🥀 ليلى ❤️🥀

الحلقة ٢٣

الحلقة ٢٣
#ليلى
#بوسى_مصطفى
_________

في شقة رانيا
ناصر / انا آسف يارانيا ع اي وجع سببته ليكي
رانيا / ليه بتقول كده ياناصر
ناصر / انا عارف إن ضحكت عليكي وخدعتك وانتي عشان طيبه وغلبانه سكتي ومفكرتيش تاخدي حقك مني
رانيا / لأ خلاص انا نسيت كل حاجه
مش انت بتحبني برضو
ناصر / عارفه
رانيا / عارفه ايه
ناصر / قربي بس
رانيا / اهوه قربت
ناصر / انا بحبك اوي يارانيا وببقي عايز اكون جنبك ع طول بس انتي عارفه رجاء بقى
انا بس مستحملها عشان هي بنت عمي وكمان ساعدتني كتير مش يبقى جزاءها في الاخر اني ابعد عنها
رانيا / انا مش عايزة حاجه غير انها تبعد عني عشان خاطري ياناصر ابوس ايدك متخلهاش تاخد ابني مني
ناصر / مين قالك كده
رانيا / كلامها وتصرفاتها معايا بتقول كده
انا هعيش خدامه ليكم بس سيبوا ابني يتربى في حضني
ناصر / ياحبيبتي محدش يقدر يبعدك عني انتي هتفضلي هنا معايا وفي حضني متخافيش من اي حاجه ابدا
رانيا / بجد الكلام ده
ناصر / بجد ياحبيبتي متقلقيش
رانيا / انت حنين اوي ياناصر
ناصر / انتي اللي طيبه يارانيا
اقفلي النور اللي جنبك دا بقى عشان ننام
رانيا / حاضر
_____________

في شقة كريمة
تخبط ع باب غرفة أروى
أروى ببتسامة / في حاجه ياماما
كريمة / افتكرتك نمتي
أروى / لا انا صاحيه شويه
كريمة / طيب حيث كده بقى افاتحك في موضوع كده
أروى / موضوع ايه
كريمه / الدكتور محمد ابن خالك كان هنا النهاردة ومعاه خالك
أروى / هو محمد رجع من امريكا؟
كريمه / يووووه من زمان م انتي فعلاً لو بتسألي زي م خالك قالي كنتي عرفتي
أروى / ههههههههه هو خالي قال لحضرتك كده
كريمه / بصراحه معاه حق يزعل
أروى / هروحله اصالحه مقدرش ع زعل خالو ابدا
موضوع ايه بقى
كريمة / ههههههههه م انتي فاكره اهوه
هقولك ابن خالك طلب ايدك مني النهارده
أروى / ههههههههه محمد ابن خالي طلب ايدي انا
كريمه / ايه اللي فيها مش فاهمه
أروى / ماما محمد اكبر مني بعشر سنين.
كريمه / طب وفيها ايه فرق السن مش كبير يعني
أروى / بجد ياماما فرق السن مش كبير؟!
لا انا فعلا مندهشه اوي من كلام حضرتك
دا انا كنت بقوله ياابي وانا صغيرة فجأة كده ابقى متجوزاه يانهار
كريمه / وفيها ايه يابنتي
ولا انتي فاكرة نفسك لسه صغيرة
أروى / عارفه اني كبرت بس مش للدرجه دي ياماما.
كريمه / يابنتي أبن خالك بيحبك وهو اللي هيحافظ عليكي يااروي
أروى / لا ياماما مش عايزاه
كريمة / لسه بتفكري في ريان
سكتت أروى وملقتش إجابة
كريمة / اسمعي ياحبيبتي ريان تعبان ومشتت متفتكريش إنك هتقدري تنسيه رغدة
ريان لو محبش حقيقي استحاله ينسى اختك
ودي مهمه صعبه اوي بالنسبالك متتعبيش نفسك وتهنيها وسبيه هو يحب ويختار اللي تدخل قلبه قبل عقله
نظرت أروى لمامتها وعينها مدمعه ومقدرتش تتكلم
___________

