Ep - 30
" ကဲ မေကြီးတို့သွားပြီနော် ။ "
မျက်ရည်အဝိုင်းသားနှင့်သားသားကတော့ ခေါင်းလေးမညိတ် ၊ ခေါင်းလေးမခါဘဲ ငေးကြောင်ကြောင်လေးကြည့်နေသည်။
" စိတ်ချလက်ချနဲ့သာ သွားပါအမေ ။ သားတို့အတွက် စိတ်ပူမနေပါနဲ့ ။"
" အေးအေး "
" မေကြီးရေ ပစ္စည်းတွေကားပေါ်ရောက်နေပြီ ။ သွားရအောင်လေ ။ "
" လာပြီ လာပြီ ဖေကြီး ။ "
နောက်ဆံတတင်းတင်းဖြစ်နေသည့်အမေဟာ အဖေ့ခေါ်သံကြားမှပဲ သူတို့အနားမှထွက်သွားတော့သည်။ထို့နောက် ကားဖြူလေးဟာလည်း သူ့တို့မျက်စိရှေ့မှ တရွေ့ရွေ့မှုန်ဝါးသွားလေသည်။
" ဟင့်......အီးဟီး..."
ကားလေးရဲ့အရိပ်အယောင်ပျောက်သွားမှ အသံတိုးတိုးဖြင့်ငိုချလိုက်သည့်သားသား။ သူ အပြုံးတစ်ခုဖြင့် ခေါင်းလုံးဖွာဖွာလေးကို ရင်ဘတ်နားဆွဲကပ်ထားလိုက်သည်။
" အဟက်...ကလေးလေးက အခုထိမျက်ရည်လွယ်တုန်းလား? "
သူ့စနေတာကိုတောင်မှ ထိုပေါက်စီလုံးဆီမှ စကားသံထွက်မလာခဲ့။ နှာခေါင်းလေးတရှုံ့ရှုံ့ဖြင့်သာ ရှိုက်ငိုနေလေသည်။သူသည်လည်း စုတ်ဖွာနေသည့်ခေါင်းလုံးလုံးလေးမှ ဆံပင်ခွေကောက်ကောက်လေးများကိုသာ ဖိသပ်ချရင်း ထိုကလေးအငိုတိတ်သည်အထိစောင့်နေပေးလိုက်သည်။
အမေတို့နှင့််မခွဲဖူးသည့်သားသားကတော့ ကလေးငယ်များလို ဝမ်းပန်းတနည်းဖြင့် သူ့ရင်ခွင်ထဲ၌ အချိန်ကြာကြာငိုကြွေးနေခဲ့ပါ၏။
သားသားဆိုတဲ့အဆိုးလေးက အခုလိုလည်းမျက်ရည်လွယ်သေးတာ။
တကယ်ကို ကလေးပေါက်စနလေးအတိုင်း။
✨✨✨✨✨✨✨✨✨✨✨✨✨✨✨✨
အားရပါးရငိုပြီးတာနှင့် ငေးတိငေးမှိုင်ဖြစ်သွားသည့်ပေါက်စီလုံးအား ကျောင်းကိုမလွှတ်တော့ဘဲ သူနှင့်အတူ ကုမ္ပဏီကိုသာခေါ်ခဲ့လိုက်တော့သည်။ အခုတော့ အခန်းထောင့်ရှိ ဆိုဖာခုံလေးမှာ တစ်ယောက်တည်းဂိမ်းဆော့နေလေရဲ့။
သူ အလုပ်လုပ်နေရင်း ခဏခဏ လှမ်းကြည့်နေမိသည်။သားသားကတော့ ဒါကိုမသိ။အဖြူရောင်ဘောင်းဘီတိုလေးကို အဝါနုရောင်တီရှပ်ဖျော့ဖျော့လေးဖြင့် တွဲဖက်ဝတ်ဆင်ထားသည်မို့ သားသား၏ပုံစံက တက္ကသိုလ်ကျောင်းသားပါလို့ပြောရင်တောင် ယုံနိုင်ဖွယ်မရှိ။တကယ်ကို အလယ်တန်းကျောင်းသားလေးသဖွယ် ဖြစ်နေသေးသည်။
YOU ARE READING
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
