Maraming naglipanang nakapangingilabot na video sa internet, nagpapakita ng mga taong gumagawa ng nakakadiri at nakakasukang mga bagay. Baka nakita niyo na ang ibang paborito niyong youtuber na gumawa ng reaction video sa mga ito. Ang mga halimbawa ng mga ito ay may pamagat na: 3 Guys 1 Crowbar, 2 Girls 1 Poop, at 1 Man 1 Cactus.
Napanood ko na lahat ng mga iyan at ngayon ay may bago na namang video. Mas malala pa sa naunang napanood ko.
May pamagat itong, I Guy 2 Spoon.
Maaring nagtataka kayo kung anong laman ng nasbaing video. Sinasabi ko sa inyo na ito ang pinakamalalang makikita niyo sa tanang buhay. Kapag pinanood mo ito ay makikita mo ang isang lalaki na may hawak na dalawang kutsara. Pilit nitong pinapasok ang kutsara sa loob ng kaniyang mata para makuha ang eyeballs nito.
Tumatagal ng halos labing limang minuto ang nasabing video. Habang ginagawa ito ng lalaki ay masaganang dumadaloy ang dugo mula sa kaniyang mata, pababa sa pisnge. Umaatungal din ang lalaki pero hindi tumitigil sa pagkutkot ng sariling mata.
Habang pinapanood ko ang video ay halos masuka ako. Pero pinilit kong tapusin ang panonood, na sana ay hindi ko ginawa.
Isang paalala lang sa mga kabataang mahilig mag-browse ng mga video sa internet na mag-ingat sa mga pinapanood. Dahil ang nakita niyo ay hindi niyo na makakalimutan.
Nang matapos kong panoorin ang video ay tinawag na ako ni Nanay na bumaba dahil kakain na kami. Ayaw ko pa sanang kumain dahil sa napanood ko pero baka magalit si Nanay kapag hindi ako sumunod.
Umupo na ako sa hapag para kumain. Nakaupo sa harap ko si Tatay na may pinapanood sa telebisyon. Si Nanay naman ay naglalapag ng ulam namin.
"Ano ba namang balita, ere!?" Bulalas ni Tatay. "Umagang-umaga ay ganiyan, tinggnan mo nga Fae. May bago na namang video na kumakalat sa internet. Huwag daw panoorin dahil mababaliw ang manonood at susundin ang ginawa ng lalaki."
"Diyos ko!" Sigaw ni Nanay. " Anong ginawa mo?"
Pero huli na ang lahat. Wala na akong makita.
BINABASA MO ANG
GIMBAL AT SINDAK (Horror Story Collection)
Horror(📌#1 in Horror (COMPLETED) Mga nakakapanindig balahibong mga kwento na sa kadiliman ay nagmula. Sa kailaliman ay sinuyod upang ihatid sa inyo ang Gimbal at Sindak! Halika at ating suungin ang mundo ng kadiliman..... (Read at your own risk) ~Raw and...
