ep-6
" ကိုကို အသီးပါလား "
ခြံဝမှာပင် ထွက်စောင့်နေသောအကောင်ပေါက်စနကြောင့် သူစိတ်ပူသွားပြီး စက်ဘီးပေါ်မှအမြန်ဆင်းကာ သွားစွယ်သေးသေးလေးတွေနဲ့ပြုံးနေသူအနား အမြန်ရောက်သွားမိသည်။
" နေကောင်းမပျောက်သေးဘဲနဲ့ ဘာလို့အပြင်ထွက်နေပြန်တာလဲကွာ ။ ကျစ်! လေစိမ်းတွေမိတော့မှာပဲ "
စက်ဘီးလက်ကိုင်ကို လက်တစ်ဖက်ဖြင့်ထိန်းကိုင်ရင်း သေးသေးကွေးကွေးဖြူလုံးလေးကို ဆတ်ခနဲကောက်ပွေ့လိုက်သည်။ပေါ့ပါးသွားသောခန္ဓာကိုယ်လေးကြောင့် ကိုယ့်ကိုယ်ကိုယ်သာအပြစ်တင်မိရင်း။
" ဟီး...ကိုကိုအသီးဝယ်ခဲ့မယ်ဆိုလို့ သားသားမျှော်နေတာ ။ ပါလားဟင် "
စက်ဘီးရှေ့ခြင်းထဲကို လှမ်းလှမ်းကြည့်ပြီးမေးနေသောအကောင်ပေါက်စနလေးကြောင့် သူပြုံးလိုက်သည်။
" ဟာ..ကိုကိုမေ့သွားလို့ "
မုသားတစ်ခုကို ခပ်နောက်နောက်ဆိုပြီး အကောင်ပေါက်စန၏မျက်နှာဖောင်းဖောင်းလးကို အကဲခတ်လိုက်သည်။
အောက်ငုံ့သွားသည့်ခေါင်းလုံးလုံးလေးကြောင့် ဝမ်းနည်းသွားမှန်းရိပ်မိလိုက်သည်။သို့ပေမဲ့ ပြန်မော့လာပြီး
" မနက်ဖြန်ကျရင် ဝယ်ခဲ့နော် ကိုကို "
ငိုသွားလိမ့်မယ်လို့ သူထင်ခဲ့ပေမယ့် လက်တွေ့မှာတော့ မငိုတဲ့အပြင် ရယ်တောင်ရယ်ပြနေသည့်သားသားကြောင့် သူ့မှာအံ့ဩဆွံ့အလျက်။
" သားသားကို အောက်ချပေး ။ မေကြီးဆီသွားမလို့ "
အိမ်ရှေ့ရောက်သည်နှင့် သူ့ကိုယ်ပေါ်မှတွန့်လိမ်ကာ အောက်ကိုဆင်းဖို့တာဆူနေသည့်ကလေးငယ်က မျက်နှာလေးတော့သိပ်မကောင်း။
ဘာလဲ??
သားသားက ဝမ်းနည်းနေတာတောင် သူစိတ်ဆိုးသွားမှာကြောက်လို့ အခုလိုတွေလုပ်နေတာလား??
သူချပေးလိုက်သည်နှင့် အိမ်ထဲကိုပြေးသွားသည်က ဘောလုံးလေးတစ်လုံးလို လိမ့်ခနဲလိမ့်ခနဲ။
သူလည်း စက်ဘီးကို ကားဂိုဒေါင်မှာသွင်းပြီး လွယ်အိတ်ထဲမှ ဝါဝါဝင်းဝင်းအလုံးကြီးကိုထုတ်ကာ အိမ်ဘက်ဆီသို့အပြေးအလွှာလာခဲ့လိုက်သည်။
မျက်နှာထက်တွင်လည်း အပြုံးလေးတွေပွင့်လန်းလို့သာ။
ESTÁS LEYENDO
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
