Ep - 27
" ဖုန်းခလေး နေမကောင်းဘူးလား? "
" ဗျာ ။ သား ကောင်းပါတယ်မေကြီး "
" ကောင်းတယ်သာပြောတာ ။ တစ်မနက်လုံး ဟိုမှိုင် ဒီမှိုင်နဲ့ကွယ်။ ဘာတွေများ ဖြစ်လို့လဲကလေးရဲ့။ ပြောစရာရှိရင် ပွင့်ပွင့်လင်းလင်းပြောနော်။ မေကြီးကို မကြောက်နဲ့ "
ဘုရားပန်းကူလဲပေးနေသည့်သူ့အား မေကြီးက တကြည့်ကြည့်ဖြင့်မေးလာသည်ကြောင့် သူမျက်နှာလေးလွှဲပြီး ဖြေနေရသည်။တကယ်တော့ ညကအကြောင်းအရာကိုပြန်စဥ်းစားမိပြီး ကိုကို့ကိုအားနာနေခြင်းဖြစ်သည်။မနက်ကလည်း ကိုကိုတို့နှင့်အတူ ထမင်းမစားဖြစ်ခဲ့။ကိုကို ကုမ္ပဏီသွားချိန်လောက်မှသာ သူအိပ်ရာနိုးသည်မို့ အရင်လိုအနမ်းဖွဖွလေးတောင် မပေးလိုက်ရ။ထို့ကြောင့် ကိုကိုစိတ်ခုသွားမလားလည်း စိုးရိမ်သည်။ညကကြောင့်လို့လည်း ထင်သွားမှာကြောက်သည်။သို့သော် ဘယ်လိုပြောရမှန်းလည်းမသိ။
" အာ့..."
အတွေးလွန်နေသဖြင့် ကိုင်ထားသည့်နှင်းဆီကိုင်းမှ ဆူးက သူ့ရဲ့လက်ညှိုးထိပ်လေးကို အနည်းငယ်ဖြဲရှသွားခဲ့သည်။သိပ်မကြီးပေမဲ့လည်း သွေးတွေဖြာထွက်လာသည်ကြောင့် အရိပ်တကြည့်ကြည့်ဖြစ်နေသည့်မေကြီးက သူ့အနားကိုအပြေးရောက်လာတော့သည်။
" ပြစမ်းသားသား ။ ဟယ် သွေးတွေတအားထွက်နေတာပဲ။
။ တော်ပြီ တော်ပြီ ။ အဲ့ဒီပန်းတွေ ဆက်မကိုင်နဲ့တော့။လာ မေကြီးဆေးထည့်ပေးမယ်။ "
မေကြီးရော သူရော ဧည့်ခန်းထဲရောက်လာကြသည်။ထို့နောက် သူ့ကို ခုံမှာထိုင်စေခဲ့ပြီး မေကြီးကဆေးပုံးသွားယူသည်။သူကတော့ သွေးထွက်နေသည့်ဒဏ်ရာကိုသာငေးစိုက်ကြည့်ရင်း တွေးနေမိဆဲ။
ကိုကို့အလုပ်ထိ သူလိုက်သွားရင်ရော....
ကိုကို သူ့ကြောင့်စိတ်ညစ်သွားမလား??
မဖြစ်နိုင်လောက်ပါဘူး။ ကိုကိုက သူ့ကိုအရမ်းအလိုလိုက်တဲ့သူလေ။အနှောက်အယှက်လို့တော့ ထင်မှာမဟုတ်ပါဘူး။ဒါပေမဲ့ သူမသွားရဲဘူး။ညကအကြောင်းကြောင့် ရှက်တာရော ၊ အလုပ်ပေါ်အထိပါ လိုက်လာပြီးဒုက္ခပေးတယ်လို့ ကိုကိုယူဆသွားမှာကိုရော။
သူ တကယ်မလိုလားတာမို့။
YOU ARE READING
ကိုကို့အား အပိုင်သိမ်းမည့် ( M- preg )(Completed)
RomanceTitle~ကိုကို့အား အပိုင်သိမ်းမည့် Cover artist - Luno's author~HninYhine All episode ~ 55. ချစ်စရာကောင်းတဲ့ ကောင်လေးတစ်ယောက်က သူ့ကိုကိုအား ဘယ်လိုအပိုင်သိမ်းလေမလဲ??😍😍😍😍 #fourth 1.1.2021>>>>30.9.2021( 9 m)
