الحلقة ٤٧
#ليلى
#بوسى_مصطفى
____________
في شقة مروان
فريال / القهوة ياحبيبي
ريان / تسلم ايدك ياماما
فريال / قولي بقى كنت عايزني في ايه
ريان / هو انا عايز اخد رأي حضرتك في حاجه
مش عارف يعني هتبقى صح ولا غلط
فريال / قول ياحبيبي عايز تاخد رأيي في ايه
ريان / هو انا لو سيبت اوضة النوم زي ماهي
ومغيرتهاش هيبقى فيها حاجه ياماما
فريال / مش فاهمه تقصد يعني
تدخل انت وعروستك في اوضة النوم القديمه ياريان
ريان / محدش نام عليها ياماما
فريال / ايوه ياحبيبي بس مركونه بقالها فترة
ريان / يعني في محلات الموبيليا الخشب مبيتركنش ياماما
فريال / ريان متلفش وتدور ياحبيبي انت فاهم قصدي كويس
انت لما اشتريت الاوضه دي كان ليه
مش عشان تتجوز وحصل اللي حصل ياحبيبي
يبقى انت محتفظ بيها ليه
راعي النقطه دي
ولازم تحترم مشاعر خطيبتك اللي بقت مراتك دلوقت
ريان / حاضر ياماما هغيرها
فريال / عين العقل ياحبيبي
وبعدين فوك التكشيره دي بقي
دا انت عريس وكلها شهر وتتجوز ويبقى ليك بيت وزوجة
وأولاد في المستقبل... بإذن ﷲ
هتروح شغلك وترجع كده تلاقي مراتك مستقبلاك ببتسامة حلوة تقعدوا مع بعض عالسفره هي تأكلك وانت تأكلها
تهزروا مع بعض تناموا وكل واحد مطمن إنه جنب التاني متونسين ببعض ياحبيبي
"كانت فريال بتتكلم مع ريان عشان تخفف من الحزن اللي شايفاه في عيونه وكمان تعطيه جرعة تفاؤل للمستقبل بحيث يقبل على خطوة الزواج وهو فرحان وسعيد إنه هيبقى ليه بيت وأسرة وزوجه بيحبها وهي كمان بتحبه"
ابتسم ريان بعد م سمع كلام مامته عن الزواج والاستقرار والبيت الجميل اللي هيسكنه مع لين
ريان / طب اشرب القهوة والحق بقى اروح شغلي
فريال / بقولك ايه م تبقى تعزم لين بكره على الغدا في اي مكان اهي فرصة تقربوا من بعض وكمان تبقوا تلفوا شوية على محلات الموبيليا يمكن تعجبها اوضة نوم تشتروها
هتفرح اوي ياحبيبي لو عملت كده
ريان / حاضر ياماما هشوف بس بكره وقتي يسمح ولا لأ
فريال / طيب ياابني انا مش عايزة اعطلك عن شغلك
ريان وهو بيضع الفنجان ع الطربيزة / سلام ياماما
فريال / مع السلامة ياابني
____________
في شقة خيري
سامية / كمل طبقك انا مبحبش النظام ده
شريف ببتسامة لمامته / انا قولت لحضرتك شبعان قومتي عملتيلي طبق كبير
اخلصه ازاي ده
سامية / طول عمرك انت واخواتك مغلبني في الاكل
محدش فيكو بيخلص طبقوا ابدا
شريف / ههههههههه فكرتيني ياماما ب ايام م كنا صغيرين
وتخليني انا وليلى نعمل سباق
في الاكل واللي يخلص قبل التاني ياخد شيكولاته
وفي الاخر نشبع ومحدش فينا يقدر ياكل الشيكولاته
سامية / هههههههههه بس بالليل تتسحب انت واختك ع المطبخ وتفتحوا التلاجه وتاكلوها كلها
والاقي الورقة بتاعتها في الباسكت
شريف / ههههههههه كانت ايام
