م تفوكك مني خالص ايه رأيك
صلاح / مقدرش عشان بحبك
صافي / ييييييه انت هتعيده تاني سلام ياصلاح
صلاح / استنى بس ياصافي رايحه فين انا لسه مخلصتش كلامي
صافي / وانا كلامي معاك انتهى ولما تكلم باباك ويوافق ابقى قولي غير كده متحاولش تكلمني خالص... سلام
ونزلت صافي من العربيه
__________
في شقة مروان
سليم / وروحت هناك ليه
ريان / جه ع بالي وانا في العيادة وافتكرت اليوم اللي جاني فيه عشان كان تعبان افتكرت كل حاجه في اليوم دا ولاقتني رجلي وخداني ع هناك عشان اطمن ع الراجل الطيب دا
اتفاجأت ب إنه توفي
سليم / ربنا يرحمه
بس قولي وبصراحه انت مروحتش هناك عشان بنته
ريان / رانيا
سليم / اوبااا م انت لسه فاكرها اهوه
ريان / ملقتهاش هناك او مخرجتش معرفش ان كانت عايشه مع اخوها دا ولا لأ
سليم / مش بتقول عندها اخ تاني متجوز
ريان / ايوه بس مقدرش اروح هناك انا خلاص عزيت ابنه الكبير
اروح للتاني بقى ليه
سليم / انت مش بتقول كانت شغاله في مصنع ملابس وعارف العنوان
ريان / تقصد اروحلها على هناك
سليم / ليه لأ
ريان / معرفش بس
يقاطعه سليم / ع فكرة لو بتحبها هتلف الكرة الارضيه كلها عشان توصلها
ريان / قلقان من رد فعلها خصوصاً اني كنت دبش اوي معاها في المرة اللي قابلتها فيها
عند المصنع حتى لما قابلتها صدفه بعد كده لاقيتها اتضايقت لما شافتني
سليم / هههههههههههههه طب م انا زمان كنت بخرم كتير ع ليلى وكانت بتشتكيني لماما وفي الاخر حبيتني وادينا متجوزين دلوقت اهوه
ريان / هههههههههه صحيح نسيت اباركلك
الف مبروك ياسليم
سليم / هههههههههههههه انت عرفت دي ماما نشرت الخبر بقى
فريال / خبر ايه اللي نشرته
ريان / تعالى ياماما شوفي الأستاذ مضايق اني عرفت
سليم / هههههههههههههه ياابني هضايق من ايه خلاص بقى اللى حصل حصل وهبقي اب بعد تمن شهور
فريال / بإذن ﷲ
ياحبيبي... ليلى عامله ايه
سليم / الحمد لله.. ياماما
فريال / طب يلا عشان نتعشا مع بعض
سليم / لا عشا ايه انا لازم انزل حالا عشان ليلى قدامها نص ساعه وتخلص شغل
فريال / طب استني خد اكل معاك هترجع تعبانه ياحبيبي ومش هتقدر توقف في المطبخ
سليم / لا مطبخ ايه
انا هشتري اكل واحنا مروحين سلام
ريان / مع السلامة
__________
أنت تقرأ
🥀 ليلى ❤️🥀
Genç Kız Edebiyatıليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
