Ep - 40
10.9.20...
"" December "" အမည်ရှိ cake shop အကြီးကြီးတွင် လူအများဝင်ထွက်သွားလာလျက်ရှိသည်။ အကြောင်းကတော့ ယနေ့ဟာ ထိုဆိုင်ကြီး၏၃နှစ်မြောက်ဖွင့်ပွဲနေ့ဖြစ်သည်။
" ကြိုဆိုပါတယ် ဧည့်သည် ။ ယနေ့က ဆိုင်ရဲ့ ၃ နှစ်မြောက်ဖွင့်ပွဲဖြစ်လို့ ဧည့်သည်တို့ကြိုက်နှစ်သက်ကိတ်အမျိုးအစားများကို အခကြေးငွေမပေးရဘဲ free စားသုံးလို့ရပါတယ်ရှင့် ။ "
" ဝိုးးးး တကယ့်နေ့လေးနဲ့ကြုံရတာပဲ"
" ဟုတ်ပါ့ ။ ဒီနေ့တော့ အရသာစုံကို မြည်းကြည့်ဦးမယ်ကွာ။ "
" ဟုတ်ကဲ့ရှင့် ။ ဧည့်သည်တို့ ဒီဘက်ကိုကြွပါနော် ။ "
ဆိုင်ထဲတွင် ဖော်ရွေချိုသာလွန်းသည့်ဝန်ထမ်းလေးများနှင့် အများအပြားဝင်ရောက်လာသည့်စားသုံးသူများကြောင့် ဆူညံလျက်ရှိ၏။
" December က ကိတ်တွေက သိပ်ကိုအရသာရှိတာပဲနော် ။ စတော်ဘယ်ရီအရသာဆိုလည်း မွှေးပြီး ချိုနေရော။ "
" ဟုတ်တယ် ။အဲ့ဒီအထဲမှာ ငါက
ချောကလက်ကိတ်ကိုအကြိုက်ဆုံးပဲ ။ အာ....နူးညံ့ပြီး မွှေးအိနေတဲ့ ငါ့ကိတ်ကလေး။"
ချီးမွမ်းသံများဟာ ဆိုင်ထဲတွင် တသဲသဲဖြင့်။
" ကျေးဇူးပြုပြီး ဧည့်သည်တော်များ ခဏလောက်ငြိမ်သက်ပေးပါရှင့် ။ "
ထိုစဥ် မိုက်သံကျယ်ကျယ်တစ်ခုထွက်ပေါ်လာသည်မို့ ဆူညံနေခဲ့သည့်လူအုပ်ကြီးဟာ ရေနှင့်အငြှိမ်းခံလိုက်ရသည့်မီးတောက်တွေလိုမျိုး ရှဲခနဲတိတ်ကြသွားသည်။ မိုးပျံပူဖောင်းကလေးများဖြင့်အလှဆင်ထားသည့် အထူးအပြင်အဆင်များအောက်မှာတော့ မိုက်ကိုင်ထားသည့်အမျိုးသမီးတစ်ယောက်နှင့် မိသားစုတစ်စုရှိနေပါ၏။
ငြိမ်သက်တိတ်ဆိတ်သွားသည့်လူအများ၏အကြည့်တို့ကလည်း ထိုမိသားစုထံသို့ ဆိုက်ဆိုက်မြိုက်မြိုက်ရောက်ရှိသွားတော့သည်။
" ဧည့်သည်တော်များသိပြီးကြသည့်အတိုင်း ဒီနေ့လေးဟာ ကျွန်မတို့ဆိုင်ရဲ့ ၃ နှစ်မြောက်ဖွင့်ပွဲနေ့လေးပေါ့ ။ ထပ်ပြီးကြေညာချင်တာကတော့ ဒီနေ့ဟာ ဒီဆိုင်ကြီးရဲ့ပိုင်ရှင်ဖြစ်တဲ့ ဒေါ်ဝေနှင်းခရဲ့အချစ်ဆုံးမောင်လေးရဲ့ မွေးနေ့လည်းဖြစ်ပါတယ် ။ ဒါ့ကြောင့် မောင်လေးနေဖုန်းခရဲ့မွေးနေ့လေးအတွက် အားလုံးက မွေးနေ့လက်ဆောင်သီချင်းလေးဖြင့် ဂုဏ်ပြုပေးကြရအောင်လားရှင့် ။ မွေးနေ့ရှင်မောင်လေးရေ မွေးနေ့ကိတ်လေးအပေါ် ဖယောင်းတိုင်လေးတွေထွန်းညှိပေးပါနော် ။ "
VOCÊ ESTÁ LENDO
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
