Ep - 29
ယခုဆို နေဖုန်းခလေးလည်း တက္ကသိုလ်တက်လို့နေချေပြီ။ အကြိုအပို့ကတော့ ထုံးစံအတိုင်း ကိုကိုပဲပေါ့။အလုပ်တစ်ဖက်နှင့်မနားရသူကို မပင်ပန်းစေချင်သော်လည်း အတင်းတွေပြောမရသည်မို့ တစ်မိသားစုလုံးက လက်လျှော့ထားလိုက်ရတော့သည်။ တစ်ခါတလေ နွေဘုန်းခဟာ ထိုသို့ခေါင်းမာလွန်းသည်။
ဒီနေ့တော့ ကိုကိုတစ်ယောက် လာကြိုတာနောက်ကျနေလေသည်။ကားရပ်နေကျနေရာမှာပဲ သူရပ်ရင်း ခေါင်းလေးတမော့မော့ဖြင့်မျှော်နေမိချိန် သူ့ဘေးကိုရောက်ရှိလာသောအရိပ်တစ်ခု။ဖျတ်ခနဲလှည့်ကြည့်တော့ အတန်းထဲက EC ဖြစ်နေသည်။
" အကြိုမလာသေးဘူးလား? နောက်ကျနေပြီ ။ "
" အင်း ။ "
သူ အင်းတစ်လုံးသာဖြေပြီး အကြည့်ပြန်လွှဲလိုက်ကာ ကိုကို့ကားလေးကိုပဲ ထပ်မျှော်ကြည့်လိုက်သည်။လက်ချောင်းလေးများကလည်း ကျောပိုးအိတ်ကြိုးကို ခပ်တင်းတင်းဆုပ်ကိုင်ထားလျက်။သူ့အတွက် အခုလိုအခိုက်အတန့်မျိုးတွေက နေရတာခက်ခဲသည်။ ဘယ်လိုမှ သက်တောင့်သက်သာမဖြစ်။
သူ့အနားကိုချဥ်းကပ်လာသည့်ကောင်လေးအများစုဟာ မရိုးမသားစိတ်တွေနဲ့သာဖြစ်ကြသည်။အတန်းထဲမှာချစ်စရာအကောင်းဆုံးဖြစ်နေသည့်သူ့အတွက်တော့ ထိုအရာမျိုးတွေက ခဏခဏကြုံနေရမြဲ။ယခုလည်း ဘေးနားကသူထံ အကြည့်မရောက်မိအောင်ကြိုးစားနေရသည်။သူ့ကိုစိုက်ကြည့်နေတာကို မျက်လုံးထောင့်စွန်းမှမြင်နေရပေမဲ့ အကြည့်ချင်းမဆုံချင်တာကြောင့်ပင်။
" နေဖုန်းခ ။ ငါ မင်းကို စိတ်ဝင်စားတယ် ။ "
ရုတ်တရက်ပြောချလိုက်သည့်ထိုစကားကြောင့် အကြည့်ချင်းမဆုံချင်သည့်သူ့မှာ ဘေးကို အလန့်တကြားဖြင့်လှည့်ကြည့်မိသွားတော့သည်။
" မင်းမှာ ချစ်သူမရှိဘူးမလား? ငါနဲ့တွဲရအောင်ကွာ။ "
" စိတ်မရှိပါနဲ့ ချာတိတ် ။ ကိုယ်က ဖုန်းခရဲ့ကောင်လေးပါ! "
" ဟင် ကိုကို! "
သူ ရုတ်တရက်ကြောင်အသွားရသည်။ အသံကြားရာကို လှမ်းကြည့်လိုက်တော့ ခြေလှမ်းကျဲကြီးများနှင့် စမတ်ကျကျလျှောက်လာသော သူ့ရဲ့ပိုင်ဆိုင်သူ။မျက်နှာထားကတင်းနေပြီး နီညိုရောင်နှုတ်ခမ်းတွေဟာ မျဥ်းတစ်ဖြောင့်တည်းတန်းလို့။
YOU ARE READING
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
