Ep - 46
" သားသား အဲ့ဒါဘာလုပ် "
" ဟီး...ကိုကို့ ။ "
သူ့ကိုမြင်သည်နှင့် လက်တွေကိုကပျာကယာ နောက်ပို့ပစ်ပြီး သွားတွေဖြဲကာရယ်ပြလာသည့်သားသား။ ပြုံးအီနေသည့်မျက်နှာက တစ်ခုခုကိုခိုးလုပ်နေသည့်အတိုင်းပင်။
" လက်ထဲက ဘာတွေလဲ"
" ဟင့်အင်...ဘာမှဟုတ်ဘူး။ "
သူ ရှေ့တိုးတော့ နောက်ကိုခြေတစ်လှမ်းဆုတ်ကာသွားသည်။ လက်ကလေးတွေကနောက်ပစ်ထားသည်မို့ ရှေ့ကိုလုံးထွက်နေသည့်ဗိုက်ကလေးက ချစ်စရာ။ ထုံးစံအတိုင်း သူ့ရှပ်အင်္ကျီအဖြူတွေကိုမှ အကြိုက်ဖြစ်နေသည့်သားသားက ယခုလည်းဝတ်ထားသည်က ဟိုနေ့ကမှသူဝယ်လာသည့် ခပ်ပွပွဒီဇိုင်းတစ်မျိုး။
" မညာနဲ့ ။ ကိုကို့ကိုပြ ။ "
" ဟင့်အင်...ကိုကိုက ဆူမှာ ။ မပြဘူး ။ "
ဆိုးပါတယ်။ တစ်နေ့တခြား အရမ်းကိုဆိုးလာတဲ့ အဆိုးတကာ့အဆိုးလေးပါ။ ကိုယ့်စကားကို နားထောင်သလားဆိုတော့လည်း နားထောင်ပါတယ်။ ဒါပေမဲ့ ရှေ့တင်ပါ။ ကွယ်ရာကျရင်တော့ သူ့လုပ်ချင်ရာလုပ်ပါတယ်။ အခုလည်း သူရေချိုးနေတုန်းလေးပျောက်သွားတာ။ လိုက်ရှာတော့ အမေတို့ဘက်ရောက်နေပြီ။
အမေတို့ကလည်း သူတို့အသည်းကျော်လေးကို လွှတ်ထားသည်။ သူထိန်းလိမ့်မယ်ဆိုပြီးတော့များ တွေးလေသလားမသိ။
သူလည်းထိန်းတော့ထိန်းတာပဲ။ ဒါပေမဲ့ အချိန်တိုင်းတော့ဘယ်လိုလုပ်လိုက်ကြည့်နေနိုင်ပါ့မလဲ? အဆိုးလေးကလည်း အစကတည်းကအလည်လေးဆိုတော့ သူမျက်နှာလွှဲမိတာနဲ့ လစ်ပြေးရော။
" ကိုကိုဆူရအောင် သားသားက ဘာတွေမဟုတ်တာလုပ်နေလို့လဲ ။ "
" ဟို....။ ဟို....။ "
မေးတာကို မဖြေဘဲ ခေါင်းလေးတမော့မော့နဲ့ ဟိုကြည့်ဒီကြည့်လုပ်သည်။ပြီးလျှင် နှုတ်ခမ်းပါးလေးတွေကို စုချွန်ကာ တဟိုဟိုလုပ်ပြီး တိတိကျကျအဖြေမပေး။
အူလည်လည်လုပ်နေသည့်ထိုကောင်လေးကိုကြည့်ပြီး သူအသည်းယားလို့လာရသည်။
ဆူမှာလည်း ကြောက်သေးတယ်။ ဆူအောင်လည်း လုပ်တယ်။ ဒီပေါက်စီပူကယ်လေးဟာလေ ဘယ်လိုကောင်လေးမှန်းကိုမသိဘူး။ တကယ်ကို ထိန်းမနိုင်သိမ်းမနိုင်လေး။
YOU ARE READING
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
