أنا حرة

الحلقة ٥٥

#أنا_حرة
_________
الحلقة ٥٥

في التليفون📞
تامر : يا صباح النور والهنا والسعادة صباح الورد.
حنين بابتسامة : صباح الخير.
تامر : منمتش خالص حاسس إني خلاص النوم خاصمني.
حنين : ليه بقى عارف لو غمضت عينك هتنام على طول.
تامر : مش عارف اغمض عيني قلبي فرحان وفي نفس الوقت قلقان.
حنين : من ايه؟
تامر : عاوز اجيلك جري اخدك واخبيكي عندي بقى علشان محدش يقدر ياخدك مني.
حنين : هههههههههههه للدرجة دي؟!
تامر : صوت ضحكتك وحشني قوي.
حنين : هههههههههههه
ما خلاص بقى.
تامر : خلاص ايه دا احنا الليلة هنبتدي من أول وجديد.
حنين : لو خلصت كل الكلام دلوقت مش هتلاقي حاجه بعد كده تقولها.
تامر : لا متقلقيش أنا عندي كلام كتير قوي عاوز أقوله بس الليلة بقى مش هنتكلم هنقعد كده باصين لبعض ومش مصدقين نفسنا يااااه اخيرا بقى.
حنين : هو أنت معندكش حاجه تعملها؟!
تامر : هههههههههههه دا أنا عندي حاجات كتير قوي
بس مش أهم منك أكيد.
حنين : ليه هو الاستعدادات بتاعت الفرح دي مش اهتمام بيه وبالمناسبة السعيدة دي؟!
تامر : لا الحاجات دي مليش فيها في ناس تانية تحت بتجهز كل حاجه المهم أنا ألبس واظبط نفسك واجي اخد عروستي بالحصان.
حنين : نعم! حصان ايه دا كمان؟!
تامر : هههههههههههه مش عاجبك الحصان طب تعرفي إن في بنات كتير يتمنوا إنهم يتزفوا بالحصان.
حنين : يتزفوا بيه مش عليه دي تفرق يا حبيبي وبعدين هطلع ازاي بالفستان ولا عاوز توقعني؟!
تامر : لأ مش دي الوقعة اللي أنا عاوزها.
حنين : شكلك مش هتجيبها لبر أنا انزل اقول لبابا نفضها سيرة بقى وخلاص.
تامر : هههههههههههه اقصد يعني توقعي جوه قلبي واقفل عليكي بالضبه والمفتاح.
حنين : تعرف يا بياع الكلام أنت إني خايفه منك.
تامر : ليه بس دا أنا غلبان
ههههههههههههه
حنين : الباب بيخبط تلاقي الكوافيرة جات.
تامر : الميكب ارتست
ههههههههههههه
حنين : بتضحك على ايه؟!
تامر : بلاش تغير ملامحك
أنا عاوز اشوف حنين مش وش تاني معرفوش.
حنين : حاضر.
تامر : متحطش بنس ودبابيس كتير مش هنقعد طول الليل نخلع فيهم.
حنين : هههههههههههه حاضر.
تامر : بتضحكي على ايه؟!
ههههههههههههه
حنين : يعني تضحكني وبعدين تسألني بضحك على ايه!!
تامر : هههههههههههه طب سلام علشان تخلصي اللي وراكي واشوف أنا كمان هعمل ايه شويه كده وهكلمك.
حنين : ماشي.. سلام.
ادخل.
ثنية : ايه يا حنين مش هتنزلي تفطري يا بنتي ولا هتفطري هنا؟
حنين : مليش نفس يا ماما.
ثنية : ليه بقى دا حتى الليلة فرحك يا عروسة
ههههههههههههه
حنين : بتغمزي يا ماما!!
دا أنا أقول لبابا بقى.
ثنية : هتقولي له على ايه؟!
حنين : اتعلمتي الغمز دا فين يا حاجه
ههههههههههههه
تزغزغ مامتها..
ثنية : شوفي البنت هههههههه بس يا بنتي بغير.
حنين : هترتاحوا مني خلاص.
ثنية : اخص عليكي نرتاح منك دا ايه وبعدين مش كان شرطك تقعدي معانا هنا في البلد هتيجي منين الراحة بقى هههههههه
حنين : بقى كده.. ماشي.
ثنية : هههههههه هتفطري هنا ولا تحت خلصيني عاوزين نروق المطبخ كده
مش عاوزه حد يقول لي جعان دلوقت خالص.
حنين : ليه هتقفلوا المطبخ؟!
ثنية : لأ الطباخ واللي معاه هيقعدوا في المطبخ يخلصوا الغدا وبعدين الصواني هتخرج والناس تاكل في الجنينة واوضة الضيوف أنا بقى مش هبقى مسؤلة عن المطبخ يعني بعد شويه متقوليش جعانه
يا ماما.
حنين : لا إذا كان كده بقى ألحق أكل.
ثنية : طيب هطلعلك الفطار مع أي حد تاكلي كويس ماشي؟
حنين بابتسامة : ماشي.
ثنية تطبع قُبله على خدها : مبروك يا حنون عقبال ما اشيل عيالك يا بنتي.
حنين : مش لما نتجوز الأول يا ماما.
ثنية : هههههههههههه مستعجله على ايه؟
حنين بخجل : شوفي بتوقعينا في الغلط وبعدين تقولي معرفش ايه....
ثنية : هههههههههههه
____________