أنا حرة

الحلقة ٥٣

#أنا_حرة
________
الحلقة ٥٣

صدفه : قومي يا حنين.
حنين : هقوم اعمل ايه يا عمتو؟
ثنية : اقفي زي ما البنات واقفه يلا.
هايدي : يلا يا حنون بقى.

قامت حنين وهي مش معجبه بالفكرة بس وافقت بسبب ضغطهم عليها.
بتحدف نهى البوكيه والكل بيسقف ورشدي واقف مترقب هيبقى من نصيب مين تجري كل البنات تلحق تاخد البوكيه وحنين واقفه مكانها وفجأة البوكيه يوقع في ايد..... تامر.
تلتفت حنين تلاقي تامر في وشها.
تامر بابتسامة : اتفضلي.
حنين مش عارفه ترد تقول له ايه وقف غيث وجلال وهما مترقبين رد فعل حنين اللي اخدت بوكيه الورد.
تامر بيفتح العلبة اللي فيها خاتم الخطوبة.
حنين : ايه ده؟
تامر بابتسامة وقلق وتردد : حنين تقبلي تتجوزيني؟
حنين : أنا مش فاهمه حاجه !!
تامر : بجدد طلبي مرة تانية وبقولك إن يسعدني ويشرفني إنك تقبلي تتجوزيني.
حنين بتلتفت حولها وهى مش فاهمه ومش مستوعبه الموقف ومش عارفه ترد على طلبه تقوله ايه.
غيث يترك المعازيم ويقرب من حنين وتامر.
حنين لسه هتتكلم : بابا أنا.....
غيث يقاطعها : تعالي يا حنين عاوز اتكلم معاكي تعالى يا تامر.
نظر تامر لحنين بابتسامة وعاوز يقولها وافقي بقى لكن احترم وجود والدها
واخدهم غيث وقعدوا بعيد عن الدوشه.

مايسه قاعدة مضايقه وبتفكر تعمل حاجه تبوظ الفرح بس مفيش فكرة جايه في دماغها.

مرهان : مايسه وجودها هنا غلط العروسة لو عرفت إن دي طليقة جوزها اللي مفروض يعني بقى جوزها مش هتسكت.
لمياء : معرفش اعمل لها ايه هى عاوزه يحيى يروح معاها ورشدي بقى مش عارفه هيوافق ولا هيعند معاها.
مرهان : لا هو مش هيرفض متقلقيش لازم هيمشي أمورة الليلة مايسه عارفه كده كويس وبعدين معتقدش يعني إنها جايه لـ السبب ده مستنتش ليه لما الفرح يشطب ولا أجلت الحوار دا لبكره حبكت يعني تيجي الفرح مخصوص علشان تاخد ابنها.
لمياء : عاوزه تقولي إنها جايه تبوظ الفرح؟
مرهان : سيبك من مايسه دلوقت وقول لي رأيك في الحركة اللي عملها جوز حنين؟ قصدي اللي كان جوزها يعني.
لمياء : ما هو أنا ملحقتش اشوف حاجه هو ايه اللي حصل أنا لمحت خالي اخده هو وحنين وماشيين من هنا.
مرهان : اللي حصل إنه طلع بيحبها قوي وقالها قدام الناس قصدي يعني إنه لمح بده قدام كل الناس.
لمياء : مش فاهمه هو عمل ايه؟ احكيلي.

صدفه : وايه اللي جايبه هو حد كان عزمه؟
راضي : أنا كاتب اسمه على كارت دعوة الفرح.
صدفه : ايش معنى؟!
راضي : غيث اخوكي اللي قال لي.
صدفه : اممم ياترى يا اخويا بتفكر في ايه؟

نهى : اه فهمت.. بس واضح إنه بيحبها قوي.
رشدي : فعلا ادعيلهم بقى.
نهى بابتسامة : أنت عاوز الناس كلها تفرح زينا مش كده؟
رشدي : أكيد يا حبيبتي.
نهى : بس مفيش حد فرحان قدي الليلة.
رشدي : هههههههههههه أنا.
____________

غيث : ها يا بنتي قولتي ايه؟
حنين : يعني حضرتك يا بابا اللي قولت له يجي؟!
تامر : هو بصراحة عمي بعت لي كارت دعوة لحضور الفرح لكن أنا كنت جاي وفي دماغي حاجه تانية غير اللي حصلت واهو اللي حصل حصل بقى
لو وافقتي يا حنين متعرفيش السعادة اللي هتدخل قلبي قد ايه.
حنين : نرجع لبعض علشان توجعني تاني؟!
تامر : عمرها ما هتحصل صدقيني أنا خلاص اتعلمت واتأدبت بجد ياريت تنسي اللي حصل وخلينا نفتح صفحة جديدة.
حنين : بابا أنا عاوزه اروح.
نظر تامر لغيث وعينه مدمعه مكانش دا الرد اللي منتظره.
حنين : بابا أنا عاوزه أمشي من هنا.
غيث : حاضر يا بنتي يلا بينا.