أنا حرة

الحلقة ١٣

#أنا_حرة
_________
الحلقة ١٣

في منزل الحاج غيث.
راجع من بره يعدي على غرفة حنين يفكر يدخل يتكلم معاها و يصالحها.
حنين : منين؟
غيث : أنا بابا يا حنين ادخل و لا بلاش؟
حنين : اتفضل يا بابا.
يدخل غيث ببتسامة : ايه الجميل قاعد لوحده ليه؟
حنين مردتش.
قرب و قعد جنبها كانت بتقلب بالريموت.
ياخد منها الريموت.
غيث : صوت التليفزيون دا عالي قوي كده كويس
و لا مش سامعه؟
حنين ' لا كويس.
غيث : يا سلام و مالك بتردي كده من غير ما تبصي ليه؟!
حنين : بتبكي.
قرب منها غيث و شعر بخوف عليها : مالك يا نور عيني مين مزعلك؟
حنين بصوت مخنوق بالبكاء : مفيش يا بابا.
غيث : هتخبي على بابا  يا حنين أنا اللي مزعلك صح؟
مردتش حنين و اكتفت بمسح دموعها.
غيث يضمها ليها : خايف عليكي يا حبيبتي أنا لما سألتك رايحه فين مكانش قصدي اضايقك أنا كل غرضي اطمن عليكي الدنيا بره مفيهاش أمان و احنا هنا في البلد أي حركة قد كده بتتاخد علينا فعايزك تحافظي على نفسك و تاخدي بالك كويس.
حنين : أنا كنت رايحه لغادة و قولت لماما و هي قالت هتقول لحضرتك.
غيث : عارف إن النهاردة فرح صاحبتك و عارف كمان إنك مبتخرجيش
بس عايزة تروحي الفرح يبقى معايا.
حنين : معاك!
غيث بمزح : ايه راجل عجوز بقى مش هينفع يحط ايده في ايده شابه حلوة زيك؟
حنين : لا يا بابا مقصدش.
غيث : و لا اكمني اتجوزت كبير شويه هههههههههه
معلش مكونتش فاضي وقتها و الموضوع مكانش في دماغي قوي بس لاقيت اللي في سني كلهم
متجوزين و عندهم عيال
فقولت اما ألحق نفسي
ههههههههههههه
حنين : حضرتك لسه شباب على فكرة.
غيث : اه يا بكاشه شباب فين دا؟
بقولك ايه قومي ألبسي يلا عايزين نلحق الزفة.
حنين : حضرتك بتتكلم بجد؟
غيث : يا بنتي ما انا معزوم اصلا في الفرح ده
بس قولت هبقى اروح ابارك في أي وقت و لا مامتك تروح تبارك لمامت العروسة و العريس بس طالما انتي رايحه بقى لازم اشبط فيكي و تاخديني معاكي.
حنين : يا حبيبي يا بابا.
غيث : اهو أنا بعد ما شوفت ضحكتك دي خلاص مش عاوز حاجه من الدنيا.
حنين بتمسح دموعها.
غيث ' ليه الدموع دي بقى و لا دي دموع الفرحه؟
حنين : هقوم ألبس.
غيث بمزح : هتعملي ايه طب استني لما اخرج
ههههههههههههه
ابتسمت حنين بخجل.
غيث يربت على كتفها : بهزر معاكي يا حبيبتي.
ابتسمت حنين.
غيث : اروح أنا كمان ألبس اللي على الحبل و اتشيك كده علشان محدش يقول الراجل العجوز اهو جاي
و في ايده عيله صغيرة.
حنين : ماما هتوافق؟
غيث : هههههههههههه و متوافقش ليه طب ايه رأيك هاخدها معايا أهو علشان تطمن.
حنين : لا ماما قالت مش رايحه هتبقى تروح لطنط صديقه تباركلها في البيت.
غيث ': طب اما نشوف يمكن تغير رأيها.
حنين : هههههههههههه
خرج غيث و هو فرحان انه قدر يصالح حنين و يرجعلها ضحكتها من تاني.
________

عند العريس...
آدم كان واقف بيلتفت يمين و شمال بيدور على حاجه مش موجوده ياترى ايه هي؟