#أنا_حرة
________
الحلقة ٤٢
في الصباح..
مايسه : نعم ايه اللي جايبك هنا مش كفاية اللي عملته؟
زياد : معلش هستأذنك تتفضلي تلبسي حاجه مناسبة علشان عندنا ضيوف.
مايسه : نعم!
زياد يضع عليها جاكت.
زياد : ممكن تتفضلي تقعدي هنا زي الكرسي اللي قاعدة عليه.
مايسه : أنت بتعمل إيه مش هسمحلك إنك تأذيني تاني.
زياد : اشششش صوتك ميطلعش سامعه؟
بيدخل رجل وست بيشوفوا الشقة ومايسه قاعدة مش فاهمه حاجه.
شويه وبيخرجوا.
زياد : هتيجي معايا تقعدي كام يوم في شقة ماما لحد ما تقومي بالسلامة علشان بعدها هبعتك عند مامتك.
مايسه : لا أنا هخرج من هنا على هناك مش مستنيه اقعد عند مامتك.
زياد : مش بمزاجك يا حبيبتي.
مايسه : حبيبتك؟!
زياد : معلش ذلة لسان مش أكتر.
مايسه : انت ناوي على إيه يا زياد؟
زياد : هبيع الشقة.
مايسه : إيه ليه؟
زياد : وأنتي مالك يخصك إيه؟!
مايسه : ماشي يا زياد بس بكرة تندم.
زياد : ههه أكتر من كده.
باب الشقة يخبط بقوة.
يفتح زياد الباب : اهلا بحماتي العزيزة.
كريمة : كويس إني لاقيتك هنا يا زياد إلحقني.
مايسه : ويلحقك ليه ما عندك الأستاذ فريد يلحقك هو مش جوزك وراجلك وضهرك وركبك هههههههه
كريمة : بتتريقي على أمك يا مايسه ماشي يا بنتي.
مايسه : دا إيه الخطوة العزيزة دي خير في مصيبه جايه للبشمهندس فيها؟
ريحي نفسك دا مبيجيش من وراه خير.
كريمة : صاحبك نصب عليه.
مايسه : أهلاً ههههههههههه
مش قولت مبيجيش من وراه خير.
زياد : لا وأنتي الصادقة انا حياتي متلخبطتش غير من يوم ما شوفت وشك.
مايسه : هههههههههههه معلش بكرة تروق وتحلى لما تبعد عني.
كريمة : أنا في المصيبة اللي أنا فيها دلوقت إلحقني
يا جوز بنتي.
زياد : خير عاوزه إيه من زياد أنا مش ناقص.
كريمة : فريد قومت الصبح لاقيته سايبلي الورقة دي.
مايسه : فيها إيه الورقة دي؟
تخطفها مايسه من ايد زياد.
مايسه بعد ما تقرأ جزء من اللي مكتوب في الورقة : وقعته مهببه وأنتي ازاي تسلميله كل حاجه كده دا من بجاحته كاتبلك شكرا يا كرمله على اليومين الحلوين اللي قضيتهم معاكي صحيح أنتي اللي مفروض تشكريني إني قبلت اتجوزك كانت اجازة سعيدة طيارتي بعد ساعة ونص من دلوقت المنوم اللي ادهولك هيفوقك وأنا طاير فوق السحاب
اتمنى متزعليش مني الـ إيه؟!
ونظرت مايسه للرقم وهي مندهشة : المليون ونص كانوا تمن اليومين الحلوين اللي حسستكم فيهم إنك إنسانه متزعليش بقى يا كرمله وحاجه كمان حبيت اعرفهالك إن عقد الشقة اللي مضيتي على تنازل عليه ليه صحيح ميه في الميه هسيبك اليومين دول تقعدي في الشقة لإني احتمال أرجع بعد شهر ولا حاجه أستلم شقتي منك وأسلمك ورقة طلاقك.
مع تحياتي / زوجك المخلص فريد.
كريمة : شوفت الندل صاحبك عمل إيه سرق فلوسي وكمان مضاني على تنازل عن الشقة اللي معرفش عن العقد اللي بيقول عليه دا أي حاجه.
زياد : لا افتكري يا حماتي في ساعة صفا كده مضيتي ولا حاجه.
كريمة : بقولك ممضيتش على حاجه.
زياد : تمام أنا اعملك إيه دلوقت؟!
كريمة : مش صاحبك هاتلي فلوسي منه وخليه يقطع العقد اللي بيقول عليه ده أنا ممكن أرفع قضية عليه واتهمه بالنصب والاحتيال والجواب اهو بخط ايده.
يخطف زياد الورقة من مايسه ويقطعها.
كريمة : إيه اللي عملته ده؟!
مايسه : دا ندل وحقير ومش بعيد يكونوا متفقين مع بعض وهينصص معاه كمان.
يصفعها زياد على وجهها.
زياد : احترمي نفسك الحقيرة دي تبقى أنتي
اسمعي يا ست أنتي تحلي عن دماغي دلوقت مش فايقلك ومشاكلك مع جوزك دي تحليها بينك وبينه أنا اللي عندي مكفيني.
