Ep - 39
အိမ်တံခါးဝအတွင်းသို့ခြေချမိသည်နှင့် ဧည့်ခန်းထဲတွင်အစုံအလင်ရှိနေသော မိသားစုဝင်များကို တွေ့ရသည်။ အဖေကတော့ သူ့ဆီသို့ငေးလာသည့်မျက်ဝန်း ၃ စုံ၏မျက်နှာချင်းဆိုင်မှာ တည်ငြိမ်အေးဆေးသည့်ဟန်အမူအရာဖြင့် ခပ်လျော့လျော့မှီထိုင်နေသည်။
သူ ခြေလှမ်းကျဲများဖြင့် မျက်ခွံလေးများနီနေသည်အထိငိုထားပုံရသော အမေတို့နှစ်ယောက်၏ကြားမှ ဖုန်းခဆီသို့သာ အပြေးသွားလိုက်၏။
" ဘာတွေဖြစ်နေကြတာလဲ အမေ ။ ကျွန်တော့်ကို ရှင်းပြကြပါဦး။ "
မကြီးနှင့်အမေတို့ကြားမှာထိုင်နေသည့် သားသား၏လက်ဖျားလေးများကိုဆွဲယူကာ ကြမ်းပြင်ပေါ်ဒူးထောက်ထိုင်ချရင်း သူမေးမိသည်။ သို့သော် ဘယ်သူမှ ဘာမှမပြောကြတာမို့ သူ့စိတ်တို့ပူလောင်လာရ၏။
" မကြီး ။ "
တစ်ဖန် မကြီးဆီကိုမော့ကြည့်ကာ ခေါ်လိုက်တော့ အကြည့်ဖြင့်သာ တုံ့ပြန်လာသည်။
ဧည့်ခန်းသည် ရှိုက်သံသဲ့သဲ့မှအပ အခြားအသံတို့မရှိလောက်အောင် တိတ်ဆိတ်နေသည်။ စိုးရိမ်တကြားဖြစ်နေသည့်သားကိုကြည့်ပြီး ဦးဘုန်းခ သက်ပြင်းဖွဖွချလိုက်လေ၏။ ထို့နောက် အတည်ငြိမ်ဆုံးသောလေသံဖြင့်
" အခု သားနွေလည်းရောက်လာပြီဆိုတော့ ဖေကြီးတို့ ပြောစရာရှိတာပြောကြရအောင်။ သားနွေ သားသားကဖေကြီးကိုဝန်ခံထားပြီးပြီ။ "
ဖေကြီး၏နားလည်ရခက်သောစကားကြောင့်
သူ ဆိုဖာခုံမှာကုပ်ကုပ်လေးထိုင်နေသည့်သားသားကို မော့ကြည့်လိုက်သည်။ ထိုအချိန် သူစုံလိုက်ရသည့်လခြမ်းကွေးများဟာ အရည်လဲ့နေပြီး ကြောက်ရွံ့စိတ်တို့ဖုံးလွှမ်းနေသလို။
" သားကရော ဖေကြီးကို ဘာဝန်ခံစရာရှိနေသေးလဲ ။ ဖေကြီးတို့က မိသားစုဝင်တွေပဲမို့ အရိုးသားဆုံးနဲ့အပွင့်လင်းဆုံး ဖြစ်စေ ၊ ပြောစေချင်တယ်ကွာ။ ဘာကိုမှမကွယ်ဝှက်ဘဲပေါ့။ "
သူ နားလည်သွားခဲ့ပါပြီ ။
အဖေပြောနေတဲ့ စကားတွေအကြောင်း။
သားသားက ဘာကိုဝန်ခံထားတယ်ဆိုတဲ့အကြောင်း။
မကြီးနှင့်အမေ့ရဲ့မျက်ဝန်းတွေ ဘာ့ကြောင့်နီရဲနေသည်ဆိုတဲ့အကြောင်း။
သူ ဆက်စပ်ပြီးတွေးတောမိတော့ ဖြစ်စဥ်အားလုံးကို အသေအချာနားလည်သွားခဲ့ရသည်။
VOUS LISEZ
ကိုကို့အား အပိုင်သိမ်းမည့် ( M- preg )(Completed)
Roman d'amourTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
