أنا حرة

الحلقة ٢٤

#أنا_حرة
_________
الحلقة ٢٤

رامي : ايوه وبعدين؟
آدم : استأذنت وخرجت.
رامي : نعم!
كده على طول من غير ما تشوف العروسة؟!
آدم : يعني كنت هقوله نادي لبنتك اشوفها!!
رامي : لأ طبعا مش كده بس كنت قعدت شويه بعد ما طلبت ايد بنته وهو بقى كان ممكن يطلع يقولها وتنزل تقدم حاجه ساقعة ولا سخنه تشوفها تشوفك تقعدوا تتكلموا مع بعض فيحصل قبول فتم الجوازة ونفرح كلنا هههههههههههه.
آدم : بصراحه أُحرجت وكنت مرتبك مش عارف ايه اللي حصلي وقتها.
رامي : هههههههههههه
هي بتبقى لخبطه أنا عارف بس المرة الجايه متتنازلش عن حقك وتطلب تشوف عروستك وتقعد معاها كمان دا اللي مفروض يحصل.
آدم : مش عارف خايف ميكونش في مرة جايه.
رامي : ليه مش بتقول ابوها كان مبسوط ووافق كمان.
آدم : طب وهيه ايه ملهاش رأي؟!
رامي : لأ طبعا ليها بس ايه اللي هيخليها ترفض يعني؟
آدم : معرفش بس علشان أنا متكلمتش معاها ورايح كده من غير ما تعرف فمعرفش بقى رد فعلها هيكون ايه.
رامي : خليك واثق في نفسك انت مش شويه ياحبيبي.
آدم : يا حبيبي الموضوع مش ثقه ولا لاني يعني ظابط شرطة هتوافق على طول القبول والحب دا حاجه تانية ملهاش علاقة بكل دا ممكن تكون مرتبطة عاطفياً بحد تاني.
رامي : غادة طمنتني من الناحية دي مفيش حد اصلا هي شبه متعقده.
آدم : نعم!
رامي : هههههههههههه
مش قوي يعني هي يمكن بس علشان لسه ملقتش الشخص المناسب فيبان عليها كده ودا اللي حسيته غادة لكن طبعا لما تقابل الشخص المناسب اللي هيكون حضرتك هتوقع في حبه على طول.
آدم : أنت جيبت الثقه دي كلها منين مايمكن ترفض؟
رامي : ياعم تفاءل خير بقى متبقاش معقد انت كمان.
آدم : نعم!
رامي : هههههههههههه
بهزر اضحك وفرفش كده
أنا حاسس إننا هنسمع اخبار حلوة قريب.
___________

في منزل الحاج غيث.
ثنية : ليه يا بنتي هو انتي عاوزه تعملي فيه ايه بالظبط مش عاوزه ليه تفرحيني ياحنين مستكترها  عليه يابنتي؟!
حنين : ياماما آدم مين ده
أنا معرفوش هو أي حد يجي يتقدم كده لازم أوافق وخلاص؟!
ثنية : طب أنا راضيه ضميرك الجدع دا فيه ايه يتعيب؟!
طول بعرض وهيبه ومركز ووظيفة وشكله محترم وابن ناس وأهله من البلد وجده كان صاحب جدك ايه رأيك بقى.
حنين : ماما انا مالي بكل ده؟!
ثنية : يبقى تامر لسه في دماغك وبتحبيه.
حنين : لأ طبعا.
ثنية : متكدبيش ياحنين أصل هترفضي شاب زي دا ليه إذا مكانش في حد في دماغك اسمعي بقى باباكي المرادي فرحان قوي بالعريس ده غير كل اللي اتقدمولك ومرتاحله قوي
وهيفرح اكتر لو وافقتي
فرحيني وفرحي ابوكي بقى.
حنين : ياماما بقى.
ثنية : خلاص ياحنين على راحتك انا هروح لـ ابوكي اقوله حنين مش عاوزه تتجوز خالص ورفضت العريس.
حنين : لأ.
ثنية : لأ ايه.. يعني موافقة ؟
حنين : لأ بس يعني ممكن يجي مرة تانية نقعد مع بعض ونشوف؟
ثنية : تشوفي ايه؟
حنين : اشوف دماغه ياماما.
ثنية : تشوفي دماغه ازاي يابنتي هتكسريها علشان تشوفيها يعني ولا ايه؟ فهميني.
حنين : ياماما ياحبيبتي انا اقصد يعني نفهم دماغ بعض معلش التعبير خاني شويه حضرتك موتراني.
ثنية : يعني نقدر نقول إنك مبدأيا كده موافقة صح؟
حنين : يعني.
ثنية : يعني ايه ما توضحي موافقة ولا مش موافقة متحيرنيش.
حنين : اما اشوفه الأول.
ثنية : ياسلام عاوزه تفهميني إنك عمرك ماشوفتيه خالص؟!
حنين : شوفته طبعا بس كان حضرة الظابط.
ثنية : امال هو بقى ايه مش فاهمه؟!
حنين : بقى واحد متقدملي يعني لازم اشوفه بنظرة تانية.
ثنية بابتسامة : لا طالعة ناصحه لمامتك.
حنين : قوي قوي.
ثنية : بتتريقي على أمك ياحنين؟!
حنين : لا ياماما مقصدش انا اقصد اتريق على نفسي انا مجيش حاجه قصادك طبعا ناصحه ايه بس ياريتني زي حضرتك.
ثنية : ماشي هصدقك اروح اقول ايه لـ ابوكي خلصيني.
حنين : قولي اللي قولتهولك ياماما.
ثنية : ما انتي توهتيني مبقتش فاهمه دماغك يابنتي.
حنين : قولي لبابا ان حنين عاوزه تقعد معاه علشان يتعرفوا على بعض حصل قبول يبقى تمام محصلش يبقى خلاص بقى كل واحد يشوف مصلحته.
ثنية : ماشي.
حنين : ولا كلامي في حاجه غلط؟
ثنية : لأ هو انتي عمرك تقولي حاجه غلط ابدا.
حنين : حاسه إن دي تريقه صح؟
ثنية : اما ألحق ابوكي قبل ما ينام تصبحي على خير.
___________