أنا حرة

الحلقة الأولى

#أنا_حرة
#بوسي_مصطفى
______________

الحلقة الأولى.
في صباح أحد الأيام.
فوزي : يلا علشان خطيبك واقف تحت من بدري.
كريمة : ميستنى يا فوزي ايه هو هيسربعها ليه يعني مكانش شوية خشب اللي هيشتريهم هيقعد بقى يقرفنا كل شوية.
مايسه جوه بتلبس..

فوزي : ميصحش كده يا كريمة و بعدين شوية الخشب
اللي هجيبهم لبنتك دول أغلى عندها من الالماظ.
كريمة : ليه يعني و بعدين أنت موافق إن بنتك تتجوز الكحيان دا؟
فوزي : و بعدين معاكي بقى هو انتي مش عاجبك أي حاجه كده بنتك بتحبه و على قلبها زي العسل كحيان كحيان يا ستي هو بياكل من طبقك؟
كريمة : إن ما جوع بنتك و جاتلك تشتكي منه يبقى ساعتها قول كريمة دي مبتفهمش حاجه.
فوزي : اتفائلي خير الولد له مستقبل دا مهندس و شغال
في شركة محترمة.
كريمة : تعالي يا مايسه أما اقولك.
مايسه : نعم يا ماما.
كريمة : حماتك جايه معاكو؟
مايسه : لأ رشدي قالي هنختار حاجتنا بنفسنا علشان محدش يزعل.
كريمة : و انتي بتصدقي الكلام دا
تلاقيه مش عاوز يجيب مامته علشان أنا كمان مصممش و اجي معاكو و وقتها هعرف الحلو من الوحش لكن هو عايز يشتريلك أي حاجه عارف إنك خايبه و مبتفهميش في الخشب كويس.
فوزي : يا ستي لما يشتري حاجه أي كلام و تتكسر يبقى يجيب غيرها و لا هينام على الأرض يلا يا بنتي انزلي خطيبك واقف تحت من بدري.
مايسه : حاضر يا بابا.. سلام.
فتحت مايسه باب الشقة و خرجت.

في التليفون 📞
صدفه : يا حبيبي أنا كنت سايبه الفلوس على السفرة
علشان تاخدهم معاك.
رشدي : معايا يا ماما متشغليش دماغك و افتكري بس تاخدي الدوا في ميعاده.
صدفه : طب ارجع خدهم ريح قلبي.
رشدي : معايا يا ماما.
صدفه : طيب يا ابني مع السلامة و سلملي على مايسه.
رشدي ببتسامة بعد ما لمح مايسه : حاضر يا ماما يوصل.
وقفل التليفون مع مامته يفتح باب العربية لمايسه علشان تقعد جنبه.
رشدي ببتسامة : يا صباح الفل.
مايسه : اتأخرت عليك؟
رشدي : انتي تتأخري براحتك.
مايسه : هههههههههههه
رشدي كنت عايزة اطلب منك طلب و مأجلاه و كنت ناويه اقولك عليه قبل كتب الكتاب.
رشدي : طلب ايه ده؟

فلاش باك.
نانسي : هههههههههههه حد برضو يحب واحد اسمه رشدي
ههههههههههههه
فين هيثم لؤي سيف تامر
الأسماء كتير ملقتيش غير رشدي
ههههههههههههه
مايسه : هو بصراحه اسمه يعني قديم بس دا اللي قلبي حبه.
نانسي : يا بنتي لو بيحبك يغير اسمه.
مايسه : ايه يغير اسمه؟!
نانسي : ايوه و فيها ايه حتى ولادك باباهم اسمه يبقى صغير كده و كيوت و يليق على اسمهم
مش رشدي ههههههههه

رجعنا للحاضر.
رشدي : اغير أسمى يعني ايه؟
مايسه : يعني تسمي اسم جديد
معقوله اتجوزك و أنت رشدي؟!
رشدي : امال هتتجوزيني و أنا ايه؟!
أنا حبيتك مايسه و هتجوزك و انتي مايسه.
مايسه : طيب خليني اناديك بـ اسم تاني.
رشدي : اهي دي موافق عليها بينا بقى نلحق وقتنا بدري.