أنا حرة

الحلقة ٣٧

#أنا_حرة
__________
الحلقة ٣٧

والد باسم : طب يا ابني معملتش الجيم دا هنا ليه
أجر مكان ولو ملكش في الإيجار اشتري شقة ولا محل صغير دور أرضي ابدأ بيه وبعد كده وسع على نفسك.
باسم : تامر عنده إمكانية إنه يشتري مكان هنا وهيشغله يا بابا بس هو عاوز يستقر هناك صح ولا أنا مش فاهم دماغك؟
تامر : صح طبعًا أنا بحب البلد هادية عن المدينة لإني مبحبش الدوشة والزحمة.
والد باسم : ماشي يا ابني المهم تعمل اللي يريحك
قول لنور تعمل شاي.
باسم : حاضر.
تامر يقوم : استأذن أنا بقى.
والد باسم : رايح فين لسه بدري وبعدين أنا شويه كده وهدخل انام وهسيبكم تقعدوا براحتكم.
تامر بابتسامة : معلش يا عمي أصل أنا مسافر البلد الصبح وعاوز أنام بدري الليلة.
والد باسم : باسم صاحبك ماشي.
باسم يجي بسرعة : ايه يا تامر رايح فين؟
تامر : همشي بقى ما أنت عارف أنا مسافر البلد الصبح.
باسم : خلاص وأنا مش هقدر اقعدك أكتر من كده
توصل بالسلامة.
______
في المستشفى.
رشدي : ألف مبروك يا لميا كده تعمليها من غير ما تعرفينا ههههههه
لمياء : هو أنا كنت أعرف هي جات كده.
صدفه : شوف ابن أختك كده شبه مين؟
رشدي : شبه مين يعني ايه؟!
هو لسه بان له ملامح يا ماما هههههه
لمياء : قول لماما بتقولي شبه حماكي بتقولها كده وهي مضايقه فنادر زعل.
رشدي : هههههههههههه
صدفه : طب ويزعل ليه مش هو شايف أبوه حلو ميزعلش بقى.
لمياء : ما حضرتك قولتيها كده وأنتي زعلانه.
رشدي : يا جدعان مدققوش كده في كل حاجه الولد جميل وكفاية إنه ابنك.
لمياء : متشكرة على رفع روحي المعنوية دي.
صدفه : يا سلام وأنا يعني اللي كلامي زعلكم قوي.
رشدي : يا ست الكل مفيش زعل ولا حاجه فين السبوع بتاعي بقى؟
لمياء : سبوع اديك قولت هو لسه عدى اسبوع علشان تاخد حاجه؟!
رشدي : هههههههههههه
ماشي بس أنا مش هتنازل عن حقي آه ومتنسيش فادي زميلي علشان دا ممكن يفضحني في الدنيا كلها لو ماأخدتش ههههههههه
لمياء : لا متخافش هتاخد لصاحبك وللبشمهندسه نهى كمان.
صدفه بتضحك.
رشدي : اطمنا عليكي وعلى النونو نروح بقى عاوزه حاجه؟
لمياء : استنى هنا رايح فين اشرب حاجه الأول.
رشدي : لما أجي عندك البيت ابقي اكليني
وشربيني زي ما أنتي عاوزه أنا راجع من الشغل هلكان تصبحو على خير.
____________
في المستشفى.
جيهان : أنا قولتلك لو جه ولد سميه آدم.
رامي : طب جات بنت يا خالتي اسميها ايه؟
جيهان : معرفش.
رامي : هو حضرتك مبتحبيش البنات ولا ايه؟
جيهان : لأ مين قال كده بالعكس أنا كان نفسي في بنت قوي.
رامي يهمس لـ آدم : واضح إنك بتتهزأ
ههههههههههههه
جيهان : لا يا حبيبي أنا كنت عاوزه أخت لـ آدم بس اهو محصلش وآدم دلوقت عندي بالدنيا كلها.
آدم : حضرتك اللي عندي بالدنيا كلها يا ست الكل.
رامي : ثبت ثبت.
آدم : يا ابني بس بقى دي أمي.
رامي : يا ابني ما أنا عارف
ههههههههههههه
نسمي القطقوطه الصغيرة دي ايه بقى يا خالتو؟
