أنا حرة

الحلقة ٢٨

#أنا_حرة
________
الحلقة ٢٨

بعد كام يوم في التليفون 📞
لمياء : لا لازم اشوفك في البيت عندنا.
حنين : أكيد بابا هيروح لعمتو.
لمياء : وانتي ولا خطيبك محرج عليكي؟
حنين : هههههههههههه
وهيحرج عليه ليه؟
هاجي مع بابا بس تكوني موجودة.
لمياء : هاجي طبعا قولتي الخطوبة امتى؟
حنين : بعد بكرة انتي بتنسي ولا ايه؟!
لمياء : معلش الذاكرة بقت بعافية اليومين دول خلاص ماشي نتقابل هناك بقى نفسي اشوف عروسة جلال قوي.
حنين : هههههههههههه وانا كمان.
لمياء : ايه دا هو انتي لسه مشوفتهاش لحد دلوقت؟!
حنين : لا شوفتها بس مرة واحدة و مش فاكرة شكلها قوي.
لمياء : يا عيني يا بنتي ههههههههه
حنين : هنعمل ايه بقى ما هي عايشه بعيد عننا.
لمياء : وجلال هيتجوز عندنا هنا وعندكم في البلد؟
حنين : لا في شقتة اللي في مصر هو بيجدد فيها دلوقت.
لمياء : ليه هي قديمة؟!
حنين : لأ بس بيغير ألوانها وفي ديكورات كده بيعملها
هتبقي تشوفيها انا عن نفسي رايحه علشان اشوفها واقوله رأيي.
لمياء : بس اوعي تقولي رأيك قدام خطيبته.
حنين : فاهمه فاهمه.
لمياء : أصل بيفكروا إن دا تدخل مننا ولا حاجه
رشدي كان بيبقى يسألني عن رأيي في الشقة اللي اتجوز فيها كنت بقول تجنن لان دا ذوق مايسه علشان بس متقولش إننا بكرهها في شقتها أو غيرانه الموضوع كان صعب قوي هههههههه.
حنين : بتضحكي على ايه؟!
لمياء : أصل بعد كل اللي عمله علشانها دا مفتكرتش أي حاجه حلوة ليه وفي النهاية انفصلوا.
حنين : مفيش أمل في رجوعهم لبعض؟
لمياء : يرجعوا فين بس يا حنين دي اتجوزت.
حنين بدهشة : اتجوزت!!
لمياء : من زمان يا بنتي
دي خلصت شهور العدة من هنا واتجوزت على طول.
حنين : طب والولد؟
لمياء : مع ماما من بعد ما اتجوزت على طول
لأ من الليلة اللي اتجوزت فيها أصل مامتها جابته لماما و قالتلها مايسه مسافرة احنا مكوناش نعرف إنها هتتجوز الليلة غير لما رشدي بيكلمها تاني يوم تقريباً علشان يشوفها هتيجي امتى تاخد يحيى قالتله بقى وقتها إنها اتجوزت قالها خلاص هيفضل عندي بس بيني وبينك ماما تعبانه ومش قادرة تراعيه بس اهي مش هتعرف تقول لرشدي ده وهي عارفه ظروفه كويس ويمكن يكون عند ماما افضل ما يعيش مع أم مايسه لو مش الحمل والبيت زي ما انتي عارفه كنت اخدته عندي ولا روحت قعدت بيه عند بابا.
حنين : انتي ليكي ظروفك يا لميا مامته هي أحق واحدة بيه ورشدي من وقت للتاني يبقى يشوفه ويطمن عليه.
لمياء : مستحيل يسيب الولد معاها في تفاصيل كتير يا حنين مش عاوزه أوجع دماغك بيها المهم تكلميني اول ما توصلوا علشان اعرف اشوفك مش
تيجي قبل ما تنزلوا البلد تكلميني.
حنين بابتسامة : حاضر ثواني اشوف ماما.
لمياء : لا روحي شوفيها و سلميلي عليها انا هقفل بقى سلام.
حنين : مع السلامة.
تنزل حنين جري..
ثنية : على مهلك يا بنتي.
حنين : في حاجه يا ماما؟
ثنية : ايوه تعالي شوفي
الحاجات دي كفاية و لا ازود؟
حنين : لا كفاية وكتير كمان.
ثنية : بس متقوليش كتير دا يدوب علشان الضيوف اللي هيجيلهم.
حنين : هههههههههههه
هو احنا كل ما نسافر مصر لازم نشيل كل الحاجات دي؟!
ثنية : يا بنتي دي زيارة لعروسة اخوكي هيعزموا الناس و لازم ياكلوا الكل
وتكون حاجه بلدي هما عارفين انهم مناسبين فلاحين عيب في حقنا لما يشتروا حاجه من برة وكمان عمتك لازم ندخل عليها بزيارة كده تليق بمقام ابوكي مينفعش ندخل بـ ايدنا فاضيه.
حنين : يا حبيبتي أنا مقصدش بس كل اللي فيها اني بشوفك بتتعبي قوي كل مرة بنسافر فيها مصر بتقعدي قبلها بيومين تجهزي الحاجات دي.
ثنية : معلش ميجراش حاجه اهو كل التعب دا بيروح أول ما اشوف اخوكي ويدوق من الحاجه اللي عملاها وياسلام بقى لما تشوفي فرحة عمتك بـ باباكي وانه قدرها وواخد ليها الخير ده الفرحة دي بتنسي الواحد أي تعب محدش واخد منها حاجه يا بنتي المودة بين الناس هي اللي بتهون على الواحد هموم الدنيا.
حنين : والقعدة الحلوة يا ست الكل.
ثنية : اهو انا بقى حاسه انك حنين بنتي بتاعة زمان شايفه وشك نور ازاي من ساعة ما اتخطبتي.
حنين بخجل : يا سلام فين ده؟!
ثنية : طب بصي كده في المرايا وانتي تعرفي
قوليلي هو خطيبك مش جاي النهارده؟
حنين : معرفش أصله نايم دلوقت.
ثنية : كان عنده شغل بالليل ولا ايه؟
حنين : ايوه لسه مروح من شويه قال هينام وبعدين هيكلمني.
ثنية بابتسامة : نوم العافية طيب لما يكلمك ابقي اسأليه علشان ابقى عامله حسابي يعني لو جه ولا حاجه.
حنين : هو اصلا مبيلحقش يقعد هما نص ساعة ويمشي على طول.
ثنية : بكرة لما تتجوزوا و هيقعد معاكي براحته
ههههههههههههه
ابتسمت حنين بخجل : أنا طالعه اجهز شنطة هدومي.
ثنية : شنطة مرة واحدة!
حنين : ايوه مش هاخد طقم احضر بيه الخطوبة وطقم هروح بيه لعمتي وكام بيجاما كده هقعد بيهم في الشقة.
ثنية : متكتريش هما يومين اللي هنقعدهم هناك وهنيحي على طول انتي عارفه باباكي مبيقدرش يغيب عن البلد كتير.
حنين : عارفه ما اليومين دول يدوب اخدلهم شنطة.
ثنية : هو خطيبك مش هيحضر خطوبة اخوكي؟
حنين : مش عارفه انا مسألتش بس هو يعرف إن الخطوبة بعد بكرة.
ثنية : خلاص سبيه براحته يمكن عنده شغل ومش هيعرف ياخد اجازة.
حنين : مش عارفه انا هطلع اجهز حاجتي.
____________