أنا حرة

الحلقة ٥٦

#أنا_حرة
________
الحلقة ٥٦ (الأخيرة).

في التليفون 📞
حنين : لأ أنا في بيت بابا ما أنا قولت لك قبل ما تخرج الصبح.
تامر : لا ما أنا عارف بس جاي اخدك علشان مسافرين.
حنين : مسافرين فين؟!
تامر : لو مش عاوزه بلاش.
حنين : طب قول لي الأول رايحين فين؟
تامر : نقضي كام يوم كده في القاهرة.
حنين : فجأة كده ولا حد قال لك؟
تامر : قال لي ايه؟
حنين : مرات جلال قامت بالسلامة.
تامر : ألف مبروك عقبالنا.
حنين : يعني متعرفش؟
تامر : لا معرفش غير منك دلوقت.
حنين : دا ايه الصدفه العجيبه دي هههههههه
تامر : طب أنتي جاهزة للسفر يعني؟
حنين : جاهزة اه
استنى لأ لازم اروح اجهز شنطة هدومي.
تامر : ملوش لزوم هنتصرف.
حنين : هنتصرف ازاي يعني؟
تامر : هنشتري يا حنين يلا بقى علشان منتأخرش.
حنين : أنت مستعجل على ايه؟!
تامر : هههههههههههه يعني مش عاوزه تروحي تشوفي النونو؟
حنين : فدي بقى معاك حق دا أنا بقيت عمتو مش واخد بالك ولا ايه؟
تامر : هههههههههههه واخد بالي عقبال فرحتنا احنا كمان قول لي لمامتك لو عاوزه تيجي معانا.
حنين : مش هتقدر تسيب بابا لوحده.
تامر : طب خلاص أنا وصلت عندك اهو سلام.
_________
في التليفون 📞
مريم : عاوز انس؟!
آدم : اه أصل بتصل بيه مبيردش.
مريم : ماشي ثواني هناديه من بره.
آدم : في حد مزعلك؟
مريم : لأ.
آدم : خلاص نشوف الحوار دا الليلة.
مريم : حوار ايه؟
آدم : حوار الزعل ههههههه
مريم : بس أنا مش زعلانه.
آدم : ماشي هنشوف.
مريم : انس تعالى آدم عاوزك.
انس : فين؟
مريم : هيكون فين يعني؟! في التليفون.
آدم : هههههههههههه
انس : ايوه يا آدم مبتتصلش على تليفوني ليه؟
آدم : بتصل يا حبيبي مبتردش.
انس : هو فين تليفوني صحيح؟!
مريم تحدفه ليه.
يلحقه انس ويمسكه : يا مجنونه.
آدم : ولد... عيب احترم نفسك.
انس : هههههههههههه كده ماشي.
آدم : ايه فاكرها سايبه ولا ايه ملهاش رجاله؟!
انس : هههههههههههه ايه يا عم مالك ما أنا راجلها اهو ولا عاوز تغلط بقى؟!
آدم : بعد ساعتين الأمور كلها هتتغير.
انس : لا يا حبيبي مفيش حاجه هتتغير صحيح هتبقى جوزها لكن هفضل أنا زي ما أنا تمام؟
آدم : هههههههههههه تمام تعالى بقى عاوزك.
انس : اجي فين مش مفروض أنت اللي جاي؟
آدم : تعالى بس علشان هنروح مشوار كده مع بعض.
انس : مشوار ايه ده؟
آدم : لما تيجي هقول لك يلا متتأخرش.
انس : حاضر أما اشوف اخرتها معاك.
_______
يمسك ايدها : على مهلك.
حنين بابتسامة : مش للدرجة دي الناس بتحمل وتمشي عادي يعني.
تامر : قصدك إن أنا مأفور شويه هههههههههه
معلش لسه مستجد بقى.
حنين : جعانه قوي ماما كانت لسه هتحط الأكل قبل ما تيجي قولت لها بلاش.
تامر : يا حبيبتي حاضر هنركن في الطريق وناكل في أي حته ولا نطلب أكل وناكل في العربية.
حنين : أنت مستعجل ليه بقى؟
تامر : مش عاوزه تشوفي النونو؟
حنين : امممم مش عاوز تقول لي صح؟
خلاص مش عايزة.
تامر : لا بقول لك ايه مفيناش من زعل بقى علشان نفسية الواد.
حنين : واد مين؟
تامر : ابني ههههههههههه
حنين : طيب.
تامر : شوفي عاوزه تاكلي؟
حنين : على ذوقك بقى.
تامر : هههههههه ماشي.
_________
في شقة والد انس.
والد انس : اتفضل يا ابني العصير بتاعك.
آدم : متشكر يا عمي.
والد انس : أنا كنت جاي على فكرة ومفيش أي مشاكل حتى لو زعلان من ولادي إنهم مش مقدرني.
انس : ازاي بس يا بابا مش مقدرين حضرتك؟!
والد انس : أو ماما بقى زعلانه وقالت لكم حاجه عني.
نظر انس لـ آدم بحرج : تيته ماقالتش حاجه يا بابا بالعكس وحضرتك عارف الكلام دا كويس.