காதல் மன்னவா எனைதேடி வாராயோ (முடிவுற்றது)

தேடல் - 13

சைத்தான்யா தமிழகத்தில் தர்மன் உருவாக்கிய அவரின் சொத்துப்பத்துக்கள் அனைத்திற்கும் ஒரே வாரிசு... தர்மன் பேராசைக்குரியவராய் இருப்பினும் குடும்பத்தின் மீது கொள்ளை பிரியம் கொண்டவர்...

சைத்தான்யா தர்மன் மற்றும் வேதவள்ளி தம்பதியினர் தவமிருந்து பெற்ற பிள்ளை என்பதால் தர்மனுக்கு சைத்தான்யா அவரின் உயிருக்கு சமமானவன்.. அவனை நெஞ்சிலே சுமந்து வளர்த்தவர்...

தந்தை திடீரென காணாமல் போனதும் வெளிநாட்டிற்கு படிப்பிற்காய் அனுப்பப்பட்டிருந்த சைத்தான்யா தமிழகம் திரும்பினான்... வேதவள்ளி தர்மனை எண்ணி மனதுக்குள்ளே குமுறினாலும் அவர் செய்த பாவங்களை அறிந்திருந்த அவருக்கு அவரை எண்ணி கண்ணீர் விட மனமில்லை...

தன் பொருப்பிற்கு வந்த எந்த நிறுவனத்தையும் நடத்த மாட்டேன் என வேதள்ளி ஒற்றை காலில் நின்றதால் அவை அனைத்திற்கும் சைத்தான்யா தலைமை பொருப்பானான்..

இயல்பிலே முன்கோபியான சைத்தான்யா தன் தந்தையின் மறு முகம் அறியாமல் அவர் இறுதியாய் காணாமல் போகும் முன்பு அவரை எவரோ கடத்தி சென்றதாய் கூறுவதை கேட்டு அவரை அநியாயமாய் கொலை செய்து விட்டனர் என நம்பினான்...

அவர் உயிருடன் இருக்கிறாரா அல்ல மரணித்து விட்டாரா.. உயிரோடு இருந்தால் எங்கு வாழ்கிறார்.. ஏன் இன்னும் வீடு திரும்பவில்லை... அப்படி மரணித்திருந்தால் அவரின் உடல் எங்கே.. கடத்தப்பட்டிருந்தால் ஏதேனும் உபாயம் இருக்க வேண்டாமா என பலவாறு அவனையும் குழப்பி வழக்கை மூடியது காவல் துறை

இருந்தும் தந்தை பாசம் அவனுள் இன்னும் கொதிக்க தானே முன் வந்து இறுதியாய் தர்மன் இருந்தார் என நம்பப்பட்ட இழுத்து மூடிய தர்மனின் விண்மில் ஆர்கனைஸேஷனின் சீசிட்டீவி ஃபூட்டேஜுகளை அலசி அதில் ஒன்றையும் கண்டறிய முடியாமல் இறுதியாக ஒரு தனி அறையில் ஒரு பெண் அன்றைய தினத்தில் அடைக்கப்பட்டிருப்பதையும் அவளை முகமுடி அணிந்த ஒருவன் கதவை உடைத்து வெளியே இழுத்து செல்வதையும் கண்டு அதை பற்றி அலசி அதே நிறுவனத்தில் வேலை பார்த்த ரியாவை தர்மன் அடைத்து வைத்திருந்ததாய் அறிந்து கொண்டான்...