يوم الجمعه... في شقة سليم
في المطبخ
سامية / ليلى انا قورت المحشي يابنتي اغسلي بس الرز لما اظبط ملح الصلصه واحط البهارات
ليلى / ماما هو لازم محشي يعني
مااحنا عاملين اكل كتير غيره
سامية / ياحبيبتي المحشي دا زينة السفرة هي في عزومه تنفع من غير محشي دا الوحش اللي بيدي السفره هيبتها كده وبيين إن ست البيت أستاذة في الطبخ وحماتك هتفرح بيكي اوي
ليلى / بس انا خلاص تعبت اتهد حيلي في ترويق الشقة وكمان في المطبخ
سامية / م انا معاكي اهوه ياحبيبتي وبساعدك وكمان هروق معاكي الشقة قبل م انزل
ليلى تقعد على الكرسي
سامية / معلش يابنتي ايد ع ايد بتساعد
ليلى / حاضر ياماما بستريح شويه
سامية / مالك يا ليلى
ليلى / حاسه بخمول ونفسي انام اوي
سامية / هههههههههه انتي معندكيش مجهود خالص لشغل البيت
ليلى / ماهو انا بعمل الحاجه بمزاجي ياماما بس عزومات بقى وطبيخ وجرى هنا وهنا مبقدرش
سامية / خلاص استريحي شويه عقبال م اخلص بس تيجي تلفي معايا الكرنب دا
ليلى / بحبه أبن الايه بس متعب اوي في عمايله
سامية / دا سهل خالص بس انتي اللي مجربتيش تعمليه لوحدك
وبعدين يوم م تيجي تعملي هاتي كرنبه صغيرة كده ع قدكم مش هتاخد معاكي وقت اعملي لجوزك ياحبيبتي كل اللي نفسه فيه بدل م يروح ياكل عند مامته
ليلى / يبقى ريحني
سامية / ههههههههه من دلوقت
خلي نفسك طويل يالولا الجواز محتاج طولة بال ياحبيبتي
ليلى / ماما هدخل اصحى سليم عشان يلحق... صلاة الجمعه
سامية / طيب يابنتي روحي
ليلى تخبط على باب غرفة سليم وتدخل
سليم بيتقلب على السرير قربت ليلى تصحيه
ليلى / سليم... سليم قوم بقى الساعة حداشر
سليم بتنهيده / سبيني شويه يا ليلى
ليلى /حبيبي هتتاخر  قوم بقى انا جهزتلك الحمام وكويت الهدوم اللي هتنزل بيها.. للمسجد
سليم / حاضر
ليلى قربت من سليم وهي بتمرر ايدها ع خصلات شعره
سليم / وبعدين بقى
ليلى / انت دمك تقيل اوي النهاردة
سليم يفتح عينه وينظر ليها ببتسامة / صباح الورد
ليلى / صباح الفل قوم بقى
ليلى لسه هتقوم مسك سليم ايدها
ليلى / ايه في ايه سيب ايدي
سليم وهو عينه ناحية الباب
مامتك فين؟؟
ليلي / في المطبخ
سليم / قافله الباب كويسه
ليلى / هههههههههههههه مش فاهمه
يشدها ويقربها ليه و يبوسها
ليلى / هههههههههههههه ماما زمانها لايصه في المحشي سيبني اخرج اساعدها
سليم / انا اللي جيبته لنفسي كنت انسحب من لساني ليه واقول لماما يعني حبكت يوم الجمعه
ليلى / هههههههههههههه انا عارفه بقى
سليم / بقولك ايه
ليلى / متقولش حاجه وسيبني بقى ماما لوحدها في المطبخ
يحتضتنها سليم بكل قوته
ليلى / سليم كده مينفعش بجد
سليم / وحشتيني
ليلى / انت بتستهبل وحشتك ايه ليه كنت مسافر؟؟؟
سليم / بتوحشيني وانتي جنبي حتى وانتي في حضني بتوحشيني برضو
ليلى / نفس احساسى بالظبط
سليم / بحبك يا لولا
ليلى / وانا كمان ياسمسم
سليم وهو بيرفع شعرها ويبعد عن وجهها / عيونك بحر غرقتيني فيه
ليلى / هههههههههههههه انا
سليم / رموشك
ليلى / هههههههههههههه مالها
سليم / جميلة اوي دي مسكره صح
ليلى / هههههههههههههه ايه اللي بتقوله ده
سليم / شفا... ك
ليلى / عندك... لحد هنا واستوب خالص ومتنطقش انا قايمه اشوف ماما
يوقعها سليم ولسه ها👄
ليلى وايدها ع بؤه
ليلى / سليم ماما لوحدها في المطبخ ومصيحش كده احنا مش لوحدنا ياحبيبي
سليم / اووووف فصلتيني يا ليلى
ليلى / هههههههههههههه لا فوقتك وقوم بقى عشان ارتب السرير ده
سليم / ليه هو في حد هيدخل هنا كمان
ليلى / نضافه ونظام ياحبيبي عاجبك الاوضه كده مكركبه وايه دا
مش قولتلك مية مرة الهدوم تتعلق في الشماعه ياحبيبي
سليم / حاضر ياحياتي
ليلى / فين فردة الشراب دي
سليم / دوري عليها ممكن تكون تحت السرير
ليلى / لا ياشيخ وايه اللي هيحطها تحت السرير
سليم بياخد فوطه وداخل الحمام
ليلى / كل حاجه عندك جوه هات دي انا تعبت الغسالة مبتفصلش وكلها هدومك انت
سليم / هههههههههههههه معلش بقى ياحبيبتي استحمليني
ليلى / حاضر ياماما جايه
سامية / شغلي الفرن ده معرفش بيشتغل منين
ليلى / من هنا ياماما اهوه
سامية / انا ياحبيبتي متعوده على حاجتي وعارفه نظامها اما حاجتك دي معرفش فيها حاجه
ليلى / هههههههههههههه بكره تتعودي
سامية / لا دي اخر مرة أقف في مطبخك دا
انا خلاص مبقتش قادرة حر اوي انتي بتوقفي فيه ازاي انا مش فاهمه
ليلى / قولي ل سليم بقى عشان يركبلي تكييف هنا
سليم ببتسامة / صباح الخير ياطنط
سامية / صباح النور ياابني
سليم / من عنيه ياحبيبتي هركبلك تكييف هنا حاضر
ليلى / تسلملي عيونك ياحبيبي
نظرت سامية ليهم ببتسامة
ليلى اخدت بالها وافتكرت إن مامتها موجوده
ليلى / يلا بقى عشان تلحق الصلاة
سليم / ها.. طيب حاضر
سامية / هههههههههه اقعدي بقى يا ليلى خلصيني من الحر دا
ليلى / هنطلع بره ياماما َهاخد الحاجه ع السفرة مش هنقدر نقعد هنا
سامية / احسن برضو هاتي الحله دي وتعالى ورايا
____________