مايسه تدخل جوه وبتلبس هدومها وتاخد الشنطة وخارجه.
زياد : على فين يا مدام؟
مايسه : مش شغلك.
زياد : امال شغل مين انتي فاكره نفسك ملكيش راجل يشكمك أنا مش رشدي يا هانم.
مايسه : رشدي كان ارجل منك.
مسكها من شعرها وكريمة بتحاول تخلصها من ايده.
زياد : سامعه بنتك بتقول ايه؟!
كريمة : سيبها يا زياد ما أنت اللي عمال تغلط.
زياد : ليه فاكرني السيد الوالد اللي هيتشخط فيه يقوم يقعد زي التلميذ خايف ومرعوب يتضرب لا انتي وهي فوقوا لنفسكم.
كريمة : سيبها تيجي عندي ترتاح كام يوم.
مايسه : البيه ناوي يبيع الشقة وانتي النصاب اللي اتجوزتيه جاي كمان كام يوم يستلم الشقة يعني أنا وانتي هنبقى في الشارع.
زياد : وأنا روحت فين هتقعدي في شقة أمي لحد ما اخد ابني وبالسلامة بقى تروحي لـ أمك تدوري على ابوكي انتي حرة.
___________
في منزل آدم.
آدم قاعد لوحده بيفكر تقرب مامته تقعد فيقوم علشان يترك المكان.
جيهان : للدرجادي مش طايق تقعد في مكان أنا موجوده فيه؟!
آدم : ماما لو سمحتي كفاية اللي أنا فيه.
جيهان : ما أنا قولتلك على الحل وأنت مش عاوز تسمع كلامي.
آدم : حل ايه؟!
ابقى ندل واتخلى عن الإنسانه اللي بحبها في عز محنتها معلمش زي أي راجل عنده أصل وادور عليها واقطع لسان أي حد يجيب سيرتها أخوض معاهم في الكلام الفارغ اللي بيقولوا علشان أعجب حضرتك؟!
جيهان : وتعجبني أنا ليه المهم تكون راضي عن اللي أنت بتعمله.
آدم : مش هتخلى عن حنين يا ماما.
جيهان : خلاص أنت حر بس دا لما تلاقيها يا حبيب ماما.
آدم : حاضر بعد اذنك.
جيهان : رايح فين؟
آدم : رايح أي حته عاوزه مني حاجه؟
__________
في شقة رامي.
غادة : ليه قولت كده لـ آدم ابن عمي وأنت عارف ومتأكد إنه بيحبها وامتى كمان يسيبها في الظروف دي علشان يثبت الكلام اللي بيتقال !!
رامي : أنا مقولتش يسيبها دلوقت لأ يعمل زي أي راجل شهم يدور عليها ولما يلاقيها يسيبها تستريح كام يوم وبعدين يمهدلها إن جوازهم شبه مستحيل غادة أنا بقول الكلام دا لمصلحة حنين قبل ما يكون لمصلحة آدم.
غادة : إيه المصلحة اللي هتيجي ليهم من الوجع ده؟!
واحدة مخطوفه ومنعرفش حصلها إيه وخطيبها هيتجنن علشان يلاقيها وأنت بتقول لما ترجع يقرر يسيبها كمان إيه معقوله مش متخيل الوجع اللي هيبقى ليهم هما الاتنين دا غير كلام الناس اللي يكتر في الحوار ده.
رامي : ممكن يتفهم إن دا ضرر ليهم بس صدقيني دا عين العقل بعيدا عن كلام الناس اللي كده كده هيتكلموا برضه حتى لو اتجوزوا لكن دا هيبقى راحه ليهم مش وجع ولا حاجه.
غادة : مش قادرة اقتنع بوجهة نظرك العجيبه دي.
رامي : أنا خارج عاوزه حاجه؟
غادة بحزن : لأ.
___________
في منزل غيث.
صدفه : لازم تاكل علشان تاخد الدوا مينفعش اللي بتعمله في نفسك ده
مش دا اللي هيرجع بنتك.
جلال : معلش يا عمتي بس اقعد هنا.
صدفه تقوم من مكانها : اتفضل يا ابني المهم تخليه ياكل.
جلال يقعد بجوار والده : بابا يا حبيبي لازم تاكل وتاخد الدوا حنين لما ترجع لو شافتك كده هتزعل قوي يرضيك تزعلها؟
غيث بصوت متعب : هي فين حنين؟
دور على أختك شوفها فين يا جلال.
جلال : حاضر احنا مش ساكتين بندور عليها في كل مكان وهنلاقيها بس حضرتك تاخد بالك من صحتك علشان خاطر حنين.
غيث : لاقيها الأول وأنا هبقى كويس.
أنت تقرأ
أنا حرة
Chick-Litفتاة متمرده باعت الغالي بالرخيص و اخرى لم تختر زوجها حتى يوقعها في مشاكل كثيرة مايسه و حنين هنشوف مين اللي هتربح في النهاية. ........ الأم : و لا تزعلي نفسك بكره يجيلك احسن منه. مايسه : بس ابني صعبان عليا قوي يا ماما متعلق بيه. الأم : ليه عجبه قوي...