رباب : واشمعنه مبتسألش أمك يعني ولا مراتك ليه؟
رامي : أنتم الخير والبركة يا ماما.
جيهان : مالك يا رباب هو أنتى غيرانه علشان ابنك بياخد رأينا؟
ههههههههههههه
رباب : سامع مامتك؟
آدم بابتسامة : حضرتك الخير والبركة يا خالتي زي ما قال رامي اختاري اسم للبنوته بقى.
صديقه : وأنا يعني محدش هياخد رأيي؟
رامي : لا طبعًا يا حماتي
قولي بقى نختار اسم ايه؟
وقرب قعد جنبها.
صديقه : شوف أنا سمعت من قريب اسم حلو قوي.
رامي : ايه هو؟
صديقه : جودي أنا نطقتها كده صح؟
رامي : حلو الاسم دا لما ادخل أخد رأي غادة.
رباب : حلو يا أم غادة تصدقي.
جيهان : فعلا حلو.
______________
بعد مرو ما يقرب من شهر.
في منزل الحاج غيث.
ثنية : تصدقي بقى إنك بنت حلال هههههههه
أنا قولت مش هيجو يقضوا معانا يومين ولا ايه؟
جلال : لا احنا جايين على طمع بقى وقولنا نقضي معاكم شهر كده.
هايدي : شهر!
جلال : ايه غيرتي رأيك ولا ايه؟
هايدي : لا أبدًا بس شهر كتير خايفه طنط تزهق مننا.
ثنية : أنا ازهق هههههههه دا انتو تنورونا يا حبيبتي.
جلال : قالتلي عاوزه اعيش وسط الخضرة والطبيعة الخلابة قولتلها وأنا استحالة ارفضلك طلب واهي حنين خلاص هتتجوز وماما وبابا هيقعدوا لوحدهم نيجي احنا بقى نقعد وسطهم لحد ما يزهقوا مننا.
ثنية : خير ما عملت يا جلال.
جلال : امال فين حنين محدش سامع لها صوت يعني؟
ثنية : حنين كل يوم رايحة جايه عند الخياطة
اقولها خليها تيجي هنا البيت يا بنتي بدل المشوره دي تقولي يا ماما عندها شغل هي مورهاش غيري يعني.
هايدي : أنا قعدت أعمل كده زيها لحد ما جه الشتا وركنت معظم اللبس اللي اشتريته وجيبت غيره.
جلال : آه ودفعت مبلغ قد كده هههههههه
ثنية : تعيش وتجيب تدوبيهم في عرق العافية يا حبيبتي.
هايدي : متشكره يا طنط.
جلال : اكلمها لو هتتأخر اروح اجيبها؟
ثنية : ماشي كلمها طمني عليها.. بس هي واخده العربية.
هايدي : هو المكان بعيد؟
ثنية : مش بعيد قوي في المركز بتاعنا.
تهمس هايدي لجلال : المركز دا يعني قسم الشرطة مش كده؟
جلال : هههههههههههه لأ.
هايدي : بسمع كده في التليفزيون.
جلال : هي تمشي عادي بس ماما قصدها المدينة اللي تابع لها البلد بتاعتنا
فيها محلات يعني وكده مش زي البلد طبعًا.
هايدي : آه فهمت.
في التليفون 📞
جلال :"ايوه يا حنين ازيك؟
حنين : بخير ازيك أنت يا جلال اخبارك ايه؟
جلال : أنا تمام وهنا في البلد ومعايا هايدي.
حنين : ايه دا بجد؟
جلال : قولنا نيجي نقضي معاكي كام قبل ما العريس يخطفك مننا.
حنين : هههههه محدش يقدر يخطفني منكم
هخلص واجي بسرعة.
جلال : قدامك كتير؟
حنين : لأ نص ساعة مش كده يا مدام صافي؟
الخياطة : ايوه يا حبيبتي.
جلال : خلاص بس لو اتأخرتي متجيش أنا هجيلك.
حنين : معايا العربية.
جلال : ولو برضه مينفعش ترجعي لوحدك.
حنين بابتسامة : ماشي.. سلام.
هايدي : ها جايه ولا هتتأخر؟
جلال : بتقول قدامها نص ساعة.
_______