الحلقة ٣٠
#ليلى
#بوسى_مصطفى
______________
زياد / هههههههههه امسح دموعك ياحبيبي
سليم / اقوم امشي انا بقى
فادي / ليه يا عم م انت قاعد
هيثم / بات معانا ياسليم
زياد / معانا يعني ايه هو انتو ناويين تباتوا هنا ولا ايه
فادي / هههههههههه ايه ياعم البخل بتاعك ده دا بدل م تقولنا تنوروا
زياد / اللي هيقعد هنا هيتقاسم الإيجار معايا
هيثم / لا ياعم وعلى ايه انا مروح هات ايدك يافادي
سليم / خدوا ايدي معاكو ياشباب... سلام يا زيزو
زياد / سلام متقطعوش الجوابات
بقى
فادي / ماشي ياندل سلام
زياد / اه ماهي دي اخرتها اخدتوا مصلحتكوا وسايبنلي الشقة تضرب تقلب
______________
في شقة سليم
ليلى كانت سهرانه منتظره سليم لما اتأخر راحت في النوم وهي قاعده على الكرسي فجأة سمعت صوت الباب
فتحت عينها لاقيت سليم داخل من بابا الشقة
دخل ومتكلمش قامت ليلى
ليلى / حمدا لله... على سلامتك ياحبيبي
حدف سليم المفاتيح على الطربيزة اللي قصادة وقعد من غير ماينطق بلا ولا كلمة
ليلى قعدت جنبه
ليلى / عارف انا صاحيه من وقت م خرجت وقاعده قلقانه انت اتأخرت ليه
سليم / ينفع مجاوبش
ليلى / براحتك
وقام سليم
ليلى / رايح فين
سليم / داخل اخد شاور واغير هدومي
ليلى / طيب متتأخرش بقى عشان نحتفل
وبتولع ليلى الشموع
سليم / لا متتعبيش نفسك انا طفيت الشمع خلاص
ليلى ببتسامة / مع غيري ياسليم
سليم / عشان تنامي وتستريحي
ليلى / كنت تعبانه ياحبيبي.. خلاص بقى حقك عليه متزعلش
وقربت باسته من خده
سليم / دا لو واحد صاحبي بيصالحني مش هيبقى بالبرود ده
ليلى / كده طيب براحتك
سليم / ليلى انتي بتحبيني بجد ولا عايشه معايا ليه
ليلى / سؤال ميتردش عليه
سليم / لا انا عايز إجابة واضحه ومحدده عايشه معايا ليه
ليلى / عشان بحبك ياسليم
سليم / مش باين
ليلى / كل دا عشان تعبانه الليلة
سليم / ليلى انتي تعبانه من اول م اتجوزنا
ليلى / طب وانا ذنبي ايه مش تعبانه بسبب الحمل
سليم / لا يا ليلى مش بسبب الحمل انتي بتصحي من النوم كويسه وبتنزلي الشغل بتبقى تمام اوي ارجع بقى انا اخر الليل الاقيكي بالشكل دا اكدبي بقى وقولي بسبب الحمل
ليلى / مش عايزني اروح الشغل ياسليم
سليم / الشغل اللي يجي على حساب راحتي وحقوقي مش عايزة يا ليلى انا مقصرتش معاكي ولا قولتلك انزلي اشتغلي عشان تساعديني انا مكفي بيتي... الحمد لله
وقولتلك قبل كده نجيب شغاله وانتي اللي مش عايزة
ليلى / خلاص هاخد اجازة من الشغل بكرة
سليم / ياااه وجايه ع نفسك اوي كده ليه
ليلى / سليم بقى ميبقاش دمك تقيل وبعدين فين الهدية بتاعتي
سليم / هدية ايه
ليلى / مش قولتلي انك جايبلي هدية
سليم / ومين اللي مفروض يتهدا الليلة
ليلى وهي مقربه وحضنته / انت ياحبيبي
سليم / اااه لما بتبقى رايقه
ليلى / بحبك يله
سليم / هههههههههههههه موافق
ليلى / خلاص سامحتني
سليم / عشان خاطر النونو سامحتك
ليلى / طب غير هدومك وتعالى بقى
سليم / بس ايه الطقم الحلو ده اشترتيه امتى دا
جديد صح
ليلى / جايباه النهاردة
سليم يغمزلها / بس حلو عليكي
ليلى تنظر للمرايا / بجد
سليم يحضنها / اي حاجه بتلبسيها بتبقي تجنن عليكي
ليلى / طب مش هنطفي الشمع بقى
سليم / هههههههههههههه انتي بتهربي مني ليه
ليلى / م بهربش ياحبيبي بس يعني نطفي الشمع الأول
سليم / هدخل اخد شاور في السريع كده واغير هدومي اوعي تنامي
ليلى / حاضر
________________
أنت تقرأ
🥀 ليلى ❤️🥀
Genç Kız Edebiyatıليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
