ep-3
ဦးဘုန်းခကိုယ်တိုင်ဒီဇိုင်းဆွဲဲပြီး ဆောက်လုပ်ခဲ့သော အပြာနုရောင်တစ်ထပ်တိုက်အသေးလေးသည် အညိုရောင်တစ်ထပ်တိုက်ကြီး၏ ထောင့်ကျကျခပ်လှမ်းလှမ်းနေရာတွင် တည်ရှိသည်။နောက်မှရောက်ရှိလာသောကလေးလေးအတွက် အခန်းထပ်တိုးဖို့ရာ အဆင်မပြေသည်မို့ ခြံကျယ်ကြီးမှာပဲ အသစ်သေးသေးတစ်လုံးထပ်ဆောက်လိုက်ခြင်းသာပင်။ရည်ရွယ်ထားတာတော့ ဘယ်သူနေနေ ဆိုပေမယ့် အဖြစ်နိုင်ဆုံးကတော့ အနေအေးတဲ့သားနွေပဲ ဖြစ်လိမ့်မည်။သားငယ်ကတော့ ငယ်သေးလို့ တစ်ယောက်တည်းနေခိုင်းလို့မဖြစ်။
" ဘာတွေ တွေးနေတာလဲ အစ်ကို "
အသစ်အိမ်ကလေးကိုငေးနေသည့် သူ့အနား ဇနီးသည်ကရောက်လာပြီး မေးလာသည်။
" ကိုယ်တွေးနေတာ ဒီအိမ်လေးကို သားနွေသဘောကျပါ့မလားလို့ "
" နှင်းကတော့ သားသဘောကျမယ်လို့ထင်တာပဲ ။ ဒီနေရာလေးက တိတ်ပြီးအေးချမ်းတယ်လေ ။ သားကလည်း အေးအေးဆေးဆေးနေတတ်သူဆိုတော့...အဆင်ပြေမှာပါ "
" ကိုယ်ဒီလိုလုပ်လိုက်တာ သူတို့စိတ်ခုသွားမလားမသိဘူး "
စိုးရိမ်လွန်ကဲနေသောခင်ပွန်းသည်ကိုကြည့်ပြီး သူမခေါင်းယမ်းပြကာ
" သူတို့ အဲ့လိုဖြစ်မှာမဟုတ်ဘူး ။ သားနဲ့သမီးက အစ်ကို့ကိုချစ်ပြီးလေးစားကြတဲ့သူတွေဖြစ်လို့ အစ်ကို့အပေါ် နည်းနည်းလေးတောင် စိတ်ခုကြမှာမဟုတ်ဘူး ။ အခုလိုလုပ်ရတာကလည်း မလုပ်မဖြစ်မို့ဆိုတာ သူတို့သိနေတာပဲ "
မှန်သည်။သူတို့အခုနေတဲ့တစ်ထပ်တိုက်လေးက အခန်းထပ်တိုးလို့မရတဲ့ ဒီဇိုင်းပုံစံဖြစ်နေသည်မို့ အခုလိုလုပ်ရုံသာရှိသည်။
" တကယ်လို့ သားကမနေချင်ဘူးဆိုရင်လည်း သားငယ်ကို နှင်းတို့နဲ့အတူအိပ်ခိုင်းမယ် ။ သားငယ်အရွယ်ရောက်လာရင်တော့ ဒီနေရာလေးကိုပေးတာပေါ့ "
" အင်း ကိုယ်လည်း အဲ့လိုစဥ်းစားမိတယ် ။ တကယ်လို့များဆိုရင်ပေါ့ "
" အခု အဲ့တာတွေနောက်ထားလိုက်ဦး ။ အစ်ကိုက ထမင်းစားဖို့ သူတို့လေးတွေကိုသွားခေါ်လိုက် ။ နှင်း ထမင်းဝိုင်းပြင်လိုက်ဦးမယ်"
YOU ARE READING
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
