#أنا_حرة
___________
الحلقة ١٦
رجاء : معرفش أنا شوفته ما بيتنفسش بس الممرضة لما دخلت قالت إنه مات و أنا خرجت على طول معرفش بقى إن كان مات بجد و لا ممكن يقدروا ينقذوه.
ايمن : حد شافك و انتي داخله و خارجه من العناية؟
منير : مش وقته دلوقت اللي حصل حصل المهم خلتيه يمضي و لا معرفتيش؟
رجاء : معرفش شوفوا كده.
ايمن : لا الحوار دا شكله كده مش هينفع الامضا دي مهزوزه هتتهرش في لحظه.
رجاء : يعني ايه تعبنا راح على الفاضي؟!
ايمن : المهم متدخليش في سين و جيم الممرضة دي ممكن تقول على اللي حصل.
منير : معتقدش لإنها لو اتكلمت هتروح في داهيه مين اللي سمع لرجاء تدخل العناية مش هي برضو شغل دماغك يا ايمن المهم تروحي على الفيلا على طول و تبقي طبيعية و لو فعلا مات استقبلي الخبر كأنك متعرفيش و عيطي بقى عاوزك تعيطي كتير و تفضلي جنب عادل متسبهوش.
ايمن : رجاء احنا مشوفنكيش اليوم دا و لا اتقابلنا.
رجاء : اطمن انا مش صغيرة يلا بسرعة لازم اكون في الفيلا وقت استقبال الخبر.
____________
في العربية.
عادل : متعرفش أنا فرحان قد ايه النهاردة ياااه يا حاتم اخيرا اتقابلنا ايه خلاص نسيتنا؟!
حاتم : عمري ما انساكم يا عادل بس انت عارف بقى الشغل و المسؤوليات اللي ورايا كتير فمكانش عندي وقت اني انزل.
عادل : الاولاد و المدام عاملين ايه؟
حاتم : تمام بخير تامر اخباره ايه؟
عادل : بخير المهم نطمن على بابا.
حاتم : من وقت ما عرفت الخبر و انا مش قادر اتلم على اعصابي و مكونتش هستريح هناك علشان كده نزلت اطمن بنفسي..
عادل : هما مانعين الزيارة
حاولت كتير للأسف رفضوا ادخل اشوفه.
حاتم : نشوف مستشفى تكون كويسه يمكن الحالة تتحسن.
عادل : هنشوف.. بس المستشفى اللي فيها بابا كويسه على فكرة.
حاتم : اه ما أنا عارف بس يمكن يكون في أحسن على العموم هنشوف.
عادل : ثواني اشوف مين بيتصل.
حاتم : اتفضل.
في التليفون 📞
عادل : ايوه انا.. ايه؟؟
حضرتك متأكد من اللي بتقوله ده؟
نعم... خلاص خلاص مسافة السكة.
حاتم ' فيه ايه يا عادل حاجه حصلت.. بابا كويس؟
عادل بحزن : بابا توفى يا حاتم.
حاتم : ايه !!!
__________
في منزل الحاج غيث.
ريم : لاقيتك مبتسأليش قولت اسأل أنا.
حنين ' معلش الدنيا مشاغل المهم انتي اخبارك ايه؟
ريم : تمام.. عرفتي اللي حصل لجد تامر؟
حنين : ايوه عرفت.
ريم : مش واجب تكوني جنبه في ظرف زي ده؟!
حنين : ابقى جنبه ازاي يعني بأنهي صفه بقى؟!
ريم : يعني دماغك كده مبتفكرش ترجعيله؟
حنين : ريم احنا قفلنا الموضوع دا خلاص و انتي عارفه كده كويس.
ريم ' مش يمكن يكون لسه بيحبك.
حنين : مليش علاقة بيه.
ريم : أنا بقول برضو مش هينفع أصل انتي مش هتنسي و لا هو كمان.
حنين' و هو مش هينسى ايه بقى هو أنا عملت فيه حاجه؟!
ريم : يعني علشان اتحايل عليكي كتير هو و عيلته أكيد شايل من ناحيتك في الحته دي ابدأي صفحة جديدة يا حنين مع حد تاني.
حنين سكتت.
ريم : انتي و غادة بقيتوا أصحاب قوي..
حنين : و فيها ايه دي؟
ريم : يعني استغنيتي عن ريم خلاص.
حنين : لا مين قال كده بس كل اللي فيها ان ماما و مامتها طلعوا أصحاب و جات عندنا و روحت عندها فلاقيتها بنت كويسه فصاحبتها عادي.
ريم : لميا بنت عمتك فرحها امتى؟
حنين : خلاص اهو باقي اقل من اسبوعين.
ريم : ايه دا بجد؟
عقبالك يا حنين هفرحلك وقتها و هرقص كمان.
حنين : عقبالك يا ريم.
ريم : شكله كده مش ناوي يجي.
حنين : هههههههههههه
هو مين؟
ريم : العريس.
حنين : ايه دا انتي في دماغك حد معين و لا ايه؟
ريم : بهزر يا حنون سلام بقى.
حنين : استني مشربتيش العصير بتاعك.
ريم : معلش علشان بس اتأخرت على ماما سلام.
حنين : مع السلامة.
___________
أنت تقرأ
أنا حرة
ChickLitفتاة متمرده باعت الغالي بالرخيص و اخرى لم تختر زوجها حتى يوقعها في مشاكل كثيرة مايسه و حنين هنشوف مين اللي هتربح في النهاية. ........ الأم : و لا تزعلي نفسك بكره يجيلك احسن منه. مايسه : بس ابني صعبان عليا قوي يا ماما متعلق بيه. الأم : ليه عجبه قوي...