فاكره لما حضرتك كنتي بتعملي قطتين ل ليلى لحد م كبرت وبقيت في ثانوي جات صاحبتها هنا وقالتلها ايه اللي عملاه في نفسك دا يا ليلى
سامية / بس متفكرنيش اصل كل اما افتكر دمى يفور ياشريف
شريف / هههههههههه دخلت اخدت المقص
وصاحبتها اتوصت بيها جامد وراحت هوب أكلت نص شعرها ولسه هتكمل ع الباقي
سامية / دخلت وانقذت الباقي قبل م الهانم صاحبتها م تطيره بالمقص
شريف / يومها ليلى اتعاقبت وقعدت طول النهار في البلكونه في الحر
بس كان عقاب قاسي اوي ياماما
سامية / لا عشان متعملهاش تاني
وفعلاً متكررتش العمله السوده دي تاني
قولي بقى مالك عمال تفكرني بزمان وأيام زمان ياشريف
قول الكلمتين اللي عايز تقولهم ياحبيبي
شريف / مفيش حاجه ياماما
سامية / محتاج فلوس صح
شريف / لا ياماما.. الحمد لله
الحالة الماديه أتحسنت جدا بعد م سددت ديوني وحالياً كده بنستعد للبنوته اللي هتنور حياتنا
سامية / تيجي بالسلامة ياحبيبي
امال حاسه ليه ان في حاجه مضايقاك
شريف / اهرب اروح فين بس
م حضرتك امي واكيد فاهماني وبتقري اللي مستخبي هنا
"وشاور ع قلبه"
سامية / شوفت إن في حاجه اهو
اتكلم بقى قلقتني
شريف / بابا غادة ياماما
سامية / ماله ياابني
شريف / مش سايبني في حالي منكد عليه عيشتي
أوقات بندم اني اتجوزت غادة
وبعدين بفوق لنفسي واقول طب هي ذنبها ايه إن دا ابوها
وهي طيبه اوي ياماما وبتحبني وبتخاف تزعلني
سامية / قولي عمل ايه الراجل ده
شريف / جه عندي الشقة واتخانق مع حماتي قومت اتدخلت بينهم فمد ايده عليه
سامية / وقعته مهببه ازاي يعمل كده
وانت عملت ايه
شريف / خرجته بره الشقة
مقدرتش اعمل اكتر من كده
دموع غادة واحراج مامتها وقفوني عن اللي كنت ناوي اعمله
سامية / مش عارفه اقولك ايه ياابني
بس الراجل دا مش ناوي يجيبها لبر
لازم تاخد بالك من نفسك ياشريف
شريف / ههههههههه هيقتلني يعني ياماما ولا ايه
سامية / لا متوصلش للدرجادي بس الكراهيه اللي جواه ناحيتك دي ممكن توصله إنه يأذيك ب أي شكل
شريف / غادة اللي صعبانه عليه اوي ياماما
غادة / خليك جنبها ياشريف البنت دي بنت حلال اوي
ملهاش ذنب في اللي بيعمله باباها
شريف ببتسامة / هههههههههه بتتصل ياماما معلش ثواني هكلمها
الو... ايوه ياغادة
طب اهدي عشان اسمعك
غادة وهي بتعيط / بابا جه اخد ماما بالعافيه
شريف / نعم!
ازاي ده؟؟؟؟
غادة / جه ومعاه ظابط شرطة
وطالب ماما في بيت الطاعه
شريف / ومامتك راحت معاه
غادة / بقولك اخد ماما بالعافيه
وانا مقدرتش اعمل حاجه
شريف / طب اهدي ياحبيبتي انا جايلك سلام
وقفل شريف
سامية / في ايه ياابني طمني
شريف / الموضوع ميطمنش ياماما
____________
أنت تقرأ
🥀 ليلى ❤️🥀
ChickLitليلى صحفية ... شجاعة... أحبت ابن الجيران وأحبها ثم تزوجها. دفعت ثمن وقوفها في وجه مافيا تجارة الأعضاء البشرية والمخدرات لتنقلب حياتها رأساً على عقب تعالوا نعرف ايه اللي هيحصل مع ليلى وسليم.
