أنا حرة

الحلقة ٤٥

#أنا_حرة
_______
الحلقة ٤٥

يجري آدم يطمن على حنين فيتركها تامر وكأنه خرجها من جوه علشان يوصلها لخطيبها وقرب من باسم اللي كان واقف قلقان عليه.
باسم : لما اتأخرت جوه كنت هدخل اطمن عليك.
تامر : أنا كويس متقلقش.
باسم : دا أنت وشك متخرشم خالص.
تامر : لا دي حاجات بسيطة متشغلش بالك.
كانت الإسعاف بتنقل الرجل الثاني.
آدم : حنين انتي كويسه؟
حنين : ايوه بس عاوزه اروح عاوزه اشوف بابا وماما.
آدم : حاضر هوصلك هناك بس هنوصل الأول القسم هتقولي هناك بس اللي كل حصل معاكي وهاخدك اروحك على طول.

أمام القسم.. كان غيث وجلال عندهم خبر برجوع حنين واقفين منتظرين وعاوزين يدخلوا لكن المكان كان زحمة والاهالي كلها متجمعة خصوصا بعد تداول خبر القبض على العمدة والخواجة اللي معاه.

في المكتب.
الضابط : اتفضلي استريحي.
آدم : اقعدي يا حنين.
حنين : هو الراجل مات وهما قابضين عليه؟
الضابط بابتسامة : لا طبعا احنا مش قابضين عليكي وانتي هنا مش متهمه انتي مجني عليكي وشاهدة كمان في القضية دي علشان كده احنا عاوزين نعرف كل التفاصيل ايه اللي حصل معاكي في البداية وكنتي فين في الليلة اللي تم فيها خطفك؟

جلال : تامر!
يقرب تامر من جلال ويطمنه على حنين.
جلال : أنت عرفت ازاي وجاي هنا تعمل ايه؟
تامر : مش وقته هتعرف بعدين.
كانت حنين خارجه من جوه ومعاها آدم اللي نظر لتامر.
غيث اخد حنين في حضنه وبيبكي.
حنين : عاوزه اروح يا بابا روحني يا جلال أنا تعبانه.
جلال : حاضر يلا بينا
آدم لتامر : متشكر.
تامر : على ايه؟
آدم : على اللي عملته لـ حنين وإنك عرضت حياتك للحظر.
مردش تامر على شكر آدم ليه واستأذن منهم وخرج. ____________
في شقة فوزي .
زياد : هتقومي معايا يلا.
فوزي : ايه اللي بتعمله ده سيبها انت مين اصلا اداك الحق إنك تعمل فيها كده بنتي لا رايحه ولا جايه واتفضل بقى تجيب المأذون خلينا نخلص..
زياد : ما احنا هنخلص بس اخد حقي.
مايسه : حقك!
هو كل ده و ماأخدتش حقك دا أنت خربت بيتي وشوهت سمعتي.
زياد بسخرية : سمعتك هههههههههههه
ودي كنتي محتاجه حد يشوهها؟!
فوزي انفعل وقرب من زياد يخرجه من الغرفة.
زياد : مش خارج من غيرها.
فوزي : هو بالعافيه ولا ايه يا واد أنت قولتلك بنتي مش خارجه معاك.
زياد : هتخرج يا فوزي واللي عندك اعمله.
فوزي : فوزي!
اما أنت قليل الأدب صحيح.
زياد : بقى أنت معرفتش تحكم على بيتك زمان جاي دلوقت تحكم عليه أنا ماأخدش مراتي؟!
مايسه : أخرس أنت تتكلم مع بابا بـ أدب.
زياد : لا بقولك ايه فكك من جو الحنيه اللي مش لايق عليكي ده انتي عاصره على نفسك لمونه علشان تقعدي هنا لإنك ببساطه ملكيش مكان تروحيه أنا بقى هاخدك عندي ألمك بين أربع حيطان.
مايسه : حيطانك مش عايزاها أنا بكرهك سمعتني قولت ايه بكرهك يا زياد من قلبي.
فوزي بيمسك ايد زياد ويخرجه من الغرفة يخبطه زياد يوقعه على الأرض.
زياد : ابقى قوم نفسك يا حمايا العزيز معلش سنك ميسمحش دلوقت تدافع عن نمله الشدة دي كنت استخدمتها مع بنتك زمان يمكن كنت عرفت تربيها.
وخرج زياد وعند الباب : ماشي يا مايسه خليكي هنا كام يوم بس هرجع اخدك هتروحي مني فين لسه في تصفية حساب لازم نعملها.
وقفل باب الشقة قربت مايسه تاخد بـ ايد والدها
اللي كان بيقوم.
فوزي : لا يا بنتي خليكي مستريحه أنا بقوم لوحدي ولا صدقتي كلامه إني عجزت ومش قادر احميكي.
مايسه بتبكي : أنا اللي عملت كل دا في نفسي وخليت واحد زي ده يتكلم معاك بالاسلوب الواطي ده.
فوزي بيحاول يقفل على الموضوع لكن من جواه حزين وشعر بالإهانة.
_____________
في منزل غيث.
ثنية واخده حنين في حضنها وبتبكي : يا حبيبتي يا بنتي عملوا معاكي ايه وكنتي فين ومالك متبهدله كده؟
جلال : مش كانت مخطوفه يا ماما بس عجبتني لما عرفت إنك خبطيه على دماغه.
هايدي : هو مين ده؟
جلال : واحد من الرجاله اللي كانوا خاطفينها.
آدم : المهم إنك كويسه.
ابتسمت حنين لـ آدم بابتسامة وهي بتهز دماغها.
آدم : استأذن أنا تصبحو على خير.
غيث : لو مش متأكد إنك تعبان ومحتاج تروح تستريح كنت قولتلك اقعد معانا.
آدم : بالعكس أنا ارتاحت دلوقت ويمكن مش هعرف أنام من الفرحه.
جلال : هههههههه ولا أنا
كده بقى نعمل الفرح ولا ايه؟
نظر آدم لحنين اللي طلبت من مامتها تطلع فوق.
هايدي : أنا هاخدها معايا يا طنط تعالي يا حنين هسندك عارفه إنك تعبانه.
حنين : عاوزه أنام قوي.
ثنية : يا حبيبتي يا بنتي تلاقي عينك مداقتش النوم من وقتها.
جلال : ما احنا كمان زيك كده منمناش من الليلة إياها بس خلاص الكل هينعم بنوم هادئ وجميل.
يبتسم آدم ويسلم عليهم ويخرج.