أنا حرة

الحلقة ٤١

#أنا_حرة
_________
الحلقة ٤١

ثنية : آه يا بنتي يا ترى عامله إيه ولا حصلك إيه يا حنين.
جلال : ماما علشان خاطري حاولي تهدي احنا مش ساكتين وبندور عليها.
ثنية : ايوه يعني لقتوها ولا الشرطة هتعمل إيه قولي يا ابني هيلاقوها ولا بنتي ضاعت كده خلاص؟
آدم : هنلاقيها يا طنط بس حضرتك حاولي تهدي وترتاحي قعد مامتك يا جلال.
جلال : أنا اللي هيجنني العمدة ده واللي اسمها ريم دي كمان يقولوا الكلام دا ليه دول زي اللي متفقين مع بعض.
آدم : أنت واثق في اللي اسمه تامر دا يا جلال؟
جلال : لا يا آدم صحيح تامر يمكن من مصلحته يحصل حاجه زي دي قبل الفرح بس مش لدرجة إنه يخطف حنين مستحيل.
آدم : ليه بتقول من مصلحته هو إيه مصلحته اصلا في حاجه زي دي؟
جلال بارتباك : يعني علشان كان عاوز يرجع حنين بس طبعا هي رافضه وبابا مستحيل يوافق.
آدم : آه... طيب هروح البيت لو في جديد هقولك اطلع أطمن على باباك
سلام عليكم.
جلال : وعليكم السلام.
ثنية : يعني خلاص بنتي كده ضاعت ومش لقينها؟
جلال : يا ماما حاولي تهدي.
ثنية : محدش يقولي اهدي علشان محدش حاسس بالنار اللي جوايا.
جلال يحتضن والدته : كفاية يا ماما علشان خاطري.
ثنية بتبكي : دورلي على أختك شوفها فين يا جلال.
جلال : حاضر.. حاضر بس هدي أعصابك علشان خاطري بابا تعبان فوق هطلع اطمن عليه.
ثنية : أبوك لو أختك مرجعتش هيحصله حاجه
أنا بقولك أهو متقعدش اطلع دور عليها آدم روح ينام وسايب اختك مش عارفين حصلها إيه.
جلال : مين بس اللي قال لحضرتك إنه روح ينام آدم مش هيرتاح قبل ما حنين ترجع يا ماما.
ثنية : ياريت يكون راح يدور عليها.
__________

بيدخل زياد الشقة يلاقي حماه قاعد مع نانسي.
رفعت : اهلا بجوز بنتي.
زياد : اهلا يا عمي.
رفعت : إيه مالك جاي من بره كده شكلك مش ولا بد حصل حاجه ولا إيه؟
زياد نظر لنانسي.
رفعت : اممم نانسي كلمتني قالت عاوزاك يا بابا في موضوع مهم ومن ساعة ما جيت ومنطقتش بكلمة.
زياد : تقول لحضرتك ايه يا عمي ما أكيد عندك خبر.
رفعت : سيبك من حوار جوازك ده علشان دا أمر مفروغ منه وخلينا في المهم.
زياد : وايه هو المهم بقى يا عمي؟
رفعت : المهم هو مصلحة الضرايب اللي هتحجز على الشركة لو مسددتش المبلغ المطلوب دا غير إن فيها حبس يا بشمهندس بس تعرف أمر الحبس دا انا ممكن اخرجك منه يفضل بقى حوار الفلوس ما هو مبلغ برضه مخبيش عليك يقطم الوسط.
زياد : دا حضرتك عندك خبر بكل حاجه بقى هو أنت اللي باعتهم ليه ولا إيه؟
رفعت : هههههههههههه
نانسي بغضب : كلم بابا كويس.
رفعت : اهدي بس يا نانسي ما هو معذور يا بنتي لو عرفتي المبلغ اللي عليه أنتي نفسك مش هتقدري تتحكمي في أعصابك اقعد يا بشمهندس خلينا نعقد مع بعض اتفاق.
زياد : اتفاق إيه ده؟
رفعت : اقعد بس وهدي أعصابك كل مشكلة وليها حل.
__________
في فيلا تامر.
عادل : طب وهو قال الكلام دا في المحضر ليه؟
تامر : ما دا اللي هيجنني يعني حتى لو عاوز الأرض أو بيكرهني فيها متحصلش للدرجة دي إنه يقول كلام محصلش يضر بيه سمعة بنت من بلده طب مش عامل حساب لـ أبوها واللي مضايقني أكتر ومخليني مش قادر أفكر
مين اللي خطف حنين ما هو مش معقول هيكون هو كمان دا يبقى شيخ منصر مش عمدة.
عادل : لا يا ابني متوصلش للدرجادي.
تامر : توصل يا بابا الواحد بقى متوقع أي حاجه وخصوصا بعد اللي تقال في المحضر ده دي حتى ريم اللي كانت صاحبة حنين قالت نفس كلام العمدة معقوله للدرجادي الواحد ممكن ينسى العشره ويتحول لبنى آدم عدو لـ أقرب صاحب ليه؟
عادل : اديك قولت الواحد بقى متوقع أي حاجه من أي حد بس قولي هو باسم صاحبك سافر ليه؟
____________